ខេត្តឧត្តរមានជ័យ៖ ក្រុមការងារកងឯកភាពស្រុកអន្លង់វែង បានធ្វើការទប់ស្កាត់ធ្យូង២គំនរ ស្មើនិង៣០០ការ៉ុងដែលស្ថិតនៅក្បែរមាត់ច្រកទ្វារអន្តរជាតិជាំ មិនឱ្យដឹកជញ្ជូនឆ្លងដែន កាលពីវេលាម៉ោង៣ និង៣០នាទីរសៀលថ្ងៃទី១៧ ខែកញ្ញា ឆ្នាំ២០២១ ស្ថិតក្នុងភូមិជាំ…
ខេត្តឧត្តរមានជ័យ៖ ក្រុមការងារកងឯកភាពស្រុកអន្លង់វែង បានធ្វើការទប់ស្កាត់ធ្យូង២គំនរ ស្មើនិង៣០០ការ៉ុងដែលស្ថិតនៅក្បែរមាត់ច្រកទ្វារអន្តរជាតិជាំ មិនឱ្យដឹកជញ្ជូនឆ្លងដែន កាលពីវេលាម៉ោង៣ និង៣០នាទីរសៀលថ្ងៃទី១៧ ខែកញ្ញា ឆ្នាំ២០២១ ស្ថិតក្នុងភូមិជាំ ឃុំត្រពាំងប្រីយ៍ស្រុកអន្លង់វែង ខេត្តឧត្តរមានជ័យ។
ប្រជាពលរដ្ឋដែលរស់នៅក្បែរមាត់ច្រកទ្វារអន្តរជាតិជាំបានឲ្យដឹងថា កន្លងមក ពួកគេតែងតែឃើញក្រុមអ្នករកស៊ីដឹកធ្យូងចូលប្រទេសថៃ ក្រោយមកទើបឃើញខាងមន្ត្រីបម្រើការងារនៅ និងច្រកទ្វារបិទមិនឲ្យនាំធ្យូងចូលទៅប្រទេសថៃ ។ ចំណែកធ្យូងដែលគំនរ២នេះ ត្រូវបានក្រុមអាជ្ញាធរអន្លង់វែងធ្វើការរារាំង ។
កម្លាំងអាវុធហត្តស្រុកអន្លង់វែងបានឲ្យដឹងថា បានចេញលិខិតអញ្ជើញម្ចាស់ធ្យូងឈ្មោះទឹម សៅ ភេទស្រី អាយុ៥៤ឆ្នាំ រស់នៅភូមិបុស្ស សង្កាត់កូនក្រៀល ក្រុងសំរោង ខេត្តឧត្ដរមានជ័យ ចូលខ្លួននៅសាលាស្រុកអន្លង់វែង នៅថ្ងៃទី១៨ កញ្ញា វេលាម៉ោង៩ព្រឹកនេះផងដែរ ៕
ចែករំលែកព័តមាននេះ