ខេត្តព្រះសីហនុ ៖ ពាក់ព័ន្ធករណីគ្រោះថ្នាក់ចរាចរណ៍មួយរវាងរថភ្លើងបុកគ្នាជាមួយរថយន្តមួយគ្រឿង បណ្តាលឱ្យអ្នកបើកបររថយន្តស្លា.ប់នោះ ក្រោយពីកម្លាំងបានធ្វើការពិនិត្យឃើញថា អ្នកបើករថភ្លើងមិនមានកំហុសត្រូវឃាត់ខ្លួនទេ ព្រោះរឿងនេះមកពីការធ្វេសប្រហែសចំពោះឆ្មាំការពារផ្លូវរថភ្លើង ដោយមិនបានដាក់បារ៉ាស់ឃាត់អ្នកដំណើរ ឬរថយន្តឆ្លងកាត់ ខណៈពេលរថភ្លើងកំពុងធ្វើចរាចរណ៍…
ខេត្តព្រះសីហនុ ៖ ពាក់ព័ន្ធករណីគ្រោះថ្នាក់ចរាចរណ៍មួយរវាងរថភ្លើងបុកគ្នាជាមួយរថយន្តមួយគ្រឿង បណ្តាលឱ្យអ្នកបើកបររថយន្តស្លា.ប់នោះ ក្រោយពីកម្លាំងបានធ្វើការពិនិត្យឃើញថា អ្នកបើករថភ្លើងមិនមានកំហុសត្រូវឃាត់ខ្លួនទេ ព្រោះរឿងនេះមកពីការធ្វេសប្រហែសចំពោះឆ្មាំការពារផ្លូវរថភ្លើង ដោយមិនបានដាក់បារ៉ាស់ឃាត់អ្នកដំណើរ ឬរថយន្តឆ្លងកាត់ ខណៈពេលរថភ្លើងកំពុងធ្វើចរាចរណ៍ ។ នេះបើតាមលោកឧត្តមសេនីយ៍ទោ ជូន ណារិន្ទ ស្នងការនគរបាលខេត្តព្រះសីហនុ បានថ្លែងប្រាប់កោះសន្តិភាពតាមរយៈទូរស័ព្ទ នារសៀលថ្ងៃទី១៤ តុលា នេះ ។
លោកស្នងការបានឱ្យដឹងទៀតថា កាលពីថ្ងៃ១៣ តុលា ម្សិលមិញ ព្រះរាជអាជ្ញារងនៃអយ្យការអមសាលាដំបូងខេត្ត បានអនុញ្ញាតឲ្យសមត្ថកិច្ចនគរបាលស្រុកព្រៃនប់ឃាត់ខ្លួនអ្នកបើករថភ្លើងទៅសាកសួរ ។ ប៉ុន្តែនៅថ្ងៃនេះ ព្រះរាជអាជ្ញដោយមានការចូលពីកម្លាំងជំនាញនៃស្នងការដ្ឋាននគរបាលខេត្ត ស្តាប់ចម្លើយនិងពិនិត្យឃើញថា អ្នកបើកបររថភ្លើងមិនមានកំហុសត្រូវឃាត់ខ្លួនគាត់ទេ ព្រោះរឿងនេះមកពីការធ្វេសប្រហែសចំពោះឆ្មាំការពារផ្លូវរថភ្លើង ដោយមិនបានដាក់បារ៉ាស់ឃាត់អ្នកដំណើរ ឬ រថយន្តឆ្លងកាត់ ខណៈពេលរថភ្លើងកំពុងធ្វើចរាចរ ។
ដូច្នោះ ព្រះរាជអាជ្ញានៃអយ្យការអមសាលាដំបូងខេត្ត សម្រេចមិនឃាត់ខ្លួនអ្នកបើកបររថភ្លើងនោះទេ ពោលគឺអនុញ្ញាតឲ្យទៅបម្រើការងារជាធម្មតាវិញ ប៉ុន្តែព្រះរាជអាជ្ញាតម្រូវឲ្យសមត្តកិច្ចបញ្ជូនសំណុំរឿងទៅសាលាដំបូងតាមនីតិវិធី ។
ចែករំលែកព័តមាននេះ