ខេត្តបន្ទាយមានជ័យ ៖ នៅព្រឹកថ្ងៃទី២៨ កញ្ញា អាជីវករប្រហែល៣០នាក់បានជិះរថយន្តដឹកបន្លែមកឈប់នៅមុខសាលាខេត្ត ក្នុងនោះ មានអាជីវករម្នាក់បានស្រែកខ្លាំងៗសុំឲ្យអភិបាលក្រុងសិរីសោភ័ណជួយអន្តរាគមន៍សម្របសម្រួលដោះស្រាយទំនាស់ពួកខ្លួននៅផ្សារចិនខ្មៅជាមួយលោកហ៊ុយ ឡេង ជាម្ចាស់ផ្សារហ៊ុយ ឡេង…
ខេត្តបន្ទាយមានជ័យ ៖ នៅព្រឹកថ្ងៃទី២៨ កញ្ញា អាជីវករប្រហែល៣០នាក់បានជិះរថយន្តដឹកបន្លែមកឈប់នៅមុខសាលាខេត្ត ក្នុងនោះ មានអាជីវករម្នាក់បានស្រែកខ្លាំងៗសុំឲ្យអភិបាលក្រុងសិរីសោភ័ណជួយអន្តរាគមន៍សម្របសម្រួលដោះស្រាយទំនាស់ពួកខ្លួននៅផ្សារចិនខ្មៅជាមួយលោកហ៊ុយ ឡេង ជាម្ចាស់ផ្សារហ៊ុយ ឡេង ជោគជ័យ ។
ប្រភពពីអាជីវករបាននិយាយថា ពួកខ្លួនលក់បន្លែផ្លែឈើនៅផ្សារចិនខ្មៅ ប៉ុន្តែមិនអាចយកទៅលក់ឲ្យម៉ូយនៅផ្សារ ហ៊ុយ ឡេងបានទេ ព្រោះម្ចាស់់ផ្សារនោះបានហាមឃាត់ ។ ដូច្នេះ ក្រុមអាជីវករបានសុំអន្តរាគម៍ពីលោកអភិបាលក្រុងសិរីសោភ័ណ ដើម្បីឲ្យពួកខ្លួនអាចចេញ-ចូល លក់ដូរនៅផ្សារហ៊ុយ ឡេង ជាធម្មតាផង ។
បើតាមលោក ហ៊ុយ ឡេង ជាម្ចាស់ផ្សារបានឱ្យដឹងថា ផ្សារចិនខ្មៅ អាជីករដឹកបន្លែគ្រប់មុខយកមកពីបណ្តាខេត្តដាក់លក់នៅក្នុងផ្សារពេលម៉ោង១យប់ ។ លុះបន្លែនៅសល់គេមិនទិញ ស្រាប់តែអាជីករទាំងនោះ យកមកលក់បន្តនៅផ្សារហ៊ុយឡេង ដូចយកសំរាមមកចាក់ក្នុងផ្សារអញ្ចឹង ពេលមិនឱ្យពួកគាត់លក់ បែរជាផ្ទុះការតវ៉ា ។
ទន្ទឹមនោះដែរ ជាការឆ្លើយតបលោកហ៊ុយ ឡេង ម្ចាស់ក្រុមហ៊ុន ហ៊ុយ ឡេង ជោគជ័យបានឲ្យដឹងថា លោកបានបើកចិត្តទូលាយនិងយល់ព្រមជាធម្មតា ឲ្យអាជីវករផ្សារចិនខ្មៅអាចចេញចូលទិញ លក់ដូរទំនិញក្នុងផ្សារលោកបានម៉ាសេរី ប៉ុន្តែទំនិញបន្លែ ផ្លែឈើ ត្រូវឆ្លងកាត់ការត្រួតពិនិត្យគុណភាព ចាប់ពីម៉ោង១១យប់ដល់ម៉ោង២ រំលងអធ្រាត្រ ជាមុនសិន បន្លែ ផ្លែឈើស្លោកស្វិត ញរ ខូចឬអន់សាច់ ស្អុយរលួយ មិនអនុញ្ញាតិឲ្យចូលលក់ដាច់ខាត វានឹងបង្កខូចកេរ្តិ៍ឈ្មោះផ្សាររបស់លោកនិងប៉ះពាល់ដល់ទឹកចិត្តអាជីវករក្នុងផងដែរ ។
ចំណែកលោកហ៊ិល រ៉ាយ៉ា អភិបាលក្រុងសិរីសោភ័ណ បានសម្របសម្រួលដោះស្រាយបញ្ចប់ជម្លោះលើកនេះ ដោយតម្រូវឲ្យអាជីវករផ្សារចិនខ្មៅមានសិទ្ធិលក់ដូរ ចេញចូលទៅមកផ្សារហ៊ុយ ឡេង បានជាធម្មតា ។ ហើយផ្សារទាំង២ ត្រូវសម្អាតអនាម័យ បរិស្ថាន ព្រមទាំងអនុវត្តវិធានសុខាភិបាលនិងរាជរដ្ឋាភិបាលទាក់ទិនបង្ការការឆ្លងរីករាលដាលជម្ងឺកូវីដ-១៩ ផងដែរ ។
លោក ហ៊ិល រ៉ាយ៉ា អភិបាលក្រុងសិរីសោភ័ណបន្តថា ករណីបើអាជីវករផ្សារចិនខ្មៅនាំទំនិញគ្មានគុណភាព មកលក់នៅផ្សារហ៊ុយ ឡេង គឺអាជីវករផ្សារចិនខ្មៅ ជាអ្នកទទួលខុសត្រូវខ្លួនឯង ៕
ចែករំលែកព័តមាននេះ