iPhone 5SE ដែល​នឹង​ក្លាយជា​ផលិតផល​កូនកាត់​ដំបូង​គេ​របស់​ក្រុមហ៊ុន Apple បាន​ក្លាយជា​ប្រធានបទ​ក្តៅ​គគុក​ក្នុង​រឿងរ៉ាវ​បច្ចេកវិទ្យា ពោល​គឺ​អតិថិជន​ពុះកញ្ជ្រោល​ចង់​ប្រើប្រាស់​វា ខណៈ​របាយការណ៍ ថ្មី​ៗ​កន្លង​មក​ផ្សាយ​ថា iPhone 5SE នឹង​ដាក់​លក់​ជា​ផ្លូវការ​នៅ​ថ្ងៃ​ទី​២២ មីនា ២០១៦ ។ 

បើ​គិត​មក​ទល់​ពេល​នេះ​អ្វី​ដែល​បាន​បែកធ្លាយ​លើ​បណ្តាញ​អីុន​ធើ​រ​ណេ​ត​ពាក់ព័ន្ធ​នឹង iPhone 5SE គឺ​ទំហំ​៤​អីុ​ញ ស្គែ​ន​ម្រាមដៃ TouchID និង​កាមេរ៉ា​កាន់តែ​ប្រសើរ​ឡើង​៨​មេ​ហ្គា​ភិ​ច​សែ​ល ។ ក្រៅពី​នេះ​វា​នឹង​មាន​ថាមពល​ដោយ​បន្ទះ​ឈី​ប​ជំនាន់​ទី​៩ ដែល​មាន​ក្នុង iPhone 6S គឺ A9 ។ iPhone 5SE ត្រូវ​បាន​គេ​និយាយ​ថា​ជា​ស្មា​ត​ហ្វូ​ន​ផលិត​ជា​ពិសេស​នៃ​ត្រកូល iPhone 5S រួម​ជាមួយនឹង​បច្ចេកវិទ្យា​ថ្មី និង​ការ​រចនា​កាន់តែ​ប្រណីត​ជាង​មុន ៕