សារសំឡេងណាត់ជួបស្រីស្នេហ៍… សំឡេងញ៉ែស្រី… សំឡេងស្រីស្នេហ៍ប្លែកពីគ្នា ដែលទូរទស្សន៍ក្នុងស្រុកមួយចាក់ផ្សាយ… ដែលមាននៅក្នុងហ្វេសប៊ុក… បកអាក្រាតលោក កឹម សុខា មិនដឹងថា ថ្ងៃណា ខែណាចប់នៅឡើយទេ…។
អ្នកតាមដានស្តាប់… នៅតែតាមស្តាប់… អ្នកវិភាគរាយរងនៅតែវិភាគ… ដូចជាសំណាងលោក កឹម សុខា… សំណាងជាងគេ ដែលបានប្រាក់ពីខ្មែរនៅស្រុកក្រៅ… យកមកស៊ីចុកបុកទំពារ… អង្គៀមហូរហែ… ពិសេសជាងគេស្នេហ៍ស្និទ្ធជាមួយស្រីក្មេងស្អាតម្នាក់នៅហាងមួយ…
រឿងភាគរបស់ម្ចាស់ស្នេហ៍ស្និទ្ធមួយនេះ… មិនដឹងពេលណាចប់ទេ… ។ ទំនងគាត់អត់មានសារិកាលិនថោងខ្មោចលងអីទេ… ស្នេហ៍គ្រប់ម៉ាករបស់គាត់ គឺស្និទ្ធ… បូកជាមួយអាំងប៉ាវធំៗទៀត… ទោះមានសារិកាលិនថោង១០ដង… ក៏អត់ឈ្នះ«អាស្និទ្ធ»ហ្នឹងដែរ… ហេ ! ហេ !
ក្រុមអ្នកវិភាគមួយនិយាយថា… រឿងភាគមួយនេះ… តួឯកនៃរឿងសម្ងំស្ងប់ឈឹង… ស្ងប់ល្អគ្រាន់បើ… ប៉ុន្តែក្នុងចិត្ត ក្នុងហឫទ័យមិនដឹងក្តៅងំយ៉ាងណាទេ… ក្តៅដូចដំឡូងដុតផេះក៏មិនដឹង… ។
អ្នកវិភាគដដែលថា ឃើញទឹកស្ងប់… កុំថាក្នុងទឹកអត់មានត្រី… ថ្ងៃណាមួយត្រីឆ្តោរស្ទុះលោតធ្វើឱ្យភ្ញាក់មិនខាន…
ក្រុមអ្នកតាមដាននិយាយថា រឿងនេះវាផ្ទុះចេញលាន់ឮដូចគ្រាប់បែក… ស្ងាត់ៗស្រាប់តែគ្រាប់បែកផ្ទុះឡើង… ផ្ទុះលាន់កក្រើក… តើអ្នកណាទៅជាម្ចាស់គ្រាប់បែកពិត ?
តួឯកក្នុងរឿងភាគ… អត់ហ៊ានវែកមុខម្ចាស់គ្រាប់បែកសោះ… សង្ស័យសម្ងំបៀមទុក្ខ… ។ ខ្លះថា ម្ចាស់គ្រាប់បែក ជាសេនាជំនិតរបស់តួឯក ទើបដឹងច្បាស់ម្លឹងៗ… ព្រោះស្នេហ៍នេះវាកើតតាំងតែពីឆ្នាំ២០១០-២០១១ មកម្ល៉េះ… អីក៏រក្សាទុកសំឡេងឆ្លើយឆ្លងបានយូរល្អយ៉ាងនេះ ? ម្ចាស់គ្រាប់បែកជាដង្កូវចេញពីសាច់ឬអត់ ? គ្មានអ្នកបកស្រាយ…
សង្ស័យតួឯកសម្ងំលាំងជាមួយម្ចាស់គ្រាប់បែកហើយមើលទៅ… ពេលនេះរកមិនឃើញ… គង់ថ្ងៃណាមួយ…ខែ ឆ្នាំណាមួយអាចធ្លាយ… អាចរកឃើញ…
សង្ស័យពេលរកម្ចាស់គ្រាប់បែកឃើញ… ចាំមើលគេយកគ្រាប់បែកបោកដាក់សងសឹកវិញ យ៉ាងណានោះកាន់តែរញ្ជួយប្រថពីមិនខានឡើយ…
អាឡេវ
ចែករំលែកព័តមាននេះ