អ្នកជំនាញ UN ថា ប្រជាជនកូរ៉េខាងជើងកំពុងប្រឈមនឹងគ្រោះអត់ឃ្លាន និងស្នើឱ្យដកទ.ណ្ឌកម្ម
កូរ៉េខាងជើង ៖ អ្នកជំនាញរបស់អង្គការសហប្រជាជាតិបាននិយាយថា កុមារ និងមនុស្សចាស់ដែលងាយរងគ្រោះនៅក្នុងប្រទេស
កូរ៉េខាងជើង ៖ អ្នកជំនាញរបស់អង្គការសហប្រជាជាតិបាននិយាយថា កុមារ និងមនុស្សចាស់ដែលងាយរងគ្រោះនៅក្នុងប្រទេស
កូរ៉េខាងជើង ៖ អ្នកជំនាញរបស់អង្គការសហប្រជាជាតិបាននិយាយថា កុមារ និងមនុស្សចាស់ដែលងាយរងគ្រោះនៅក្នុងប្រទេសកូរ៉េខាងជើងកំពុងតែប្រឈមនឹងគ្រោះអត់ឃ្លានអាហារ។
លោក Tomas Ojea Quintana អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សក្នុងប្រទេសនេះ បានស្តីបន្ទោសលើទ.ណ្ឌកម្មអន្តរជាតិ និងការបិទខ្ទប់កូវីដ ជាហេតុធ្វើឲ្យមានបញ្ហាកង្វះស្បៀងកាន់តែធ្ងន់ធ្ងរ ហើយជាលទ្ធផល ប្រជាជនកូរ៉េខាជើងត្រូវតស៊ូរាល់ថ្ងៃដើម្បីរស់នៅក្នុងជីវិតថ្លៃថ្នូរ។
លោកក៏បានស្នើឲ្យមានការដកទ.ណ្ឌកម្មចេញពីប្រទេសកូរ៉េខាងជើងដើម្បីការពារកុំឲ្យមានវិបត្តិ។
ប្រទេសកូរ៉េខាងជើងដែលរងទ.ណ្ឌកម្មជុំទិសពីអន្តរជាតិដោយសារកម្មវិធីអាវុធនុយក្លេអ៊ែរ ត្រូវបានគេមើលឃើញថាស្ថិតក្នុងស្ថានភាពសេដ្ឋកិច្ចធ្ងន់ធ្ងរ។
របបកុម្មុយនីស្តនេះបានបិទព្រំដែនរបស់ខ្លួនដើម្បីទប់ស្កាត់ការរាតត្បាតជំងឺកូវីដ ១៩ ដែលធ្វើឲ្យពាណិជ្ជកម្មរបស់ខ្លួនជាមួយនឹងចិនធ្លាក់ចុះយ៉ាងខ្លាំង។ កូរ៉េខាងជើងពឹងផ្អែកលើចិនសម្រាប់ចំណីអាហារ ជី និងប្រេងឥន្ធនៈ។
ទីភ្នាក់ងារព័ត៌មានរដ្ឋបានចុះផ្សាយថា នៅសប្តាហ៍នេះមេដឹកនាំកូរ៉េខាងជើង Kim Jong-un បានទទួលស្គាល់ថា ប្រទេសកូរ៉េខាងជើងកំពុងប្រឈមនឹងស្ថានភាពដ៏អាក្រក់។
មានការរាយការណ៍ថា តម្លៃម្ហូបអាហារនៅកូរ៉េខាងជើងហក់ឡើងយ៉ាងខ្លាំង ដោយនៅខែមិថុនាកន្លងទៅ គ្រាន់តែចេកមួយគីឡូក្រាមមានតម្លៃ ៤៥ដុល្លារ។
នៅក្នុងរបាយការណ៍ចុងក្រោយ លោក Tomas Ojea Quintana បាននិយាយថា ក្រុមប្រឹក្សាសន្តិសុខអង្គការសហប្រជាជាតិគួរពិនិត្យមើលលើការបន្ធូរបន្ថយទ.ណ្ឌកម្មអន្តរជាតិ និងអនុញ្ញាតឲ្យមានជំនួយមនុស្សធម៌ និងសង្គ្រោះជីវិត។
សូមរម្លឹកថា សហរដ្ឋអាមេរិកក្រោមការដឹកនាំរបស់លោកប្រធានាធិបតី Joe Biden បានធ្វើការបញ្ជាក់ថា អាមេរិកមានឆន្ទៈក្នុងការចរចាជាមួយនឹងកូរ៉េខាងជើង ប៉ុន្តែបានទាមទារឲ្យកូរ៉េខាងជើងបោះបង់ចោលអាវុធនុយក្លេអ៊ែរជាមុនសិន មុនពេលមានការដកទ.ណ្ឌកម្ម ប៉ុន្តែកូរ៉េខាងជើងបដិសេធ។
ទោះយ៉ាងណា កាលពីពេលថ្មីនេះ សហរដ្ឋអាមេរិកហាក់បន្ទន់ជំហររបស់ខ្លួនចំពោះកូរ៉េខាងជើងដើម្បីនាំយកក្រុងព្យុងយ៉ាងចូលក្នុងទុកចរចាវិញ។
បើតាមក្រុមប្រឹក្សាសន្តិសុខជាតិកូរ៉េខាងត្បូង អាមេរិកបានធ្វើការបញ្ជាក់សារជាថ្មីពីភាពស្មោះត្រង់ថា អាមេរិកមិនប្រកាន់យកគោលនយោបាយអរិភាពចំពោះកូរ៉េខាងជើងឡើយ និងបានបញ្ជាក់ជំហរថាខ្លួននឹងចូលរួមក្នុងកិច្ចចរចារជាមួយនឹងកូរ៉េខាងជើងគ្រប់ពេលវេលា គ្រប់ទីកន្លែងដោយគ្មានលក្ខខណ្ឌជាមុន។
កាលពីដើមសប្តាហ៍នេះ មេដឹកនាំកូរ៉េខាងជើងបានបន្ទោសអាមេរិកថាជាអ្នកធ្វើឲ្យមានភាពតានតឹង និងបាននិយាយថា ខ្លួនត្រូវបន្តអភិវឌ្ឍន៍អាវុធដើម្បីការពារខ្លួន៕ (យោងតាមប្រភព៖ BBC)
ចែករំលែកព័តមាននេះ