បាត់ប្តីពីផ្ទះអស់១យប់ ស្រាប់តែប្រពន្ធទទួលដំណឹងអកុសល
- បន្ទាយមានជ័យ
ខេត្តបន្ទាយមានជ័យ ៖ បុរសម្នាក់បានបាត់ពីផ្ទះអស់១យប់ ស្រាប់តែត្រូវបានគេប្រទះឃើញស.ពអណ្តែតទឹកប្រឡាយចម្ងាយ៣៥០
ខេត្តបន្ទាយមានជ័យ ៖ បុរសម្នាក់បានបាត់ពីផ្ទះអស់១យប់ ស្រាប់តែត្រូវបានគេប្រទះឃើញស.ពអណ្តែតទឹកប្រឡាយចម្ងាយ៣៥០ម៉ែត្រខាងត្បូងភូមិគោកក្រោល ឃុំស្រះជីក ស្រុកភ្នំស្រុក ខេត្តបន្ទាយមានជ័យ បង្កការភ្ញាក់ផ្អើលកាលពីវេលាម៉ោង៣និង៣០នាទីរសៀលថ្ងៃទី២៤ ខែកញ្ញា ឆ្នាំ២០២១។
តាមប្រភពពីនគរបាលស្រុកភ្នំស្រុកបានឲ្យដឹងថា ជនរងគ្រោះឈ្មោះ ង៉ិក រ៉ាន ភេទប្រុស អាយុ៣០ឆ្នាំ រស់នៅភូមិគោកក្រោល ឃុំស្រះជីក ស្រុកភ្នំស្រុក ខេត្តបន្ទាយមានជ័យ ។
បើតាមការបំភ្លឺពីឈ្មោះជុំ ដែត ភេទស្រី អាយុ២៨ឆ្នាំ ត្រូវជាប្រពន្ធរបស់ជនរងគ្រោះ ក៏ដូចជាមេភូមិគោកក្រោលបានឲ្យដឹងថា ជនរងគ្រោះជាប្តីបានបាត់ខ្លួនតាំងពីវេលាម៉ោង៨យប់ថ្ងៃទី២៣ ខែកញ្ញា ឆ្នាំ២០២១ ទោះគាត់ខំដើររកយ៉ាងណាក៏រកមិនឃើញ លុះដល់វេលាម៉ោង៣និង៣០នាទីរសៀលថ្ងៃទី២៤ ខែកញ្ញា ឆ្នាំ២០២១ ស្រាប់តែទទួលដំណឹងថា មានគេប្រទះឃើញស.ពអណ្តែតទឹក លុះពេលមកមើល ទើបដឹងថាជាប្តី ហើយកន្លងមកប្តីរបស់គាត់តែងតែស្រវឹងស្រារាល់ថ្ងៃ ដើរដេកមិនថាកន្លែងណានោះទេ ហើយកន្លងមក ជនរងគ្រោះជាប្តីតែងទៅដេកនៅរោងចាំស្រែប្រាំងរបស់គេដែលនៅក្បែរនោះ ។
តាមប្រភពដដែលបានបញ្ជាក់ថា ក្រោយទទួលបានពត៌មានខាងលើពីលោកមេឃុំស្រះជីកភ្លាម កម្លាំងប៉ុស្តិ៍ស្រះជីកនឹងគ្រូពេទ្យមណ្ឌលសុខភាពស្រះជីក បានចុះដល់កន្លែងកើតហេតុដើម្បីពិនិត្យស.ព និងរកឃើញថា ជនរងគ្រោះពិតជាបាត់បង់ជីវិតដោយសារលង់ទឹក ដោយមានការសង្ស័យថា ខណៈពេលជនរងគ្រោះស្រវឹងស្រាដើរឆ្លងប្រឡាយដែលមានទឹកជ្រៅ ទៅរករោងដេកបណ្តាលឲ្យល.ង់ទឹកបាត់បង់ជីវិតតែម្តង គឺមិនជាប់ពាក់ព័ន្ធនឹងករណីមនុស្សឃា.តឡើយ ។
ក្រោយពីពិនិត្យរួច ស.ពជនរងគ្រោះត្រូវបានប្រគល់ជូនក្រុមគ្រួសារដើម្បីយកទៅចាត់ចែងធ្វើបុណ្យតាមប្រពៃណី ៕
ចែករំលែកព័តមាននេះ