ឃា.តករជានរណា? ខណៈលោកតានៅតែ២នាក់ប្រពន្ធ ត្រូវគេផ្តាច់ជីវិតក្នុងចម្ការ
- ភ្នំពេញ
រាជធានីភ្នំពេញ ៖ លោកតាម្នាក់វ័យជាង៧០ឆ្នាំ បានបាត់បង់ជីវិតក្នុងថ្លុកឈា.មយ៉ាងអាណោចអាធ័ម ដោយសារត្រូវជនមិន
រាជធានីភ្នំពេញ ៖ លោកតាម្នាក់វ័យជាង៧០ឆ្នាំ បានបាត់បង់ជីវិតក្នុងថ្លុកឈា.មយ៉ាងអាណោចអាធ័ម ដោយសារត្រូវជនមិនស្គាល់មុខធ្វើសកម្មភាពកា.ប់ជាច្រើនកាំបិ.តស្ទើរសព្វផ្នែកខាងក្រោយនៃខ្លួនប្រាណ បង្កអោយមានការភ្ញាក់ផ្អើលកើតឡើងកាលពីវេលាម៉ោង២និង៣០ឈានចូលព្រឹកថ្ងៃទី៨ ខែតុលា ឆ្នាំ២០២១ នៅចំណុចដីចំការមួយកន្លែង ស្ថិតក្នុងភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
លោកតារងគ្រោះឈ្មោះ អាត់ សូត្រ អាយុ៧១ឆ្នាំ មុខរបរកសិករ មានស្រុកកំណើតនៅស្រុកពញ្ញាឭ ខេត្តកណ្តាល ។ បច្ចុប្បន្នលោកតារងគ្រោះស្នាក់នៅតែ២នាក់ស្ត្រីជាប្រពន្ធឈ្មោះ ណាត នី អាយុជាង៤០ឆ្នាំ មុខរបរដើរបេះផ្កាម្លិះអោយគេ ។ លោកតារងគ្រោះ និងប្រពន្ធ រួមរស់នៅជាមួយគ្នាអស់រយៈពេលប្រមាណ១២ឆ្នាំកន្លងទៅហើយ ដោយពុំមានរៀបអាពាហ៍ពិពាហ៍តាមប្រពៃណី ឬច្បាប់ទម្លាប់អ្វីឡើយ ហើយពួកគាត់ទាំង២នាក់ ក៏ពុំមានកូននោះដែរ ។ ដោយស្ត្រីជាប្រពន្ធធ្លាប់មានប្តីដើម និងមានកូនចំនួន២នាក់ រីឯលោកតារងគ្រោះធ្លាប់មានប្រពន្ធដើម និងមានកូនចំនួន៥នាក់ផងដែរ ។
តាមប្រភពពីស្ត្រីជាប្រពន្ធរបស់លោកតារងគ្រោះបានអោយដឹងថា នៅមុនពេលកើតហេតុ គាត់បានសម្រាកនៅខាងក្នុងផ្ទះ តាំងពីក្បាលព្រលប់ម៉ោង៧យប់ថ្ងៃទី៧ តុលា មកម្លេះ ។ លុះដល់វេលាម៉ោងកើតហេតុ ខណៈប្តីរបស់គាត់សម្រាកនៅខាងក្រៅ ក៏ស្រាប់តែមានឮសម្លេងប្រទូស្តសារ៉ាយគ្នា ។ មិនបានប៉ុន្មានផង គាត់ក៏ចេញមកមើល ក៏ឃើញមានស្រមោលមនុស្សប្រុសម្នាក់ រត់ចេញពីផ្ទះរបស់គាត់ ហើយរត់ចូលទៅមាត់ស្រះទឹកនៅក្បែរនោះ ។ ភ្លាមនោះ គាត់មិនបានដេញតាមឡើយ ដោយចូលទៅបើកមុងមើល ក៏ស្រាប់តែឃើញប្តីរបស់គាត់ដេកក្នុងថ្លុកឈា.មនៅលើគ្រែបាត់ទៅហើយ ។
ស្ត្រីជាប្រពន្ធបានបន្តថា ដោយសារផ្ទះរបស់គាត់នៅដាច់ស្រយាលពីគេឯង គាត់ក៏បានរត់ឡើងមកលើផ្លូវធំ ដើម្បីរកគេឯងអោយជួយ ដោយសភាពភ័.យស្លន់ស្លោរ និងយំស្រែកផង ។ ពេលនោះ ក៏ជួបជាមួយអ្នកបង់ត្រីម្នាក់ ក៏បានសុំអោយគេទៅជួយមើល ហើយបុរសជាអ្នកបង់ត្រី ក៏ទាក់ទងទៅកាន់ប្រជាការពារសង្កាត់អោយចុះទៅជួយមើលដល់ផ្ទះកើតហេតុតែម្តង លុះពេលទៅដល់ ទើបដឹងថា បុរសជាប្តីបានស្លា.ប់បាត់ទៅហើយ ។
