ប្រទេសឥណ្ឌា ៖ ការពុះកញ្ជ្រោលថ្មីកើតមាននៅឥណ្ឌា បន្ទាប់ពីបាតុករ ជាម្ចាស់កសិដ្ឋាន៤នាក់ បានត្រូវក្បួនរថយន្តមួយបុកស្លា.ប់មក។ កូនប្រុសរដ្ឋមន្ត្រីមហាផ្ទៃឥណ្ឌា ត្រូវបានគេសង្ស័យពីបទប៉ុនប៉ងធ្វើឃា.ត ហើយត្រូវប៉ូលិសចាប់ខ្លួន។ ពួកប្រឆាំងនឹងបណ្ដាកសិករបានសម្ដែងការក្ដៅក្រហាយចំពោះអំពើហិ.ង្សានេះ។
រឿងនោះកើតមានកាលពី១សប្ដាហ៍មុន គឺកាលពីថ្ងៃទី៣ ខែតុលា ឆ្នាំ២០២១ ពេលរថយន្តធុន SUV ២គ្រឿង បានបើកបុកបណ្ដាកសិករ ដែលវិលត្រឡប់មកពីចូលរួមក្នុងបាតុកម្ម ក្នុងរដ្ឋអ៊ុតតាប្រាដេស។ ការបុកនោះ បណ្ដាលឲ្យកសិករ៤នាក់ត្រូវស្លា.ប់។ បណ្ដាវីដេអូផ្សាយតាមបណ្ដាញសង្គមបង្ហាញថា នោះពិតជាអំពើដែលប្រព្រឹត្តដោយចេតនា។ ក្នុងចំណោមរថយន្តទាំង២គ្រឿងដែលបើកបុកសម្លា.ប់កសិករ រថយន្តមួយជារបស់រដ្ឋមន្ត្រីមហាផ្ទៃ លោក AJAY MISHRA ហើយគឺកូនប្រុសលោកឈ្មោះ ASHISH ដែលជាប់សង្ស័យថា ជាអ្នកស្ថិតក្នុងក្រុមរថយន្តដែលបើ់កបុកសម្លា.ប់កសិករ។ ASHISH ត្រូវប៉ូលិសចាប់ខ្លួននាថ្ងៃទី១០ តុលា។
ការចាប់ខ្លួននោះ ត្រូវបានទាមទារចាប់តាំងពីច្រើនថ្ងៃមកហើយ រួចអ្នកនាំពាក្យគណបក្សប្រឆាំងកុងក្រេស ក្នុងរដ្ឋអ៊ុតតាប្រាដេស លោក PANKHURI PATHAK លើកឡើងថា កូនប្រុសរដ្ឋមន្ត្រីមហាផ្ទៃស្ថិតក្នុងរថយន្តដែលបើកបុកសម្លា.ប់បណ្ដាម្ចាស់កសិដ្ឋាន ហើយរូបគេនៅតែគេទុកឲ្យមានសេរីភាព។ ទន្ទឹមនឹងនេះដែរ អ្នកនយោបាយជាច្រើនរូប បានទៅកាន់កន្លែងកើតហេតុ។ ក្រុមប្រឆាំងបានបរិហារថា តុលាការមានភាពលម្អៀងទៅរកបណ្ដាសមាជិកគណបក្សកាន់អំណាច BJP ។
លោកស្រីព្រីយ៉ាន់កាគន្ធី ដែលជាប្រមុខគណបក្សប្រឆាំងកុងក្រេសនិយាយថា ASHISH ត្រូវបានគេចាត់ទុកជាមនុស្ស VIP។ លោកស្រីថា បើ់ដរាបណាឪពុករបស់គេ ជារដ្ឋមន្ត្រីមហាផ្ទៃ មិនព្រមលាលែងចេញពីតំណែងទេ នោះតុលាការនឹងមិនអាចចាត់ការដោយសេរីចំពោះរឿងនោះឡើយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