ប្រទេសអាហ្វហ្គានីស្ថាន ៖ តាមអ្នកទទួលខុសត្រូវជាន់ខ្ពស់អាហ្វហ្គានីស្ថានម្នាក់ថា ពួកតាលីបង់ បានយកសាកស.ពមនុស្ស៤នាក់ដែលជាឧក្រិដ្ឋជនចាប់ពង្រត់ ទៅចងព្យួរនឹងដងស្ទូចតាំងនៅក្រុងហេរ៉ាត់ ក្រោយពីសម្លា.ប់ពួកគេបាន ក្នុងការបាញ់តតាំងគ្នាមួយ ដែលបែបនោះហាក់ដូចជាការនៅប្រើវិធីចាស់ ដែលធ្លាប់ប្រើកាលក្នុងរបបតាលីបង់លើកមុន។
អភិបាលរងខេត្តហេរ៉ាត់លោក MAWLAWI SHIR AHMAD MUHAJIR បានថ្លែងថា សាកស.ពរបស់មនុស្សទាំង៤នាក់ ត្រូវបានយកមកចងព្យួរតាំងឲ្យសាធារណជនមើលកាលពីថ្ងៃទី២៥ ខែកញ្ញា នៅតាមកន្លែងជាច្រើននៃទីក្រុងនោះ ដើម្បីផ្ដល់ជាមេរៀនមួយចំពោះបណ្ដាអ្នកដែលប្រព្រឹត្តការចាប់ពង្រត់មនុស្ស ដែលមិនអាចអនុគ្រោះឲ្យបាន។
តាមបណ្ដាញសង្គមបណ្ដារូបភាពបង្ហាញសាកស.ព ដែលមានឈា.មហូរកខ្លាក់ដឹកតាមរថយន្ត PICK-UP ចំណែកស.ពជនម្នាក់ត្រូវបានចងស្ទូចឡើងលើដោយដងស្ទូចមួយ។ មនុស្សម្នាបានចោមរោមមើលពួកយុទ្ធជនតាលីបង់ ប្រដាប់អាវុធប្រមួលផ្ដុំគ្នានៅជិតរថយន្ត។ វីដេអូមួយទៀតបង្ហាញ បុរសម្នាក់ចងព្យួរនឹងដងស្ទូចមួយនៅត្រង់រង្វង់មូលធំមួយនៃក្រុងហេរ៉ាត់ដោយជាប់នឹងដងខ្លួនគេ មានភ្ជាប់ប៉ង់កាតមួយសរសេរថា ពួកចាប់ពង្រត់មនុស្សនឹងទទួលទោសបែបនេះ។
ការដាក់ទោសបែបនោះពិតជារឿងគួរឲ្យភ្ញាក់ផ្អើលមួយ ចាប់តាំងពីពួកតាលីបង់ដណ្ដើមអំណាចបានជាថ្មីកាលពីខែមុន៕ ដកស្រង់ចេញវេបសាយ ៖ yahoo
ចែករំលែកព័តមាននេះ