រឿងទូរស័ព្ទ! ផ្ទុះសង្គ្រាមរវាងបុរស.គ និងនារីជាម្ចាស់ផ្អើលអគារកំពុងសាងសង់
- ភ្នំពេញ
បុរសជាកម្មករសំណង់ម្នាក់ ត្រូវបាននារីម្នាក់ទៀតជាអ្នកធ្វើការជាមួយគ្នានៅក្នុងការដ្ឋានសាងសង់តែមួយ បានចោទប្រកាន់បុរសរូបនោះថា បាន
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសជាកម្មករសំណង់ម្នាក់ ត្រូវបាននារីម្នាក់ទៀតជាអ្នកធ្វើការជាមួយគ្នានៅក្នុងការដ្ឋានសាងសង់តែមួយ បានចោទប្រកាន់បុរសរូបនោះថា បានលួចយកទូរស័ព្ទដៃរបស់ខ្លួន តែបុរសរូបនោះបានប្រកែកថា មិនបានលួចទេ គឺរូបគាត់រើសបាន ក៏កើតជាជម្លោះរហូតឈានដល់ប្រើហិ.ង្សាវាយតប់គ្នាទៅវិញទៅមកមួយប្រ៉ាវ រហូតដល់ខាងប្រុសសន្លប់ស្ដូកស្ដឹង ឯខាងស្រីវិញរងរបួសបែកក្បាលឈា.មស្រោចខ្លួន បង្កឱ្យមានការភ្ញាក់ផ្អើលកាលពីវេលាម៉ោង១១យប់ ថ្ងៃទី២៦ ខែកញ្ញា ឆ្នាំ២០២១ នៅចំណុចអគារកំពុងសាងសង់ តាមបណ្ដោយផ្លូវលេខ២៥២ កែងផ្លូវ៦៣ ស្ថិតក្នុងសង្កាត់ចតុមុខ ខណ្ឌដូនពេញ ។
សេចក្តីរាយការណ៍បន្តថា បុរសដែលរងរបួសសន្លប់ស្តូកស្តឹងខាងលើនេះមានឈ្មោះ ចាន់ គីណេ អាយុ៣៥ឆ្នាំ និងជាមនុស្ស.គ ចំណែកភាគីជម្លោះជានារីម្នាក់ទៀតមិនទាន់ស្គាល់អត្តសញ្ញាណនោះទេ ។
បើប្រភពពីកម្មករនៅការដ្ឋានកើតហេតុខាងលើ បានប្រាប់អោយដឹងថា មុនកើតហេតុ គឺបុរសឈ្មោះគីណេ នោះ បានអង្គុយផឹកស្រានៅជាន់ទី៣ រហូតស្រវឹងទន់ខ្លួន ស្រាប់តែលេចមុខនារីម្នាក់ទៀត បានដើរសំដៅទៅរកបុរស.គរូបនោះ និងបានចោទប្រកាន់ថា បុរសនោះលួចយកទូរស័ព្ទដៃខ្លួន តែបុរស.គនោះប្រកែក និងបានធ្វើកាយវិការត្រឡប់ទៅវិញថា រូបគេមិនបានលួចនោះទេ គឺរើសបានទេ ក៏កើតជាជម្លោះប្រកែកគ្នាមួយប្រាវ ដោយសារម្នាក់និយាយបាន និងម្នាក់ទៀតបានត្រឹមធ្វើកាយវិការ ហើយនិយាយស្តាប់គ្នាមិនបាន ក៏ប្រើហិ.ង្សាដាក់គ្នាផ្អើលអស់កម្មករសំណង់ចូលឃាត់ តែមិនទាន់ ទើបបណ្តាលឱ្យបុរស.គរូបនោះរងរបួសពកក្បាលសន្លប់ស្តូកស្តឹងតែម្តង ចំណែកភាគីខាងនារីវិញ រងរបួសបែកក្បាលហូរឈា.មស្រោចខ្លូន។
បន្ទាប់ពីបើកឆាកប្រយុទ្ធគ្នាមួយដង្ហើមចង្រិត ភាគីទាំងពីរនាក់ក៏ត្រូវបានរថយន្តសង្គ្រោះគ្លីនិកឯកជន មកដឹកយកទៅសង្គ្រោះភ្លាមៗផងដែរ។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុភ្លាមៗ បានត្រឹមធ្វើកំណត់ហេតុ រួចសួរនាំសាក្សីនៅកន្លែងកើតហេតុ និងរង់ចាំភាគីទាំងពីរនាក់ជាសះស្បើយ រួចហៅទៅសួរនាំនៅប៉ុស្ដិ៍នគរបាលបន្តទៀត ដើម្បីដោះស្រាយរឿងបញ្ចប់កុំអោយមានការភ័ន្តច្រឡំគ្នាបន្តទៀត ៕
ចែករំលែកព័តមាននេះ