រាជធានី​ភ្នំពេញ ៖ ក្រុមហ៊ុន​សាម​សុង​ប្រកាស​បើក​សម្ពោធ​ជា​ផ្លូវការ​នូវ​ម៉ាស៊ីនត្រជាក់​ស៊េរី​ថ្មី​ម៉ាក The Triangle នៅ​លើ​ទីផ្សារ​កម្ពុជា​កាល​ពេល​ថ្មី​ៗ​នេះ នៅ​សណ្ឋាគារ​ហ៊ី​ម៉ា​វ៉ា​រី ។ ពិធី​នេះ​មានការ​ចូលរួម​ជា​កិត្តិយស​ពី​លោក Seungho Choi អគ្គនាយក​ក្រុមហ៊ុន​ថៃ សាម​សុង អេ​ឡិច​ត្រូ​និក ប្រចាំ​កម្ពុជា​និង​ឡាវ រួម​នឹង​ថ្នាក់​គ្រប់គ្រង​ក្រុមហ៊ុន​សាម​សុង និង​ភ្ញៀវ​កិត្តិយស​ជា​ច្រើន​នាក់​ទៀត ។

ម៉ាស៊ីនត្រជាក់​រាង​ត្រីកោណ​នេះ​ធ្វើ​ឲ្យ​ខ្យល់​ត្រជាក់​ចេញ​បាន​លឿន​ដែល​អាច​សាយភាយ​ពេញ​បន្ទប់​ដោយសារ​បច្ចេកវិទ្យា​POWERboost បង្កើត​ឡើង​ដោយ​8-Pole Inverter និង​បច្ចេកវិទ្យា Digital Inverter របស់​សាម​សុង ។ លើស​ពី​នេះ បច្ចេកវិទ្យា​Virus Doctor និង​3Care Filter មាន​សមត្ថភាព​ខ្ពស់​ក្នុង​ការ​ច្រោះ​ធូលី មេរោគ​ក្នុង​ខ្យល់ និង​បាក់តេរី​ផ្សេង​ៗ​ដែល​បង្ក​ឲ្យ​មាន​ជំងឺ​អា​លែ​ក្ស៊ី​។

ថ្លែង​ក្នុង​ពិធី​បើក​សម្ពោធ​លោក Seungho Choi អគ្គនាយក​ក្រុមហ៊ុន​ថៃ សាម​សុង អេ​ឡិច​ត្រូ​និក​ប្រចាំ​កម្ពុជា​និង​ឡាវ​បាន​ឲ្យ​ដឹង​ថា ម៉ាស៊ីនត្រជាក់​ម៉ាក​The Triangle មាន​រូបរាង​ស្រស់​ស្អាត និង​មាន​សមត្ថភាព​ធ្វើ​ឱ្យ​ត្រជាក់បាន​លឿន​នាំ​មក​នូវ​ផាសុកភាព​ដល់​អតិថិជនរបស់​យើង ។ យើង​បាន​បង្កប់​លក្ខណៈ​ពិសេស​ៗ និង​ទំនើប​ដើម្បី​ធានា​ថា វា​គឺជា​ឧបករណ៍​វៃឆ្លាត និង​ផ្តល​ភាព​សុខ​ស្រួល​ដល់​អតិថិជន​នៅ​ដើមឆ្នាំ​នេះ ។ លោក​បន្ត​ថា ម៉ាស៊ីនត្រជាក់​ស៊េរី​ថ្មី​នេះ​អាច​រក្សា​សីតុណ្ហភាព​នៅ​ក្នុង​បន្ទប់​ឲ្យ​ត្រជាក់​បាន​យូរ​ដោយ​មិន​ចាំបាច់​បិទ​បើក ឬ​កំណត់​សីតុណ្ហភាព​ចុះឡើង ដូច្នេះ​វា​ប្រើប្រាស់​ថាមពល​អគ្គិសនី​កាន់តែ​តិច ។ បច្ចេកវិទ្យា​Digital Inverter​ជំនាន់​ថ្មី​ប្រើប្រាស់​ថាមពល​ត្រឹមតែ​៣២% នៃ​ការ​ប្រើប្រាស់​ថាមពល​ម៉ាស៊ីនត្រជាក់​ធម្មតា មាន​ន័យ​ថា វា​អាច​សន្សំ​សំចៃ​បាន​រហូត​ដល់​៦៨% ។ ជាមួយនឹង​មុខងារ​នេះ​នឹង​ធ្វើ​ឲ្យ​បន្ទប់​ត្រជាក់​លឿន​ជាង​មុន ដោយសារ​ដំណើរការ​ក្នុង​កម្រិត​អតិបរិមា​ជាមួយនឹង​ល្បឿន​កង្ហារ​ត្រឹមតែ​៣០នាទី​ប៉ុណ្ណោះ​ដើម្បី​បង្គ្រប់​ភាព​ត្រជាក់​ក្នុងបន្ទប់ ៕