រាជធានីភ្នំពេញ ៖ ក្រសួងសុខាភិបាលបានបញ្ជាក់ នៅថ្ងៃទី១៤ ខែតុលា ឆ្នាំ២០២១ថា បានរកឃើញអ្នកឆ្លងជំងឺកូវីដ១៩ថ្មីបន្ថែមចំនួន២៦៨នាក់ ជាទិន្នន័យពីម៉ាស៊ីន (PCR) និងអ្នកស្លា.ប់ដោយសារជំងឺកូវីដ១៩…
រាជធានីភ្នំពេញ ៖ ក្រសួងសុខាភិបាលបានបញ្ជាក់ នៅថ្ងៃទី១៤ ខែតុលា ឆ្នាំ២០២១ថា បានរកឃើញអ្នកឆ្លងជំងឺកូវីដ១៩ថ្មីបន្ថែមចំនួន២៦៨នាក់ ជាទិន្នន័យពីម៉ាស៊ីន (PCR) និងអ្នកស្លា.ប់ដោយសារជំងឺកូវីដ១៩ កើនដល់២៥នាក់ ។
ការបង្ហាញចំនួនទាំងអ្នកឆ្លង និងអ្នកស្លា.ប់ដោយសារជំងឺកូវីដ១៩នៅថ្ងៃនេះ គឺមានចំនួនច្រើនជាងថ្ងៃកន្លងមកនេះ ។
យ៉ាងណាក្តី ក្រសួងបានគូសបញ្ជាក់យ៉ាងដូច្នេះថា ៖« រកឃើញអ្នកឆ្លងជំងឺកូវីដថ្មី 268 (PCR) នាក់ទៀត ជាសះស្បើយ 359 នាក់ និងស្លា.ប់ 25 នាក់ នៅក្នុងនោះមានករណីឆ្លងពីព្រឹត្តិការណ៍សហគមន៍ 244 នាក់ និង អ្នកដំណើរពីបរទេស 24 នាក់»។
ក្រសួងបានលើកឡើងថា គិតត្រឹមព្រឹក ថ្ងៃទី១៤ ខែតុលា ឆ្នាំ២០២១ មានអ្នកឆ្លងជំងឺកូវីដ១៩សរុបនៅទូទាំងប្រទេសមានចំនួន 115,875 នាក់ និងអ្នកព្យាបាល ជាសះស្បើយចំនួន109,655 នាក់ និងអ្នកស្លា.ប់មានចំនួន 2,584 នាក់ ។
លោកកជំទាវ ឱ វណ្ណឌីន រដ្ឋលេខាធិការ ក្រសួងសុខាភិបាល និងជាអ្នកនាំពាក្យក្រសួងបានណែនាំដល់ប្រជាពលរដ្ឋត្រូវរៀនសម្របខ្លួន រស់តាមបែបគន្លងប្រក្រតីភាពថ្មី ដើម្បីរក្សានៅសុវត្ថិភាពពីការចម្លងលឿនរបស់វីរុសកូវីដ-១៩ ។
តាមរយៈសារតេឡេក្រាម នាថ្ងៃទី១៤ ខែតុលា ឆ្នាំ២០២១ លោកស្រី ឱ វណ្ណឌីន បានថ្លែងថា «យើងទាំងអស់គ្នាត្រូវតែបន្តអនុវត្តឲ្យបានខ្ជាប់ខ្ជួននូវវិធានការការពារ រួមទាំងរៀនសម្របខ្លួនរស់នៅ តាមបែបគន្លងប្រក្រតីភាពថ្មី ដើម្បីរក្សាបាននៅសុវត្ថិភាព បុគ្គល គ្រួសារ និងសហគមន៍ពីការចម្លងលឿនរបស់វីរុសកូវីដ-១៩ និងធានានិរន្តរភាពនៃរស់នៅតាមបែបគន្លងប្រក្រតីភាពថ្មីរបស់យើង»៕
ចែករំលែកព័តមាននេះ