ខេត្តសៀមរាប ៖ កាលពីថ្ងៃទី២៧-២៨ កុម្ភៈ ការប្រកួតវគ្គជម្រុះក្នុងកម្មវិធីTiger Street Football Festival 2016 បានប្រារព្ធធ្វើឡើងនៅមណ្ឌលខេត្តសៀមរាបមុខសារមន្ទីរអប្សរា គ្យុងយូ ដោយមានការចូលរួមពីក្រុមបាល់ទាត់
ខេត្តសៀមរាប ៖ កាលពីថ្ងៃទី២៧-២៨ កុម្ភៈ ការប្រកួតវគ្គជម្រុះក្នុងកម្មវិធីTiger Street Football Festival 2016 បានប្រារព្ធធ្វើឡើងនៅមណ្ឌលខេត្តសៀមរាបមុខសារមន្ទីរអប្សរា គ្យុងយូ ដោយមានការចូលរួមពីក្រុមបាល់ទាត់ចំនួន៧២ក្រុមដើម្បីប្រកួតដណ្តើមកៅអីសម្រាប់ចូលប្រកួតវគ្គផ្តាច់ព្រ័ត្រក្នុងកម្មវិធី Tiger Street Football Festival 2016 នៅរាជធានីភ្នំពេញ ។
នេះគឺជាមណ្ឌលទីបីហើយដែលស្រាបៀរ Tiger បានរៀបចំវគ្គជម្រុះ Tiger Street Football Festival 2016 ។ ការប្រកួតវគ្គជម្រុះនៅមណ្ឌលខេត្តព្រះសីហនុ និងខេត្តកំពង់ចាមបានបញ្ចប់យ៉ាងជោគជ័យគួរឱ្យកត់សម្គាល់កាលពីសប្តាហ៍កន្លងទៅ ដោយមានការចូលរួមយ៉ាងច្រើនកុះករពីក្រុមបាល់ទាត់ជាច្រើនក្រុម និងភ្ញៀវជាតិ-អន្តរជាតិដែលបានចូលទស្សនាកម្មវិធីនេះ។ ចំពោះមណ្ឌលខេត្តសៀមរាបនេះវិញ ដែលជាតំបន់រមណីយដ្ឋានប្រាង្គប្រាសាទអង្គវត្តដ៏ល្បីល្បាញជុំវិញពិភពលោក បានទាក់ទាញភ្ញៀវទេសចរក្នុងស្រុក និងក្រៅស្រុកជាច្រើនចូលទស្សនាកម្មវិធីប្រកួតវគ្គជម្រុះ និងចូលរួមកម្មវិធីជាច្រើនដែលបានរៀបចំឡើងយ៉ាងពិសេសដោយស្រាបៀរTiger ដូចជាលេងល្បែងកម្សាន្តដើម្បីឈ្នះរង្វាន់ ជាវសម្ភារកីឡាក្នុងតម្លៃពិសេស ថតរូបទុកជាអនុស្សាវរីយ៍ និងមានកម្មវិធីកម្សាន្តច្រើនបែបទៀត ។ នៅពេលល្ងាច រីករាយពិសាស្រាបៀរថៃហ្គ័រហើយនឹងទទួលបានវត្ថុអនុស្សាវរីយ៍ជាច្រើន រួមទាំងមានការប្រគំតន្ត្រី ដែលចូលរួមពីតារាចម្រៀងល្បីៗប្រចាំព្រះរាជាណាចក្រកម្ពុជាដូចជា លោកខេមរៈ សេរីមន្ត កញ្ញា ឱក សុគន្ធកញ្ញា ជាដើម ។
ក្រោយពីការប្រកួតយ៉ាងស្វិតស្វាញរយៈពេលពីរថ្ងៃជាប់គ្នា គេបានរកឃើញក្រុមខ្លាំងចំនួន៧ក្រុមនៅខេត្តសៀមរាបដែលត្រូវចូលប្រកួតវគ្គផ្តាច់ព្រ័ត្រនាថ្ងៃទី១៣ មីនា នៅរាជធានីភ្នំពេញ មជ្ឈមណ្ឌលកោះពេជ្រ ខាងមុខសាលមហោស្រព ។ ក្រុមដែលបានឈ្នះការប្រកួតជម្រុះនៅខេត្តសៀមរាបរួមមាន ក្រុមគីរីដងរ៉ែក “A” ដែលជាក្រុមជាប់ជ័យលាភីលេខ១ បានទទួលរង្វាន់ជាប្រាក់១.៥០០ដុល្លារ ក្រុមLegends Classic FC ដែលជាក្រុមជាប់ជ័យលាភីលេខ២ បានទទួលរង្វាន់ជាប្រាក់១.០០០ដុល្លារ ក្រុមSiem Reap FC ដែលជាក្រុមជាប់ជ័យលាភីលេខ៣ បានទទួលរង្វាន់ជាប្រាក់៥០០ ដុល្លារ ក្រុមCID FC ដែលជាក្រុមជាប់ជ័យលាភីលេខ៤ បានទទួលរង្វាន់ជាប្រាក់២០០ដុល្លារ។ សម្រាប់៣ក្រុមទៀតដែលមានសិទ្ធិមកចូលរួមប្រកួតក្នុងវគ្គផ្តាច់ព្រ័ត្រដែរមានដូចជាក្រុម គីរីដងរ៉ែក “B” ក្រុម Garuda FC និងក្រុម Old Boys FC ។
ការប្រកួតជម្រុះក្នុងកម្មវិធីTiger Street Football Festival 2016 នឹងធ្វើឡើងនៅមណ្ឌលបន្ទាប់ទៀតគឺនៅខេត្តបាត់ដំបង ផ្សារទំនើបភូពុយនៅថ្ងៃទី៥-៦ ខែមីនា ។
ដូច្នេះសូមកុំភ្លេចចូលរួមទស្សនាការប្រកួតជម្រុះនៅខេត្តបាត់ដំបងឱ្យបានច្រើនកុះករ ។
ស្តែងចេញនូវភាពអស្ចារ្យ ដណ្តើមយកក្តីសុបិនអ្នកជាមួយTiger Street Football Festival 2016៕
ចែករំលែកព័តមាននេះ