ចោរអត់ស៊ី…ម្ចាស់អត់លិទ្ធ
ឈើជាសម្បត្តិរបស់ជាតិ… ជាសម្បត្តិមហាសាលរបស់សង្គម ។ ក្នុងទសវត្សចុងក្រោយនេះ… ឬ២-៣ឆ្នាំថ្មីៗនេះ… ចោរស្រុកជាសេដ្ឋីមានប្រាក់
ឈើជាសម្បត្តិរបស់ជាតិ… ជាសម្បត្តិមហាសាលរបស់សង្គម ។
ក្នុងទសវត្សចុងក្រោយនេះ… ឬ២-៣ឆ្នាំថ្មីៗនេះ… ចោរស្រុកជាសេដ្ឋីមានប្រាក់បូកជាមួយកងកាវបានអំណាច… ប្រមូលមន្ត្រីមានអំណាចមួយក្តាប់តូចឃុបឃិតកាប់ឈើ ដែលជាសម្បត្តិមហាសាលរបស់ជាតិរាប់ម៉ឺន… រាប់សែនដល់រាប់លានម៉ែត្រគូបអត់ខ្វះ ឬរាប់សែន រាប់លានដើម ។ល។
ការឃុបឃិតគ្នាលួចសម្បត្តិជាតិស្ទើររលាយទៅហើយនេះ វាជារឿងឧក្រិដ្ឋកម្មមួយទៅហើយ… លុះពេលចាប់បាន… ចាប់យកឈើប្រមូលទុកម្តុំទៅហើយ… កត់ត្រាទុកស្រួលទៅហើយ… នឹកថា យ៉ាងហោចណាស់រឹបអូសបានសម្បត្តិជាតិខ្លះមកវិញ… មិនបាត់ទាំងស្រុងទេ… មិនរលាយរលត់ពេកទេ… ដូចបានល្អមកវិញខ្លះ… ព្រោះគេកាប់ គេអារទុករួចស្រេច…
ប៉ុន្តែពិតជាមហាឧក្រិដ្ឋកម្មមែន… គេដុតកម្ទេចចោលទៀត… ដុតចោលដូចមានកំហឹង… ទង្វើនេះអាចោរមិនបានស៊ី… អាម្ចាស់ក៏មិនបានលិទ្ធទៀត… តើគេចាត់ទុកសង្គមយើងសព្វថ្ងៃជាសង្គមអ្វីទៅហ្ន៎ ?
អាឡេវ
ចែករំលែកព័តមាននេះ