ខេត្តប៉ៃលិន ៖ ក្មេងស្រីម្នាក់ក្នុងចំណោមក្មេង៣នាក់ បានលង់ទឹកស្រះនៅក្បែរផ្ទះស្លា.ប់យ៉ាងអាណោចអាធ័ម ខណៈឪពុកម្តាយដេកលង់លក់មួយភាំង នៅពេលអ្នកជិតខាងទៅដងទឹកស្រះបានប្រទះឃើញក្មេងប្រុសម្នាក់កំពុងលង់ទឹក ទើបនាំគ្នាជួយស្រង់ និងរត់ទៅប្រាប់ឪពុកម្តាយ ទើបមានបង្កការភ្ញាក់ផ្អើលតែម្តង ។
ខេត្តប៉ៃលិន ៖ ក្មេងស្រីម្នាក់ក្នុងចំណោមក្មេង៣នាក់ បានលង់ទឹកស្រះនៅក្បែរផ្ទះស្លាប់យ៉ាងអាណោចអាធ័ម ខណៈឪពុកម្តាយដេកលង់លក់មួយភាំង នៅពេលអ្នកជិតខាងទៅដងទឹកស្រះបានប្រទះឃើញក្មេងប្រុសម្នាក់កំពុងលង់ទឹក ទើបនាំគ្នាជួយស្រង់ និងរត់ទៅប្រាប់ឪពុកម្តាយ ទើបមានបង្កការភ្ញាក់ផ្អើលតែម្តង ។ ប៉ុន្តែជាអកុសលដោយសារកុមារីម្នាក់លង់ទឹកមុនគេ ជួយពុំទាន់ពេល បណ្តាលឱ្យបាត់បង់ជីវិតក្នុងទឹកស្រះ ។
ហេតុការណ៍នេះបានកើតឡើងកាលពីវេលាម៉ោង៤និង១៥នាទីរសៀលថ្ងៃទី២៤ ខែកុម្ភៈ ស្ថិតនៅចំណុចទល់មុខបន្ទាយយោធាស្រែម្អម ចម្ងាយពីផ្ទះប្រហែល៥០ម៉ែត្រ ក្នុងភូមិភ្នំស្ពុ ង ឃុំសាលាក្រៅ ស្រុកសាលាក្រៅ ។
ប្រភពព័ត៌មានពីលោក ស៊ុំ សុខ នាយប៉ុស្តិ៍នគរបាលរដ្ឋបាលឃុំសាលាក្រៅ បានឱ្យ ដឹងថា ក្មេងរងគ្រោះ ១. ឈ្មោះ រ៉ា ស្រីនីត ភេទស្រី អាយុ២ឆ្នាំ១០ខែ (ស្លាប់) ២. ឈ្មោះ ម៉ៅ ស្រីនូ ភេទស្រី អាយុ៤ឆ្នាំ ៣. ឈ្មោះ ធឿន ទី ភេទប្រុស អាយុ២ឆ្នាំ ទាំងបីនាក់រស់ក្នុងភូមិកើតហេតុខាងលើ ។
លោក ស៊ុំ សុខ បន្តទៀតថា មុនពេលកើតហេតុ ឪពុកម្តាយក្មេងរងគ្រោះមួយចំនួន នាំគ្នាទៅដកដំឡូងមីឯចម្ការ និងនៅផ្ទះ បានដេកលក់មួយភាំង ស្រាប់តែមានក្មេងប្រុសស្រីរងគ្រោះខាងលើទាំងបីនាក់ បាននាំគ្នាទៅលេងទឹកស្រះ បណ្តាលឱ្យលង់ស្លាប់ម្នាក់ តែម្តង ។ លោកបញ្ជាក់ទៀតថា បន្ទាប់ពីសមត្ថកិច្ចជំនាញធ្វើការពិនិត្យសពរួចរាល់ បានបញ្ជាក់ថា ក្មេងនេះពិតជាលង់ទឹកស្រះស្លាប់ពិតប្រាកដមែន ។
ក្រោយមកសមត្ថកិច្ចបានធ្វើកំណត់ហេតុ និងប្រគល់សពកុមារីរងគ្រោះជូនឪពុកម្តាយ ដើម្បីធ្វើបុណ្យតាមប្រពៃណីខ្មែរ ៕
សូមបញ្ជាក់ផងដែរថា ឪពុកម្តាយអ្នក មានកូនចៅតូចៗ មិនត្រូវបណ្តោយឱ្យដើរលេងរហូតគ្មានអ្នកថែរក្សានោះទេ ជាពិសេសបើមានអណ្តូងទឹក ឬស្រះនៅក្បែរ ត្រូវការពារកុំឱ្យពួកគេទៅក្បែរទីនោះ បើពុំដូច្នោះទេនឹងមានវិប្បដិសារីអស់មួយជីវិត ពេលកូនចៅជាទីស្រឡាញ់លង់ទឹកស្លាប់ ៕
ចែករំលែកព័តមាននេះ