អ្នកវិទ្យាសាស្ត្រមានជំនឿថាការបញ្ចូលចំណេះដឹងដោយផ្ទាល់ទៅកាន់ខួរក្បាលមានតែក្នុងប្រលោមលោកបែបវិទ្យាសាស្ត្ររឿង The Matrix ប៉ុណ្ណោះ ។ យ៉ាងណាមិញអ្នកវិទ្យាសាស្ត្រអះអាងថា បានអភិវឌ្ឍឧបករណ៍តំណាងឱ្យលក្ខខណ្ឌពិតដែលអាចបញ្ចូលរាល់ចំណេះដឹង ផ្សេងៗទៅកាន់ខួរក្បាលរបស់មនុស្សម្នាក់ដោយផ្ទាល់ និងបង្រៀនពួកគេពីជំនាញថ្មីក្នុងរយៈពេលដ៏ខ្លីខាងមុខ ។ បើប្រៀបធៀបវាទៅនឹងជីវិតពិត គឺជា «សិល្បៈធ្វើត្រាប់ជីវិត» ។
ពួកគេជឿជាក់ថា វាអាចនឹងក្លាយជាដំណាក់កាលដំបូងក្នុងការអភិវឌ្ឍកម្មវិធី Software កម្រិតខ្ពស់ដែលនឹងបង្កើតបានជាការសិក្សារពីការណ៍ពិតដូចក្នុងរឿង The Matrix ដែរ ។ ក្រុមអ្នកស្រាវជ្រាវពីមន្ទីពិសោធន៍ HRL ដែលមានមូលដ្ឋាននៅកាលីហ្វ័៊រនីញ៉ានិយាយថា ពួកគេបានរកឃើញវិធីសាស្ត្រដើម្បីពង្រីកការសិក្សា ។
ពួកគេបានសិក្សាពីសញ្ញាអគ្គិសនីក្នុងខួរក្បាលមនុស្សនៃការបណ្តុះបណ្តាលសាកល្បង ហើយបន្ទាប់មកបញ្ចូលទិន្នន័យទៅកាន់ប្រព័ន្ធណឺរ៉ូន ។ លោកវេជ្ជបណ្ឌិត ម៉ាថាយ ហ្វ៊ីលីបនិយាយថា «ប្រព័ន្ធរបស់ពួកយើងគឺជាប្រព័ន្ធដំបូងគេក្នុងចំណោមប្រព័ន្ធបញ្ចូនទិន្នន័យទៅកាន់ខួរក្បាល ។ អ្វីៗគ្រប់យ៉ាងនឹងកើតមានក្នុងរយៈពេលប៉ុន្មានឆ្នាំខាងមុខទៀត ពោលគឺមនុស្សគ្រប់រូបមានលទ្ធភាពបញ្ចូលទិន្នន័យ ជាពិសេសចំណេះដឹងទៅកាន់ខួរក្បាល ដែលពីមុនមានតែក្នុងរឿងប្រលោមលោក ឬភាពយន្តប៉ុណ្ណោះ» ៕
ចែករំលែកព័តមាននេះ