ខេត្តសៀមរាប ៖ នាថ្ងៃទី០២ ខែតុលា ឆ្នាំ២០២១នេះ អភិបាលស្រុកវ័យក្មេងបានដឹកនាំក្រុមការងារចុះបាញ់ថ្នាំសម្លា.ប់មេរោគនៅតាមផ្សារកន្លែងទទួលសេវាសាធារណៈ និងទីប្រជុំជននានានៅក្នុងស្រុកបន្ទាយស្រី ។ ក្នុងគោលបំណងពញ្ញាក់ស្មារតី និងលើកកម្ពស់ការយល់ដឹងឡើង…
ខេត្តសៀមរាប ៖ នាថ្ងៃទី០២ ខែតុលា ឆ្នាំ២០២១នេះ អភិបាលស្រុកវ័យក្មេងបានដឹកនាំក្រុមការងារចុះបាញ់ថ្នាំសម្លា.ប់មេរោគនៅតាមផ្សារកន្លែងទទួលសេវាសាធារណៈ និងទីប្រជុំជននានានៅក្នុងស្រុកបន្ទាយស្រី ។
ក្នុងគោលបំណងពញ្ញាក់ស្មារតី និងលើកកម្ពស់ការយល់ដឹងឡើង វិញពីមេរោគកូវីដ១៩ បង្កើតទម្លាប់ប្រុងប្រយត្ន័នៅក្នុងសហគមន៍ និងបង្កើនជំនឿទុកចិត្តក្នុងចំណោមប្រជាពលរដ្ឋនៅក្នុងមូលដ្ឋាន ។
លោក អភិបាលស្រុកបានបញ្ជាក់ថា ដើម្បីចូលរួមកាត់ផ្តាច់ហានិភ័យពីការឆ្លងរីករាលដាលនៃមេរោគកូវីដនៅក្នុងសហគមន៍យន្តការជាច្រើនត្រូវបានដាក់ចេញ និងកំពុងប្រើប្រាស់នៅក្នុងស្រុក ដូចជា ការផ្អាកផ្សារដែលមានហានិភ័យខ្ពស់ និងជំនួសមកវិញដោយការបង្កើតផ្សារក្រមួនចំនួន២ទីតាំង នៅក្នុងភូមិព្រះដាក់ និងភូមិបន្ទាយស្រី ការពង្រីកវិសាលភាពនៃការធ្វើចត្តាឡីស័កនៅតាមផ្ទះ ការផ្គត់ផ្គង់ស្បៀងជូនដល់បងប្អូនប្រជាពលរដ្ឋទាំងអស់ ដែលរងផលប៉ះពាល់ ព្រមទាំងការជំរុញឱ្យប្រជាពលរដ្ឋទាំងចាស់ទាំងក្មេងមកចាក់វ៉ាក់សាំងឱ្យបានគ្រប់ៗគ្នា ។
លោកអភិបាលស្រុកបន្ទាយស្រី សូមថ្លែងអំណរគុណយ៉ាងជ្រាលជ្រៅដល់ក្រុមការងាររបស់ លោកនាយឧត្តម សេនីយ៍ សែម សុវណ្ណនី ប្រធានក្រុមការងារចុះជួយឃុំខ្នារសណ្តាយ ដែលបានឧបត្ថម្ភដល់យុទ្ធនាការបាញ់សម្លាប់មេរោគមួយនេះទាំងស្រុង ហើយថែមទាំងបានរក្សាទុកម៉ាស៊ីនមួយគ្រឿងសម្រាប់ឱ្យក្រុមការងារបន្តបាញ់សម្លាប់មេរោគជារៀងរាល់សប្តាហ៍ផងដែរ ៕
ចែករំលែកព័តមាននេះ