បន្ទាប់ពីដឹងថា ជនរងគ្រោះបានស្លា.ប់ហើយនោះ បុរសជាប្រជាការពារ ក៏រាយការណ៍បន្តទៅកាន់នគរបាលមូលដ្ឋាន ដើម្បីចុះអន្តរាគមន៍ពិនិត្យ ។ ដោយទទួលបានព័ត៌មានហើយនោះ កម្លាំងនគរបាលប៉ុស្តិ៍ នគរបាលខណ្ឌ និងកម្លាំងកងរាជអាវុធហត្ថ ពិសេសនគរបាលផ្នែកកោសល្យវិច្ច័យ បានចុះដល់ទីតាំងកើតហេតុ តាំងពីវេលាយប់កើតហេតុ ដល់ព្រឹកឡើង ដើម្បីពិនិត្យ និងធ្វើកោសល្យវិច្ច័យ ។
អធិការរងនគរបាលខណ្ឌច្បារអំពៅ ទទួលផែនយុត្តិធម៌ លោកវរសេនីយ៍ទោ វុឌ្ឍ ផូសារវ័ន្ត បានអោយដឹងថា បន្ទាប់ពីចុះទៅពិនិត្យជាក់ស្តែងនៅជុំវិញកន្លែងកើតហេតុ ក៏ដូចជា បានសាកសួរនាំលើស្ត្រីជាប្រពន្ធរួចមក សមត្ថកិច្ចសម្រេចធ្វើការនាំខ្លួននាងទៅកាន់ប៉ុស្តិ៍រដ្ឋបាលនគរបាលជាបណ្តោះអាសន្ន ដើម្បីសាកសួរនាំបន្តទៀត ដោយក្នុងនោះដែរ លោកអធិការរងបញ្ជាក់ថា សមត្ថកិច្ចកំពុងដាក់ការសង្ស័យលើស្ត្រីជាប្រពន្ធ ថាអាចមានការជាប់ពាក់ព័ន្ធនឹងការស្លា.ប់របស់បុរសជាប្តី ។ ប៉ុន្តែយ៉ាងណាមិញនោះ សមត្ថកិច្ចមិនទាន់កំណត់បាន១០០ភាគរយ ថានាងជាអ្នកប្រព្រឹត្តិមែន ឬយ៉ាងណាឡើយ រង់ចាំសមត្ថកិច្ចបន្តការសាកសួរ អោយបានច្បាស់លាស់១០០ភាគរយ តាមនីតិវិធីបន្តទៀតសិន ។
ជុំវិញករណីឃា.តកម្មខាងលើដដែលនេះ ក៏ពុំទាន់ដឹងថា អាចនឹងមានជនទី៣ ជាអ្នកសម្លា.ប់លោកតារងគ្រោះមួយរូបខាងលើ ឬយ៉ាងណានៅឡើយដែរ រង់ចាំសមត្ថកិច្ចជំនាញ បើកការស្រាវជ្រាវអោយបានល្អិតល្អន់បន្តទៀតសិន ។ សូមបញ្ជាក់ថា សពជនរងគ្រោះ គឺត្រូវជនសង្ស័យកា.ប់ផ្នែកខ្នងជាច្រើនកាំបិ.ត ពិសេសគឺមានស្នាមកា.ប់ត្រូវនឹងកញ្ចឹង.ក មួយកាំបិ.តយ៉ាងជ្រៅផងដែរ បណ្តាលអោយជនរងគ្រោះហូរឈា.មច្រើនរហូតដល់ដា.ច់ខ្យល់ស្លា.ប់តែម្តង ។
យ៉ាងណាមិញ បន្ទាប់ពីសមត្ថកិច្ចធ្វើការពិនិត្យ និងធ្វើកោសល្យវិច្ច័យលើសាកស.ពរួចមក ស.ពជនរងគ្រោះត្រូវបានទំនាក់ទំនងទៅក្រុមគ្រួសារសាច់ញាតិ ដើម្បីឱ្យមកទទួលយកទៅធ្វើបុណ្យតាមប្រពៃណី ខណៈដែលស្ត្រីជាប្រពន្ធចុងកំពុងស្ថិតក្នុងការសាកសួរនៅឡើយ ដោយមិនទាន់ដឹងថា អាចនឹងមានជាប់ពាក់ព័ន្ធនឹងការស្លា.ប់ ឬអត់នៅឡើយនោះទេ ។
បើតាមការអោយដឹងថាពីអ្នកភូមិក្បែរកន្លែងកើតហេតុបានអោយដឹងថា លោកតារងគ្រោះមួយរូបខាងលើ ជាមនុស្សស្លូតបូត មិនដែលមានចេះមានទំនាស់ឈ្លោះទាស់ទែងជាមួយនរណាឡើយ ។ អ្នកភូមិបន្តថា បច្ចុប្បន្ននេះ លោកតារងគ្រោះក៏ពុំមែនជាអ្នកមានទ្រព្យធនអ្វីឡើយ គឺដើរបេះបន្លែត្រកួនលក់តិចតួច គ្រាន់បានប្រាក់ចិញ្ចឹមជីវិតតែប៉ុណ្ណោះ ដល់ពេលមានគេសម្លា.ប់លោកតារងគ្រោះបែបនេះ មិនដឹងថា អ្នកដែលឃា.តករប៉ងយកអ្វីពីលោកតារងគ្រោះឡើយ ហើយក៏មិនដឹងថា ឃា.តកររូបនោះជានរណាដែរ ៕
ចែករំលែកព័តមាននេះ