ការរលូតកូនអាចបង្កគ្រោះថ្នាក់នៅពេលដែលស្ដ្រីធ្លាក់ឈាមច្រើននាំឱ្យស្លេកស្លាំងហើយបើមិនមានការទប់ស្កាត់ទេអាចឈានទៅស្លាប់បាន។ ដូច្នេះនៅពេលដែលមានបញ្ហារលូតកូន ស្ត្រីខ្លួនឯងគប្បីឈ្វេងយល់
ការរលូតកូនអាចបង្កគ្រោះថ្នាក់នៅពេលដែលស្ដ្រីធ្លាក់ឈាមច្រើននាំឱ្យស្លេកស្លាំងហើយបើមិនមានការទប់ស្កាត់ទេអាចឈានទៅស្លាប់បាន។ ដូច្នេះនៅពេលដែលមានបញ្ហារលូតកូន ស្ត្រីខ្លួនឯងគប្បីឈ្វេងយល់នូវប្រការដែលគួរធ្វើ និងប្រការដែលមិនគួរចៀសវាង ដើម្បីរក្សាសុខភាពរបស់ខ្លួនឲ្យត្រលប់មករកសភាពដើមវិញ។
ដំណោះស្រាយដែលប្រសើរបំផុតនោះ គួរស្ត្រីទៅរកអ្នកជំនាញផ្តល់គំនិតផ្តល់យោបល់ និងធ្វើទៅតាមវេជ្ជបញ្ជាទើបអស់សង្ស័យ។ ខាងក្រោមនេះជាគន្លឹះខ្លះទាក់ទងនឹងប្រការដែលគួរចៀសវាង និងមិនគួរចៀសវាង៖
១-ប្រការដែលគួរចៀសវាងមានដូចជា៖
-ចៀសវាងការងារធ្ងន់ក្នុងអំឡុងពេល២៣ថ្ងៃបន្ទាប់ពីរលូត
-អាចចាប់ផ្តើមរួមភេទបន្ទាប់ពីឈប់ធ្លាក់ឈាម២ថ្ងៃ
-មិនត្រូវដាក់វត្ថុអ្វីនៅក្នុងស្បូន
២-ប្រការដែលគួរធ្វើមានដូចជា៖
-អាចធ្វើការងារបានធម្មតាវិញនៅពេលដែលស្ត្រីមានអារម្មណ៍ថាខ្លួនមានសុខភាពល្អឡើងវិញហើយ ។
-លេបថ្នាំតាមវេជ្ជបញ្ជាឲ្យបានត្រឹមត្រូវ ។
៣-សញ្ញាមួយចំនួនដែលបង្ហាញថាជាករណីមិនធម្មតា ស្ត្រីត្រួវតែប្រញាប់ទៅជួបជាមួយគ្រូពេទ្យជាបន្ទាន់ដូចជា៖
-ក្តៅខ្លួន
-ឈឺចុកចាប់ក្នុងពោះ
-ក្អួត ចង្អោរ
-វិលមុខ ឈឺក្បាល និងអស់កម្លាំង
-ធ្លាក់ឈាមមិនឈប់
-ធ្លាក់ឈាម ហើយមានក្លិនស្អុយ។
៤-បន្ទាប់ពីរលូតកូន ស្ត្រីអាចជួបនូវបញ្ហាមួយចំនួន តែវាជាសញ្ញាធម្មតាបន្ទាប់ពីមានការរលូតរួច និងមិនមានបញ្ហាអ្វីនោះទេ ដែលមានដូចជា៖
-ធ្លាក់ឈាម និងឈឺពោះដូចមករដូវធម្មតាអាចមានរយៈពេលរហូតដល់១សប្តាហ៍
-អាចមានអាការអស់កម្លាំងតិចតួចនិងអាចមានអារម្មណ៍តានតឹង ឬស្មុគស្មាញនៅចន្លោះ ពី២ទៅ៣ថ្ងៃដំបូង។
-អាចនឹងចាប់ផ្តើមមានរដូវឡើងវិញនៅចន្លោះពី៤ទៅ៨សប្តាហ៍
ស្ត្រីគ្រប់រូបគប្បីដឹងថា ទោះបីជាស្ត្រីចង់បានកូនឬមិនចង់បានកូនក៏ដោយ គួរតែប្រើមធ្យោបាយពន្យារកំណើតយ៉ាងហោចឲ្យបាន៦ខែ ក្រោយរលូតកូនរួច ការធ្វើបែបនេះគឺដើម្បីឲ្យការមានផ្ទៃពោះពោរពេញទៅដោយសុខភាពល្អ និងទារកដែលនៅក្នុងផ្ទៃក៏មានការលូតលាស់ពេញលេញ ៕
ចែករំលែកព័តមាននេះ