ខេត្តក្រចេះ ៖ ករណីឃាត.កម្ម.មួយកើតឡើង ដោយជនសង្ស័យបានយកលំពែងមកចាក់ជនរងគ្រោះ ខណៈគាត់កំពុងដេកលង់លក់ក្រោមនៅផ្ទះរបស់គាត់ ដែលហេតុការណ៍នេះកើតឡើងនៅរសៀលថ្ងៃទី១៣ តុលា ស្ថិតនៅចំណុចភូមិព្រៃគោ ឃុំដំរីផុង ស្រុកឆ្លូង…
ខេត្តក្រចេះ ៖ ករណីឃាត.កម្ម.មួយកើតឡើង ដោយជនសង្ស័យបានយកលំពែងមកចាក់ជនរងគ្រោះ ខណៈគាត់កំពុងដេកលង់លក់ក្រោមនៅផ្ទះរបស់គាត់ ដែលហេតុការណ៍នេះកើតឡើងនៅរសៀលថ្ងៃទី១៣ តុលា ស្ថិតនៅចំណុចភូមិព្រៃគោ ឃុំដំរីផុង ស្រុកឆ្លូង ខេត្តក្រចេះ ។
យោងតាមរបាយការណ៍នគរបាលបញ្ជាក់ឲ្យដឹងថា ជនរងគ្រោះខាងលើឈ្មោះ គឹម ញឹម ភេទប្រុស អាយុ៥៣ឆ្នាំ ជនជាតិខ្មែរ មុខរបរធ្វើចំការ មានទីលំនៅភូមិព្រៃគោ ឃុំរីផុង ស្រុកឆ្លូង ខេត្តក្រចេះ។ ចំណែកជនសង្ស័យ ឈ្មោះ ខាំ យ៉ាត ភេទប្រុស អាយុ៥២ ឆ្នាំ ជនជាតិខ្មែរ មុខរបរធ្វើចំការ មានទីលំនៅ ភូមិ ឃុំជាមួយជនរងគ្រោះ។
តាមរបាយការណ៍បញ្ជាក់ទៀតថា ដោយសារកាលពីមុនជនរងគ្រោះនិងជនសង្ស័យ ធ្លាប់មានរឿងនិងគ្នា ដោយជនរងគ្រោះចោទជនសង្ស័យថា យកថ្នាំពុលទៅដាក់ក្នុងទឹកពាងរបស់គាត់ ។ លុះក្រោយមក ជនសង្ស័យថា ជនរងគ្រោះតែងតែស្រវឹងដៀមដាមគាត់ជានិច្ច ។
លុះដល់ថ្ងៃទី១៣ តុលា ម្សិលមិញនេះ ជនសង្ស័យបានទៅផឹកស្រានៅបុណ្យ៧ថ្ងៃគេ ក្នុងភូមិកើតហេតុ រហូតដល់ពេលរសៀលបានត្រឡប់មកផ្ទះវិញពេលអង្គុយនៅផ្ទះក៏ឮជនរងគ្រោះនិយាយដៀមដាមថា ឆ្នាំងណាគំរបនិង ឮដូច្នេះជនសង្ស័យឃើញជនរងគ្រោះដេកលក់នៅលើគ្រែក្រោមផ្ទះក៏ទាញលំពែងទៅចាក់ចំឆ្អឹងជំនីរខាងឆ្វេង បណ្ដាលឲ្យស្លា.ប់នៅនិងកន្លែង។
ក្រោយពីទទួលបានព៌តមានភ្លាម កំលាំងជំនាញនគរបាលស្រុកឆ្លូង សហការជាមួយកំលាំងប៉ុស្តិ៍ចុះទៅដល់កន្លែងកើតហេតុធ្វើការឃាត់ខ្លួនជនសង្ស័យយកមកអធិការដ្ឋាននគរបាលស្រុកឆ្លូងបណ្ដោះអាសន្នដើម្បីកសាងសំណុំរឿងបញ្ជូនទៅជំនាញខេត្តដើម្បីបន្តនិតិវិធី។
ចែករំលែកព័តមាននេះ