ជនសង្ស័យក្នុងអំពើប្លន់អ្នកលក់មាសប្តូរប្រាក់ដ៏កក្រើកកាលពីព្រឹកថ្ងៃទី២៤ កុម្ភៈ ដែលជនទី៣គឺជាមេខ្លោង នៅក្រុងប៉ោយប៉ែត ត្រូវសមត្ថកិច្ចក្របួចបានទាំង៣នាក់ហើយគិតត្រឹមម៉ោងជាង៤រសៀលថ្ងៃទី២៥ កុម្ភៈ
ខេត្តបន្ទាយមានជ័យ ៖ ជនសង្ស័យក្នុងអំពើប្លន់អ្នកលក់មាសប្តូរប្រាក់ដ៏កក្រើកកាលពីព្រឹកថ្ងៃទី២៤ កុម្ភៈ ដែលជនទី៣គឺជាមេខ្លោង នៅក្រុងប៉ោយប៉ែត ត្រូវសមត្ថកិច្ចក្របួចបានទាំង៣នាក់ហើយគិតត្រឹមម៉ោងជាង៤រសៀលថ្ងៃទី២៥ កុម្ភៈ ។ ជនសង្ស័យ៣នាក់នោះរួមមាន១-ឈ្មោះយ៉េន ធូ ភេទប្រុស អាយុ៣៧ឆ្នាំ មានទីលំនៅក្នុងភូមិលេខ៥ ឃុំគងជ័យ ស្រុកអូររាំងឪ ខេត្តកំពង់ចាម ២-ឈ្មោះយៀប ហេង ភេទប្រុស អាយុ២៨ឆ្នាំ មានទីលំនៅក្នុងភូមិខ្នាយកូវ ឃុំត្នោត ស្រុកកញ្ជ្រៀច ខេត្តព្រៃវែង និង៣-ឈ្មោះលឹម ទ្រី ហៅទី ភេទប្រុស អាយុ៣៨ឆ្នាំ អតីតនៅកម្ពុជាក្រោម ។
ជនសង្ស័យ២នាក់ឈ្មោះយ៉េន ធូ និង២-ឈ្មោះយៀប ហេង ត្រូវសមត្ថកិច្ចឃាត់ខ្លួនកាលពីរសៀលថ្ងៃទី២៤ ខែកុម្ភៈ នៅហាងផឹកស៊ីស្រះបេះដូង ក្នុងភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ។ ចំណែកមេខ្លោងធំឈ្មោះលឹម ទ្រី ហៅទី សមត្ថកិច្ចទើបតែចាប់បានតាមបណ្តោយផ្លូវជាតិលេខ៥ ចំណុចដើមពោធិ៍៣ដើម ក្នុងភូមិសូរិយាថ្មី ឃុំកូប ស្រុកអូរជ្រៅ ខណៈគេជិះរថយន្តគេចពីការតាមចាប់របស់សមត្ថកិច្ចនៅក្រុងប៉ោយប៉ែត ។
សមត្ថកិច្ចនិយាយថា ជនសង្ស័យជាមេខ្លោងនេះមុនចាប់ខ្លួនបាន គឺសមត្ថកិច្ចដេញប៉ផាប់ចាប់ពភីងនៅភូមិប៉ោយប៉ែត ហើយរត់ទៅបាត់ដាននៅមាត់អូរព្រំដែន ។ ក្រោយមកសមត្ថកិច្ចទទួលបានព័ត៌មានថាជននោះជិះរថយន្តទៅទិសខាងកើតក៏តាមពីក្រោយ។ ដោយសារមានបារ៉ាស់ត្រួតពិនិត្យតាមដងផ្លូវនៅភូមិកូនដំរី ជនសង្ស័យក៏ចុះពីរថយន្តហៅម៉ូតូឌុបប៉ងជិះគេចបន្តទៅទិសខាងកើត លុះដល់ចំណុច ដើមពោធិ៍៣ដើម ក្នុងឃុំកូប ស្រុកអូរជ្រៅ ទើបសមត្ថកិច្ចចាប់បាន ។
ប្រភពដដែលថា ជនសង្ស័យឈ្មោះយ៉េង ធូ និងឈ្មោះលឹម ទ្រី ជាអ្នកធ្វើសកម្មភាពក្នុងអំពើប្លន់ ចំណែកឈ្មោះយៀប ហេង ជាអ្នកឲ្យតម្រុយ និងជាអ្នកជូនមើលផ្លូវគ្រួសាររងគ្រោះ ។
