ស្មាតហ្វូនស៊េរីទំនើប Huawei P9 ត្រូវគេរំពឹងថានឹងបង្ហាញវត្តមានខែក្រោយនៅក្រុងឡុងដ៍ប្រទេសអង់គ្លេស ។ លិខិតអញ្ជើញដែលបានចេញផ្សាយដោយគេហទំព័រហុងគ្រី Tech2 ឱ្យដឹងថា គម្រោងការបង្ហាញផលិតផលថ្មីនឹងត្រូវធ្វើឡើងនៅថ្ងៃទី៦ មេសា ២០១៦ រួមមានទាំងចំណងជើង «Change the way you see the world» ឬ«ផ្លាស់ប្តូររបៀបថ្មីអ្នកនឹងឃើញពិភពលោក» ។
ចំណងជើងនេះស្ថិតនៅពីក្រោមនិមិត្តសញ្ញា #OO ដែលអាចជាអំណះអំណាងថាស្មាតហ្វូន Huawei P9 មានកាមេរ៉ាភ្លោះ១២មេហ្កា ។ គេហទំព័រឱ្យដឹងថា P9 មានទំហំ ៥.២អីុង កម្រិតភ្លឺច្បាស់១០៨០ភិចស៊ែល ។ ដំណើរការដោយបន្ទះ Chip ផ្ទាល់ខ្លួនគឺ Kirin 950 ជាមួយនឹងថាមពលថ្ម ៣៩.០០០មីលី្លអំពែ ។ ក្រៅពីនេះ P9 បំពាក់បច្ចេកវិទ្យាស្គែនម្រាមដៃនិងទំហំ RAM 3 ជីទៀតផង ។
ក្រុមហ៊ុនចិន Huawei ទំនងជាផលិតត្រកូល P9 ដល់ទៅ ៤ ម៉ូដែលឯណោះ ពោលគឺ Huawei P9, P9 Lite, P9 Max និង Huawei P9 Plus ។ តម្លៃរបស់វាមិនត្រូវបានទម្លាយឱ្យដឹងនោះទេ ៕
ចែករំលែកព័តមាននេះ