ផ្តាច់ជីវិតប្រពន្ធ រួចកា.ប់អ្នកភូមិ២នាក់ លុះគេចបាន១ថ្ងៃ ក៏ឃើញស.ពប្តីលើដើមព្រីង
- សៀមរាប
ខេត្តសៀមរាប ៖ បុរសម្នាក់ស្រវឹងស្រាជារៀងរាល់ថ្ងៃ និងតែងតែរករឿងឈ្លោះប្រកែកជាមួយប្រពន្ធ បង្កជាទំនាស់ និងហិ.ង្សា
ខេត្តសៀមរាប ៖ បុរសម្នាក់ស្រវឹងស្រាជារៀងរាល់ថ្ងៃ និងតែងតែរករឿងឈ្លោះប្រកែកជាមួយប្រពន្ធ បង្កជាទំនាស់ និងហិ.ង្សា រហូតឈានដល់កា.ប់ប្រពន្ធ បណ្តាលឱ្យបាត់បង់ជីវិត លុះជនសង្ស័យរត់ចេញពីផ្ទះ ក៏ជួបនឹងអ្នកភូមិចំនួន២នាក់ និងបានយកពូថៅកា.ប់ទៀត បណ្តាលឱ្យរងរបួសធ្ងន់ រួចរត់គេចបាត់អស់១ថ្ងៃ ស្រាប់តែប្រទះឃើញជនសង្ស័យរូបនោះយកខ្សែនីឡុងចងនៅលើដើមព្រីង នៅចំណុចវាលស្រែមួយកន្លែង ខាងលិចផ្ទះជនរងគ្រោះប្រហែល៥០០ម៉ែត្រ បណ្តាលឱ្យបាត់បង់ជីវិតបាត់ទៅហើយ ។
ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៤រសៀលថ្ងៃទី១៩ កញ្ញា ឆ្នាំ២០២១ នៅចំណុច ភូមិព្រៃទទឹង ឃុំល្វែងឫស្សី ស្រុកជីក្រែង ខេត្តសៀមរាប ។
លោកវវរសេនីយ៍ទោ សុខ ម៉េង អ៊ាង នាយការិយាល័យនគរបាលកំរិតធ្ងន់នៃស្នងការនគរបាលខេត្តសៀមរាប បានឱ្យដឹងកាលពីថ្ងៃទី២០ ខែកញ្ញា ឆ្នាំ២០២១ នេះថា ស្ត្រីជាប្រពន្ធដែលបាត់បង់ជីវិតឈ្មោះ សាន ចាន់ អាយុ២៧ឆ្នាំ ចំណែកអ្នកភូមិទាំង២នាក់ដែលរងរបួសធ្ងន់ ក្នុងនោះម្នាក់ឈ្មោះ ឃាន សុខាន់ ភេទស្រី អាយុ៣០ឆ្នាំ និងម្នាក់ទៀតឈ្មោះ ឃាន ឆាត ភេទប្រុស អាយុ៣៨ឆ្នាំ ។ ដោយឡែកជនដៃដល់ជាប្តីដែលបាត់បង់ជីវិតឈ្មោះ ឆែម ទក អាយុ៣៤ឆ្នាំ ។ អ្នកទាំង៤ រស់នៅក្នុងភូមិឃុំកើតហេតុខាងលើ ។
លោកនាយការិយាល័យនគរបាលព្រហ្មទណ្ឌកម្រិតធ្ងន់ខេត្តសៀមរាប បានឱ្យដឹងបន្តថា មុនពេលកើតហេតុ ស្ត្រីរងគ្រោះជាប្រពន្ធកំពុងនៅផ្ទះ ក៏មានទំនាស់ពាក្យសម្តីជាមួយជនសង្ស័យជាប្តី ភ្លាមនោះជនសង្ស័យដែលស្រវឹងស្រា បានយកពូថៅកា.ប់ទៅលើប្រពន្ធ ត្រូវក្បាលផ្នែកខាងក្រោយចំនួន២ពូថៅ បណ្តាលឱ្យបាត់បង់ជីវិតតែម្តង ។ បន្ទាប់មក ជនសង្ស័យបានដើរទៅកា.ប់ស្ត្រីជាអ្នកភូមិម្នាក់ទៀតឈ្មោះឃាន សុខាន់ ដែលកំពុងដេកលើអង្រឹងក្រោមផ្ទះរបស់គាត់ ដែលមានចម្ងាយពីផ្ទះជនសង្ស័យ៣០ម៉ែត្រ ត្រូវចំ.ក ១ពូថៅរងរបួសធ្ងន់ ។
លោកបានបន្តទៀតថា ពេលនោះបុរសរងគ្រោះឈ្មោះ ឃាន ឆាត ស្ទុះមកជួយប្អូនស្រីបង្កើត ក៏ត្រូវជនសង្ស័យកា.ប់ត្រូវចំដៃឆ្វេង ១ពូថៅ បណ្តាលឱ្យរងរបួសធ្ងន់ ក្រោយពេលធ្វើសកម្មភាពរួច ជនសង្ស័យបានកាន់ពូថៅរត់គេចខ្លួនបាត់បានតែ១ថ្ងៃ ស្រាប់តែត្រូវបានគេប្រទះឃើញយកខ្សែនីឡុងពណ៌ខៀវចងនៅលើដើមព្រៃ ក្នុងចំណុចវាលស្រែមួយកន្លែង បណ្តាលឱ្យបាត់បង់ជីវិតបាត់ទៅហើយ។
ក្រោយពេលកើតហេតុ ជនរងគ្រោះដែលរងរបួសធ្ងន់ទាំង២នាក់ ត្រូវបានកម្លាំងជំនាញបញ្ជូនទៅសង្គ្រោះនៅមណ្ឌលសុខភាព រួចបញ្ជូនបន្តទៅកាន់មន្ទីរពេទ្យបង្អែកខេត្ត។ ចំណែកស.ពស្ត្រីរងគ្រោះជាប្រពន្ធ ក្រោយពីគ្រូពេទ្យចុះមកពិនិត្យស.ព និងយកសំណាករួចមក ជាលទ្ធផលគឺអវិជ្ជមានជំងឺកូវីដ១៩ ។ បន្ទាប់មក កម្លាំងជំនាញក៏ប្រគល់ស.ពឱ្យបងប្អូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