ខេត្តឧត្តរមានជ័យ ៖ រដ្ឋបាលខេត្តឧត្តរមានជ័យ នៅថ្ងៃទី២៧ កញ្ញា ២០២១នេះ បានចេញសេចក្ដីប្រកាសព័ត៌មាន ស្ដីពីករណីអ្នកជំងឺកូវីដ-១៩ ម្នាក់ បានលួចរត់ចេញពីមណ្ឌលព្យាបាលផ្អុង…
ខេត្តឧត្តរមានជ័យ ៖ រដ្ឋបាលខេត្តឧត្តរមានជ័យ នៅថ្ងៃទី២៧ កញ្ញា ២០២១នេះ បានចេញសេចក្ដីប្រកាសព័ត៌មាន ស្ដីពីករណីអ្នកជំងឺកូវីដ-១៩ ម្នាក់ បានលួចរត់ចេញពីមណ្ឌលព្យាបាលផ្អុង ក្នុងក្រុងសំរោង ។
រដ្ឋបាលខេត្តមានជ័យ បានជម្រាបជូនថា ក្នុងចន្លោះពេលកំពុងមានធ្លាក់ភ្លៀងរលឹម នាវេលាយប់ថ្ងៃទី២៦ ខែកញ្ញា ឆ្នាំ២០២១ មានករណីអ្នកជំងឺកូវីដ-១៩ ម្នាក់ឈ្មោះ ព្រំ សុធារិទ្ធ ភេទប្រុស អាយុ៤៩ឆ្នាំ រស់នៅភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ បានលួចរត់ចេញពីមណ្ឌលព្យាបាលផ្អុង ស្ថិតនៅភូមិផ្អុង សង្កាត់កូនក្រៀល ក្រុងសំរោង ខេត្តឧត្តរមានជ័យ ដែលបុគ្គលអ្នកជំងឺរូបនេះ ត្រូវបានធ្វើតេស្តរកឃើញ វិជ្ជមាន ជំងឺកូវីដ-១៩ នៅថ្ងៃទី០៤ ខែកញ្ញា ឆ្នាំ២០២១ និងត្រូវបានបញ្ជូនទៅសម្រាកព្យាបាលនៅមណ្ឌលព្យាបាលផ្អុង ។
រហូតមកដល់ពេលនេះ កម្លាំងសមត្ថកិច្ច បាននិងកំពុងស្វែងរកបុគ្គលអ្នកជំងឺរូបនេះ ដើម្បីមកព្យាបាលបន្ត ជៀសវាងការចម្លងមេរោគកូវីដ-១៩ ទៅក្នុងសហគមន៍ ។
ក្នុងករណីមានព័ត៌មានពីបុគ្គលអ្នកជំងឺកូវីដ-១៩ ខាងលើនេះ សូមផ្ដល់ដំណឹងជាបន្ទាន់តាមរយៈលេខទូរស័ព្ទ ០៩៧ ៩៤៦ ៦៦៦៣, ០៩៧ ៩៨២ ២២៨៤ ឬក្នុងករណីសាមីខ្លួន ទទួលបានសេចក្ដីប្រកាសព័ត៌មាននេះ សូមចូលខ្លួនមកព្យាបាលជំងឺ ជាបន្ទាន់ ជៀសវាងបង្កភាពប្រឈមធ្ងន់ធ្ងរដល់សុខភាពផ្ទាល់ខ្លួន និងអាចចម្លងមេរោគដល់អ្នកដទៃ ៕
ចែករំលែកព័តមាននេះ