រាជធានីភ្នំពេញ ៖ បន្ទាប់ពីដាក់យុទ្ធសាស្ត្រចាក់វ៉ាក់សាំងបង្ការជំងឺកូវីដ១៩អស់រយៈពេលជាច្រើនខែមកនេះ ដែលផ្តើមចេញពីរាជធានីភ្នំពេញ និងខេត្តកណ្តាល បានបង្ហាញចំនួនអ្នកឆ្លងជំងឺកូវីដ១៩ នៅរាជធានីខេត្តនេះមានអត្រាអ្នកឆ្លងថយចុះ ។ នេះបើតាមសម្តេចតេជោ ។…
រាជធានីភ្នំពេញ ៖ បន្ទាប់ពីដាក់យុទ្ធសាស្ត្រចាក់វ៉ាក់សាំងបង្ការជំងឺកូវីដ១៩អស់រយៈពេលជាច្រើនខែមកនេះ ដែលផ្តើមចេញពីរាជធានីភ្នំពេញ និងខេត្តកណ្តាល បានបង្ហាញចំនួនអ្នកឆ្លងជំងឺកូវីដ១៩ នៅរាជធានីខេត្តនេះមានអត្រាអ្នកឆ្លងថយចុះ ។ នេះបើតាមសម្តេចតេជោ ។
សម្តេចតេ ជោ ហ៊ុន សែន នាយករដ្ឋមន្ត្រីបានបញ្ជាក់ក្នុងពិធីបើកយុទ្ធនាការចាក់វ៉ាក់សាំងការពារជំងឺកូវីដ១៩ ដល់កុមារ៦ដល់១២ឆ្នាំ នាព្រឹកថ្ងៃទី១៧ ខែកញ្ញា ឆ្នាំ២០២១ នៅវិមានសន្តិភាពថា យើងបានប្រើយុទ្ធសាស្ត្រចាក់វ៉ាក់សាំងជំងឺកូវីដ១៩ ប្រៀបដូចជា ផ្ការីក គឺចាក់នៅក្រុង ឬទីប្រជុំជនចេញទៅខាងក្រៅទើបទទួលជោគជ័យក្នុងការទប់ស្កាត់ជំងឺកូវីដ១៩ ។
សម្តេចគូសបញ្ជាក់ថា ៖«ស្ថានភាពជំងឺកូវីដ១៩ នៅកម្ពុជាកំពុងស្ថិតក្នុងការគ្រប់គ្រងបាន ។ ឥលូវនេះសង្កេតឃើញថា លទ្ធភាពចាក់វ៉ាក់សាំងនៅរាជធានីភ្នំពេញ និងខេត្តកណ្តាលដែលជាតំបន់ឆ្លងខ្លាំង ឥលូវចំនួនឆ្លងមានការធ្លាក់ចុះ បើតាមក្រុមគ្រូពេទ្យធីតាសហការជាមួយសាលាក្រុងភ្នំពេញបានធ្វើការសិក្សារយៈពេល១សប្តាហ៍ ដោយប្រៀបធៀបនឹងខែមេសា និងឧសភាមានការធ្លាក់ចុះយ៉ាងខ្លាំង» ។
ជាមួយគ្នាដែរ សម្តេចតេជោ ក៏បានលើកឡើងថា នៅពេលចាក់វ៉ាក់សាំងអត្រាអ្នកឆ្លងជំងឺកូវីដក៏ធ្វើឲ្យអ្នកឆ្លងតិច និងអត្រាមរណៈភាពមានចំនួនតិចដែលកាលពីមុននៅក្នុងរាជធានីភ្នំពេញចំនួនអ្នកស្លា.ប់ច្រើន (មិនមែនអ្នកនៅភ្នំពេញស្លា.ប់ទេ គឺអ្នកឆ្លងតាមខេត្តបញ្ជូនមកព្យាបាលនៅមន្ទីរពេទ្យភ្នំពេញ) ។
សម្តេចតេជោ បានលើកឡើងទៀតថា រយៈពេលប៉ុន្មានថ្ងៃមកនេះ អត្រាអ្នកឆ្លងជំងឺមានថយចុះ ហើយកើនឡើងតិចដែរ ។ ប៉ុន្តែនៅពេលការវ៉ាក់សាំងក្នុងខ្លួនទោះបីជាឆ្លងក៏មានសភាពស្រាលដែលមិនអាចនាំដល់ការស្លា.ប់ ។
យ៉ាងណាក្តី សម្តេចតេជោ ក៏បានលើកឡើងថា កន្លងមកនេះក៏មានអ្នកដែលបានចាក់វ៉ាក់សាំងរួចហើយ ក៏មិនគោរពវិធានការសុខាភិបាល៣កុំ៣ការពារផងដែរ ។ ដូច្នេះគណៈកម្មការចំពោះកិច្ចត្រូវធ្វើការអប់រំចំពោះករណីនេះ ។
សម្តេចគូសបញ្ជាក់ថា ៖«វ៉ាក់សាំងតែមួយមុខមិនគ្រប់គ្រាន់នោះទេ គឺត្រូវអនុវត្តវិធានការ៣ការពារ ៣កុំ ត្រូវតែបន្តដោយគ្មានការលើកលែងវិធានការអប់រំ និងច្បាប់ត្រូវបន្តទៅលើបញ្ជានេះ ។ ពីព្រោះ បើមិនដូច្នះទេប្រជាពលរដ្ឋអះអាងចាក់វ៉ាក់សាំងមិនអនុវត្តវិធានការទេ» ៕
ចែករំលែកព័តមាននេះ