ឈ្មោះយ៉េន ធូ ក្រោយពីសមត្ថកិច្ចចាប់ខ្លួន ហើយមានការផ្សព្វផ្សាយជាសាធារណៈ ក៏មានគ្រួសារមួយចេញមុខអះអាងថាជននេះធ្លាប់សម្លាប់សាច់ញាតិរបស់ខ្លួនកាលពី១០ឆ្នាំមុន នៅភូមិល្វេ ឃុំជប់ ស្រុកត្បូងឃ្មុំ ខេត្តកំពង់ចាម (បច្ចុប្បន្នខេត្តត្បូងឃ្មុំ) ។ ចំណែកជនសង្ស័យឈ្មោះលឹម ទ្រី ហៅទីធ្លាប់មានដីកាបង្គាប់ឲ្យចាប់ខ្លួនរបស់ចៅក្រមស៊ើបសួររាជធានីភ្នំពេញ កាលពីថ្ងៃទី២៨ សីហា ឆ្នាំ២០១១ ពីបទឃាតកម្មគិតទុកជាមុន, ផលិតអាវុធគ្រឿងផ្ទុះគ្មានការអនុញ្ញាត និងប្រើប្រាស់អាវុធខុសច្បាប់ប្រព្រឹត្តនៅអាកាសយានដ្ឋានអន្តរជាតិភ្នំពេញ ។
ប្រភពព័ត៌មានឱ្យដឹងទៀតថា ជនសង្ស័យម្នាក់ទៀតជាបក្សពួករបស់ឈ្មោះលឹម ទ្រី ហៅទី ត្រូវសមត្ថកិច្ចចាប់ខ្លួននៅពេលណាត់ជួបក្នុងបំណងមកទទួលឈ្មោះលឹម ទ្រី តាមដងផ្លូវ ។
សមត្ថកិច្ចបញ្ជាក់ថា ថ្ងៃស្អែកនឹងយកជនសង្ស័យ រួមជាមួយវត្ថុតាងទៅធ្វើត្រាប់ពីសកម្មភាពប្លន់នៅកន្លែងកើតហេតុ ។ ចំណែកវត្ថុតាងជាគ្រឿងអលង្ការរបស់ជនរងគ្រោះដែលសមត្ថកិច្ចប្រមូលបានមកវិញនឹងប្រគល់ជូនម្ចាស់នៅពេលបញ្ចប់សំណុំរឿងស៊ើបអង្កេតនិងសាកសួរចប់ ។
គិតមកត្រឹមថ្ងៃនេះកម្លាំងសមត្ថកិច្ច ចាប់បានក្រុមចោប្លន់ប្រដាប់អាវុធនៅប៉ោយប៉ែត៤នាក់ហើយ
ខេត្តបន្ទាយមានជ័យ៖ កម្លាំងនគរបាលឃាត់ខ្លួន បក្ខពួកក្រុមចោប្លន់ប្រដាប់អាវុធបានបន្តបន្ទាប់ចំនួន៤នាក់ហើយ រហូតដល់យប់ថ្ងៃទី២៥ ខែកុម្ភៈ ឆ្នាំ២០១៦នេះ ។ ក្រុមចោរប្លន់ប្រដាប់អាវុធដែលត្រូវចាប់ខ្លួនបានទី៤.ឈ្មោះ នីន ភេទប្រុស អាយុ៣៥ឆ្នាំ(ស្វិតជើងម្ខាង) ក្រុមចោរទាំងនេះគឺរស់នៅស្រុអូររាំងឪ ខេត្តកំពង់ចាម ។
លោកវរសេនីយ៍ឯក សិទ្ធ ឡោះ ស្នងការរងនគបាលខេត្តបន្ទាយមានជ័យ បានឱ្យដឹងថា ក្រោយពេលមានសកម្មភាពប្លន់ប្រដាប់អាវុធលើស្ដ្រីលក់គ្រឿងអលង្ការនៅផ្សាររ៉ា ក្រុងប៉ោយប៉ែត ជនរងគ្រោះមានឈ្មោះ ថា សុផាន់ណា ភេទស្រី អាយុ៤៥ឆ្នាំហៅ(ចែកា) នៅភូមក្បាលស្ពាន១ សង្កាត់ប៉ោយប៉ែត ។ ក្រុមចោរបានយកទ្រព្យសម្បត្តិរួមមាន គ្រឿងអលង្ការ ជញ្ចៀន០៣ថាស ប្រហែល៨០វង្ស ខ្សែករ៨០ខ្សែ ខ្សែដៃ៤០ខ្សែ គ្រឿងបញ្ចាំ លុយដែលចោរយកមាន ប្រាក់រៀល២លានរៀល ប្រាក់បាត១០ម៉ឺនបាត ប្រាក់ដុល្លា៣.