កម្ពុជាកំពុងស្វែងរកជើងហោះហើរបញ្ជូនក្រុមបាល់ទាត់នារីទៅហ្វឹកហាត់នៅចិន
- ភ្នំពេញ
រាជធានីភ្នំពេញ ៖ មកទល់ពេលនេះ គម្រោងបញ្ចូនក្រុមបាល់ទាត់នារីចេញទៅហ្វឹកហាត់នៅប្រទេសចិន ដែលគម្រោងត្រូវចេញ
រាជធានីភ្នំពេញ ៖ មកទល់ពេលនេះ គម្រោងបញ្ចូនក្រុមបាល់ទាត់នារីចេញទៅហ្វឹកហាត់នៅប្រទេសចិន ដែលគម្រោងត្រូវចេញ
រាជធានីភ្នំពេញ ៖ មកទល់ពេលនេះ គម្រោងបញ្ចូនក្រុមបាល់ទាត់នារីចេញទៅហ្វឹកហាត់នៅប្រទេសចិន ដែលគម្រោងត្រូវចេញទៅតាំងពីចុងខែកញ្ញានោះ នៅមិនទាន់អាចទៅបាននោះទេ ដោយសារតែបញ្ហាកូវីដ និងជើងហោះហើរ។ លោក វ៉ាត់ ចំរើន បញ្ជាក់ថា ក្រុមបាល់ទាត់នារីនៅមិនទាន់អាចបញ្ចូនទៅហ្វឹកហាត់នៅប្រទេសនោះទេ ដរាបណាមិនអាចរកឃើញជើងហោះហើរបាន។
ក្រុមកីឡាជម្រើសជាតិនារីដំបូងគេ មាន៧នាក់មកពីក្លិបមន្ទីរអប់រំយុវជន និងកីឡាខេត្តកំពង់ស្ពឺ-ណាហ្គាវើលដ៍ ភ្នំពេញក្រោន៧នាក់ ព្រះខ័នរាជស្វាយរៀង៤នាក់ សៀមរាប២នាក់ និងបាត់ដំបង២នាក់ តាមគម្រោងត្រូវបញ្ជូនទៅហ្វឹកហាត់ចិនតាំងពីក្នុងខែ៩។
យោងតាមផេកផ្លូវការរបស់ Cambodia SEA GAMES 2023 លោក វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ បានលើកឡើងថា ក្រុមនារីទាំង២២នាក់នេះ គឺស្ថិតនៅក្នុងចំណោមក្រុមកីឡាករ កីឡាការិនីជម្រើសជាតិកម្ពុជា សរុប១៣៥នាក់ នៃ១២ប្រភេទកីឡា។ គម្រោងចេញទៅហ្វឹកហាត់នេះ គឺជាជំនួយឥតសំណងមួយផ្នែករបស់ចិន ក្រៅពីអំពីជំនួយឥតសំណងលើការសាងសង់កីឡដ្ឋានធំនៃពហុកីឡដ្ឋានជាតិមរតកតេជោ។
លោកបន្តថា បច្ចុប្បន្នចិនកំពុងរៀបចំទីលាន គ្រូបង្វឹក វិធានការសុខាភិបាល សម្រាប់បង្វឹកដល់ក្រុមជម្រើសជាតិកម្ពុជា។ ក្រុមជម្រើសជាតិកម្ពុជាដែលហ្វឹកហាត់នៅចិននឹងត្រឡប់មកចូលរួមប្រកួតស៊ីហ្គេមឆ្នាំ២០២៣ ក្រោយបញ្ចប់ ទើបក្រុមជម្រើសជាតិទាំងអស់នឹងបន្តទៅហ្វឹកហាត់នៅចិនបន្ថែម។ លោកបញ្ជាក់ជាថ្មីថា ដើម្បីអាចទៅហ្វឹកហាត់បាន គឺលុះត្រាជួលយន្តហោះដែលអាចដឹកកីឡាការិនី និងគ្រូបង្វឹកតែមួយយន្តហោះទៅបាន ទើបគម្រោងនេះដំណើរការ។ លោកថាកីឡាការិនីទាំងអស់ មិនអាចទៅមុនទៅក្រោយ ឬ ជិះមិនស្រួលក្នុងជើងតែមួយពេលទៅបានទេ ទើបគម្រោងត្រូវចេញតាំងពីខែ៩ នៅតែពន្យា។ លោករំពឹងថាក្នុងខែតុលា ឬ អាចចុងខែតុលា នឹងរកយន្តហោះមួយប្រភេទនេះបាន ដើម្បីអោយកីឡាការិនីទាំងអស់ឆាប់បានចេញទៅ។
លោក កែវ សារ៉េត អគ្គលេខាធិការ សហព័ន្ធកីឡាបាល់ទាត់កម្ពុជា បានលើកឡើងថា គម្រោងហ្វឹកហាត់មួយនេះ គឺជាសុទិដ្ឋិនិយមច្បាស់លាស់មួយរបស់ ក្រុមបាល់ទាត់នារី ក្នុងការត្រៀមស៊ីហ្គេម ឆ្នាំ២០២៣។ លោកបានបន្ថែមថា ការហ្វឹកហាត់ត្រៀមនេះ គឺជារឿងដែលល្អប្រសើរជាង ជាងការហ្វឹកហាត់ក្នុងស្រុក ដោយសារយើងមានក្រុមបាល់ទាត់នារីមានចំនួនតិចគ្នា ហើយបច្ចេកទេសក្នុងការបង្វឹកចំពោះនារីនៅមានកម្រិត។ កាលណាការប្រមូលផ្តុំហ្វឹកហាត់ បូកផ្សំនឹងការគោរពវិន័យផងនោះ យើងជឿជាក់ថា ក្រុមបាល់ទាត់នារីក៏អាចបង្កើនបានសិទ្ធផលកាន់តែខ្ពស់ទៅតាមនោះដែរ ៕
ចែករំលែកព័តមាននេះ