រាជធានីភ្នំពេញ ៖ April Koh ជានាយកប្រតិបត្តិនៃក្រុមហ៊ុន Spring Health បានក្លាយជាស្ត្រីវ័យក្មេងបំផុតដែលដឹកនាំក្រុមហ៊ុន រហូតមានប្រាក់រាប់ពាន់លានដុល្លារ ។បន្ទាប់ពីការចាប់ផ្តើមរៃអង្គាសប្រាក់បានចំនួន ១៩០ លានដុល្លារ នៅជុំទីស៊េរី C ដែលសរុបថវិកាទាំងអស់បានប្រមាណ ៣០០ លានដុល្លារ ដើម្បីចូលរួមមូលនិធិ ។
April Koh ជានាយកប្រតិបត្តិនៃក្រុមហ៊ុន Spring Health សេវាកម្ម «យូនីខន» ៖ នៅជុំទីស៊េរី C នៃការរៃអង្គាសប្រាក់សម្រាប់មូលនិធិ Spring Health បានវាយតម្លៃថា បានរហូតដល់ទៅជាង ២ ពាន់លានដុល្លារ ដែលនេះបានធ្វើឱ្យ យូនីខន ឈានដល់មានមូលនិធិយ៉ាងហោចណាស់ ១ ពាន់លានដុល្លារ នេះបើយោងតាម Fierce Healthcare ចេញផ្សាយ ។ ខាងក្រោមនេះជាប្រវត្តិនៃការងារ និងសេវាកម្មរបស់គាត់ ក្នុងចាប់ផ្តើមអាជីវកម្ម ៖ ការចាប់ផ្តើមនូវសេវាសុខភាពរបស់គាត់ បានផ្តល់ជូននិយោជក នូវវិធីសាស្ត្រដែលផ្តល់អត្ថប្រយោជន៍ដល់សុខភាពផ្លូវចិត្ត សេវាកម្មទាំងនោះ រួមមាន ការព្យាបាលតាមអ៉ីនធឺណេត ការប្រឹក្សាយោបល់ ការបណ្តុះបណ្តាល និងការធ្វើលំហាត់ដោយខ្លួនឯង ។ វាក៏ជាសេវាកម្ម ត្រូវបានដាក់លក់នៅលើទីផ្សារផងដែរ ដែលវាជាកម្មវិធីជំនួយដល់ស្មារតីបុគ្គលិក (EAPs) ។
April Koh មានអាយុ ២៩ ឆ្នាំ បានប្រាប់សារព័ត៌មាន MedCity News ថា អ្វីដែលធ្វើឱ្យ Spring Health មានភាពខុសប្លែកគេ គឺវាផ្តោតលើបុគ្គល មកពីគ្រប់វិស័យ សេដ្ឋកិច្ច សង្គម និងតម្រូវការសុខភាព ពីក្រុមហ៊ុនបច្ចេកវិទ្យា ផងដែរ ។
April Koh បន្តថា មូលនិធិថ្មីៗនេះ នឹងឆ្ពោះទៅរកកិច្ចខិតខំប្រឹងប្រែងរបស់ក្រុមហ៊ុន ក្នុងការបញ្ចូលការផ្តល់ជូនបទពិសោធន៍ដែលមានស្រាប់ សម្រាប់សុខភាពផ្លូវចិត្តនៃសមាជិកក្នុងគ្រួសារមួយ ដែលពួកគេអាចទំនាក់ទំនងគ្នាបានយ៉ាងល្អ ជាពិសេសម្នាក់ៗអាចជួយដោះស្រាយគ្នាទៅវិញទៅមកនៅពេលដែលនរណាម្នាក់ក្នុងគ្រួសារមានវិបត្តិឬមានបញ្ហាផ្លូវចិត្ត» ។
តាមរយៈ Spring Health ក៏មានគម្រោងពង្រីកទៅកាន់ប្រទេសជាង ២០០ ទូទាំងពិភពលោកផងដែរ ។ រយៈពេល ៥ ឆ្នាំមកហើយនៃការបង្កើត Spring Health គឺចាប់តាំងពីឆ្នាំ ២០១៦ មក April Koh បានសហការជាមួយ Adam Chekroud និង Abhishek Chandra ដើម្បីចាប់ផ្តើមដំណើរការ Spring Health នេះឡើង ដែលឥឡូវនេះបានធ្វើការជាមួយស្ថាប័ន្តទើបចាប់ផ្តើមអាជីវកម្មដំបូង ជាង ១៥០ អាជីវកម្ម និងដៃគូសហការសាជីវកម្មជាង ៥០០ ស្ថាប័ន្ត ។ ក្រុមហ៊ុន ក៏មានគម្រោងដើម្បីពន្លឿន នៃការរីកចម្រើនរបស់ខ្លួនផងដែរ ដោយចាប់ដៃគូជាមួយគម្រោងសុខភាព ដោយចាប់ផ្តើមពី Guardian Life ដែលជាជីវិតឈានមុខគេរបស់ជនពិការ និងអ្នកផ្តល់អត្ថប្រយោជន៍បុគ្គលិក ៕ ប្រភព ៖ nextshark
ចែករំលែកព័តមាននេះ