០០០ដុល្លា(សរុបទឹកប្រាក់ដែលបាត់ប្រមាណជាង៤ម៉ឺនដុល្លារសហរដ្ឌអាមេរិក) ។ លោកបន្តទៀតថា ក្រោយពេលក្រុមចោរប្លន់ប្រដាប់អាវុធធ្វើសកម្មភាពប្លន់នៅក្រុងប៉ោយប៉ែត បណ្តាលឱ្យមានការភ្ញាក់ផ្អើល លោកឧត្តមសេនីយ៍ទោ អាត់ ខែម ស្នងការនគបាលខេត្តបានចាត់កម្លាំងនគរបាលខេត្ត និងកម្លាំងនគបាលក្រុងប៉ោយប៉ែត សហការជាមួយកម្លាំងនគបាលវរការពារព្រំដែនគោកលេខ៩១១ និង៨៩១ បានចេញស្រាវជ្រាវ និងកំណត់មុខសញ្ញា ហើយចាប់បាន២នាក់១.ឈ្មោះ យាប ហេង ២.ឈ្មោះ យ៉េន ធូរ នៅវេលាម៉ោង៣.៣០នាទីថ្ងៃទី២៤ ខែកុម្ភៈ ឆ្នាំ២០១៦ នៅចំណុចភោជនីយដ្ឋានស្រះបេះដូង ស្ថិតភូមិប៉ាលិលេយ្យពីរ សង្កាត់ប៉ោយប៉ែត ។
នៅពេលដែលកម្លាំងសមត្ថកិច្ចឃាត់ខ្លួនជនសង្ស័យ២នាក់ដែលកំពុងផឹកស៊ីជាមួយបក្ខពួកឈ្មោះ លឹម ទ្រី ហៅទីរឺឆាយ គេចខ្លួនជាមួយរថយន្តម៉ាកកាម៉ារីឆ្លាម ពណ៌ស្ករ ពាក់ស្លាកលេខបាត់ដំបង 2A-6871 ដែលប្លង់ទុកចោលនៅការ៉ាសលាងរថយន្តមួយក្រុងប៉ោយប៉ែត ។ លោកវរសេនីយ៍ឯក សិទ្ធិ ឡោះ បានបន្តថាក្រោយពេលដែលឃាត់ជនសង្ស័យ២នាក់ ធ្វើការសាកសួរបានសារភាព ហើយបានប្រមួលវត្ថុតាងរួមមានគ្រឿងអង្ការ និងកាំភ្លើងខ្លី២ដើម ធុនអាកា៥៩១ដើម ធុនរ៉ូឡូ១ដើម នៅវេលាម៉ោង៨និង៣០នាទីកយប់ថ្ងៃដដែលនៅផ្ទះជួយមួយកន្លែង ស្ថិតភូមិប៉ាលិលេយ្យមួយ សង្កាត់.ក្រុងប៉ោយប៉ែត ។
លោកបានបញ្ជាក់បន្ថែមទៀតថា ក្រោយមកកម្លាំងនគរបាលបានធ្វើការស្រាវមុខសញ្ញាបក្ខពួកក្រុមចោប្លន់ដែលរត់គេចខ្លួន ហើយស្ទាក់ចាប់បានម្នាក់ទៀត គឺឈ្មោះ លឹម ទ្រី ហៅទីរឺឆាយ ដែលជិះរថយន្តក្រុងគេចខ្លួន បន្ទាប់មកចាប់បាននៅវេលាម៉ោង៣និង៣០នាទីថ្ងៃទី២៥ ខែកុម្ភៈ ឆ្នាំ២០១៦ នៅត្រង់ចំណុចសាលាអ៊ិនតាំ ស្ថិតភូមិទឹកផ្លា ក្រុងសិរីសោភ័ណ ។
ក្រោយពេលឃាត់ខ្លួនជនសង្ស័យម្នាក់ឈ្មោះ លឹម ទ្រី ហៅទីរឺឆាយ ហើយកម្លាំងនគរបាលស្នងការដ្ឋាននគបាលខេត្តបន្ទាយមានជ័យ សហការជាមួយកម្លាំងនគរបាលខេត្តបាត់ដំបង ឃាត់ខ្លួនបក្ខពួកម្នាក់ទៀតឈ្មោះ នីន ភេទប្រុសអាយុ៣៥ឆ្នាំ (ស្វិតជើងខាងឆ្វេង) នៅវេលាម៉ោង៥និង១០នាទីថ្ងៃដដែលស្ថិតភូមិ.ឃុំបឹងប្រីង ស្រុកថ្មគោល ខេត្តបាត់ដំបង ។ ជនសង្ស័យត្រូវកម្លាំងនគរបាលខេត្តបាត់ដំបង នាំទៅសាកសួរនៅស្នងការនគបាលខេត្តបាត់ដំបង ៕
ចែករំលែកព័តមាននេះ