ទំនិញខូចគុណភាពជិត៣តោន ដែលត្រូវចាប់បាន និងដកហូតតាមបណ្តាទីផ្សារ
- បន្ទាយមានជ័យ
ទំនិញខូចគុណភាពជិត៣តោន ដែលដូចជា នំធុង និងទឹកគោជូរ ព្រមទាំងទឹកដោះគោស្រស់ ត្រូវបានមន្ត្រីជំនាញចាប់បាន និងដកហូតតាមបណ្តាទីផ្សារ
ទំនិញខូចគុណភាពជិត៣តោន ដែលដូចជា នំធុង និងទឹកគោជូរ ព្រមទាំងទឹកដោះគោស្រស់ ត្រូវបានមន្ត្រីជំនាញចាប់បាន និងដកហូតតាមបណ្តាទីផ្សារ
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ទំនិញខូចគុណភាពជិត៣តោន ដែលដូចជា នំធុង និងទឹកគោជូរ ព្រមទាំងទឹកដោះគោស្រស់ ត្រូវបានមន្ត្រីជំនាញចាប់បាន និងដកហូតតាមបណ្តាទីផ្សារ ហើយយកមកដុតកម្ទេចចោល នៅរសៀលថ្ងៃទី១២ ខែតុលា ឆ្នាំ២០២១ នៅមុខស្នាក់ការមន្ទីរពិសោធន៍ខ្នាតតូច ក្រុងប៉ោយប៉ែត។
លោក សាន វិជ្ជាសារ៉ាវុធ ប្រធានសាខាការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំខេត្តបន្ទាយមានជ័យ ហៅថា ក.ប.ប បានប្រាប់ឱ្យដឹងថា ទំនិញដែលត្រូវបានដុតកម្ទេចចោល គឺជាទំនិញដែលខូចគុណភាព ហើយមានទម្ងន់២,៦៥៥គីឡូក្រាម ដោយក្នុងនោះមានដូចជា នំធុងចំនួន៦៨ធុង ស្មើនឹង២៧២គីឡូក្រាម, ទឹកដោះគោ Dutch Mill មានចំនួន២,០៧០ដប ស្មើនឹងទម្ងន់១,៧១៨គីឡូក្រាម, ទឹកដោះគោស្រស់ Meji មានចំនួន៣០០ដប ស្មើនឹង៦០០លីត្រ និងយ៉ាអ៊ួរ Dutch Nata Decoco មានចំនួន២១យួរ ស្មើនឹង៦៥,៥២គីឡូក្រាម។
លោកបានបញ្ជាក់ថា ទំទិញជិត៣តោនដែលត្រូវបានដុតកម្ទេចចោលខាងលើនេះ គឺជាទំនិញហួសការបរិច្ឆេទ និងដឹកជញ្ជូនគ្មានបច្ចេកទេស បណ្តាលខូចគុណភាព ហើយត្រូវមន្ត្រីសាខា ក.ប.ប សហការជាមួយមន្ទីរពាណិជ្ជកម្មខេត្តបន្ទាយមានជ័យ បានធ្វើការបង្ក្រាប ខណៈពេលដែលឈ្មួញលួចលាក់នាំចូលតាមច្រករបៀងខុសច្បាប់ និងចុះពិនិត្យតាមទីផ្សាក្នុងខេត្តបន្ទាយមានជ័យ រួចបានធ្វើការដកហូតរយៈពេល៣ខែក្នុងឆ្នាំ២០២១នេះ។
លោក សាន វិជ្ជាសារ៉ាវុធ បានបញ្ជាក់ថា ជាការណែនាំពីឯកឧត្តមរដ្ឋមន្ត្រីក្រសួងពាណិជ្ជកម្ម និងអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ និងសម្របសម្រួលពីឯកឧត្តម ព្រះរាជអាជ្ញាអាយ្យការអមសាលាដំបូងខេត្តបន្ទាយមានជ័យ និងមន្ត្រីជំនាញ បានធ្វើការដុតកម្ទេចទំនិញដែលខូចគុណភាពជិត៣តោនចោល ដើម្បីការពារសុខុមាលភាពរបស់បងប្អូនប្រជាពលរដ្ឋ៕
ចែករំលែកព័តមាននេះ