រាជធានីភ្នំពេញ ៖ ក្រុមហ៊ុនសាមសុងបានរៀបចំកម្មវិធីជួបជុំដៃគូពាណិជ្ជកម្មដើម្បីដាក់តាំងបង្ហាញនូវទូរស័ព្ទសាមសុង Galaxy S7 edge និងGalaxy S7 ជាផ្លូវការនៅលើទីផ្សារកម្ពុជាកាលពីល្ងាចថ្ងៃទី១៦ មីនា នៅសណ្ឋាគារឡឺរ៉ូយ៉ាល់ ។ ពិធីនេះមានការចូលរួមពីដៃគូពាណិជ្ជកម្មជាច្រើនកុះករ ។
តំណាងក្រុមហ៊ុនសាមសុងមានប្រសាសន៍ថា៖«សាមសុងបើមិនមានការចូលរួមនិងគាំទ្រពីអតិថិជននាពេលសព្វថ្ងៃនេះទេ ក៏មិនអាចក្លាយជាក្រុមហ៊ុននាំមុខគេនៅលើទីផ្សារមកដល់បច្ចុប្បន្ននេះដែរ ។ យើងពិតជាមានមោទនភាពក្នុងការបង្ហាញនូវទូរស័ព្ទទំនើបដែលមានបច្ចេកវិទ្យាខ្ពស់គឺទូរស័ព្ទGalaxy S7 edge និងGalaxy S7 មានការរចនាល្អប្រណីត និងមានប្រព័ន្ធដំណើរការល្អ ។ ខ្ញុំជឿជាក់យ៉ាងមុតមាំថា Galaxy S7 edgeនិង Galaxy S7រឹតតែធ្វើឱ្យសាមសុងនាំមុខគេនៅលើទីផ្សារកម្ពុជា និងអាចបំពេញតាមសេចក្តីត្រូវការរបស់អតិថិជនបាន» ។
យោងតាមការបង្ហាញទៅដល់ដៃគូអាជីវកម្មអំពីទូរស័ព្ទ Galaxy S7 edgeនិង Galaxy S7 ពិតជាអស្ចារ្យលើសពីទូរស័ព្ទមាននៅលើទីផ្សារសព្វថ្ងៃត្រង់ថា ទូរស័ព្ទទាំងពីរម៉ូដែលចុងក្រោយរបស់ក្រុមហ៊ុនសាមសុង គឺអាចដាក់ត្រាំនៅក្នុងទឹកបាន ជាការផ្តល់ពិសេសមួយទៅឲ្យអតិថិជនក្នុងការប្រើប្រាស់ដោយមិនបារម្ភខ្លាចធ្លាក់ចូលក្នុងទឹកក្នុងអំឡុងពេលប្រើប្រាស់ដោយមិនបានប្រុងប្រយ័ត្ន ។
តាមសេចក្តីប្រកាសព័ត៌មានរបស់ក្រុមហ៊ុនសាមសុងបង្ហាញថា Galaxy S7 edgeនិង Galaxy S7 ជាស្មាតហ្វូនដំបូងរបស់ក្រុមហ៊ុនសាមសុងដែលបំពាក់Hybrid Slot ប្រើប្រាស់ស៊ីមពីរ ឬបន្ថែមអង្គចងចាំមួយទៀតបានរហូតដល់២០០GBបាន ។ ទូរស័ព្ទទាំងពីរម៉ូដែលនេះក៏បានបង្កើននូវសមត្ថភាពជាច្រើនដូចជាIP68 ដែលការពារជ្រាបទឹកនិងធូលី ហើយកាមេរ៉ាមានdual pixelជាមួយLen 1.7 (Apeture 1.7)ដែលអាចថតរូបបានច្បាស់ និងមានគុណភាពដូចជាកាមេរ៉ាអាជីពដែរ ៕
ចែករំលែកព័តមាននេះ