ADផ្ទាំងផ្សព្វផ្សាយពាណិជ្ជកម្ម

Picture

តើហេតុអ្វីបានជាអ្នកគួរដើរហាត់ប្រាណនៅពេលព្រឹកព្រលឹម?

1 អាទិត្យ មុន

ការដើរនៅពេលព្រឹកជាប្រចាំនឹងនាំមកនូវអត្ថប្រយោជន៍ជាច្រើនចំពោះសុខភាព ហើយវាប្រាកដថាមិនត្រឹមតែបង្កើនសុខភាពរាងកាយប៉ុណ្ណោះទេ ថែមទាំងសុខភាពផ្លូវចិត្តនិងអារម្មណ៍ផងដែរ។ តើវាជួយដល់សុខភាពរបស់អ្នកយ៉ាងដូចម្តេចខ្លះ? ១. ជួយសម្រកទម្ងន់ អ្នកជំនាញនិយាយថា អ្នកអាចសម្រកទម្ងន់ដោយមិនចាំបាច់ត្រូវផ្លាស់ប្តូររបបអាហាររបស់អ្នក ដោយការដើរជារៀងរាល់ថ្ងៃ រួមជាមួយលំហាត់ប្រាណកម្រិតមធ្យមដទៃទៀត។…

ការដើរនៅពេលព្រឹកជាប្រចាំនឹងនាំមកនូវអត្ថប្រយោជន៍ជាច្រើនចំពោះសុខភាព ហើយវាប្រាកដថាមិនត្រឹមតែបង្កើនសុខភាពរាងកាយប៉ុណ្ណោះទេ ថែមទាំងសុខភាពផ្លូវចិត្តនិងអារម្មណ៍ផងដែរ។ តើវាជួយដល់សុខភាពរបស់អ្នកយ៉ាងដូចម្តេចខ្លះ?

Picture

១. ជួយសម្រកទម្ងន់

អ្នកជំនាញនិយាយថា អ្នកអាចសម្រកទម្ងន់ដោយមិនចាំបាច់ត្រូវផ្លាស់ប្តូររបបអាហាររបស់អ្នក ដោយការដើរជារៀងរាល់ថ្ងៃ រួមជាមួយលំហាត់ប្រាណកម្រិតមធ្យមដទៃទៀត។ ប្រសិនបើអ្នកត្រូវការសម្រកទម្ងន់សូមចាប់ផ្តើមដើរ។ ការដើរយ៉ាងលឿនពី ៣០ ទៅ ៤០ នាទីនៅពេលព្រឹក វាជួយបង្កើនចង្វាក់បេះដូងនិងដុតកាឡូរីដែលចាំបាច់សម្រាប់ការសម្រកទម្ងន់។

២. ល្អសម្រាប់បេះដូងរបស់អ្នក

ប្រសិនបើអ្នកមានបញ្ហាបេះដូង នេះគឺជាពេលល្អបំផុតសម្រាប់ដើរពេលព្រឹក។ ការសិក្សាបានបង្ហាញថា ការដើររៀងរាល់ព្រឹកប្រហែល ៣០នាទី អាចជួយបន្ថយសម្ពាធឈាម។ ការដើរពេលព្រឹក ជាផ្នែកមួយនៃទម្លាប់ប្រចាំថ្ងៃរបស់អ្នក ដែលអាចពង្រឹងបេះដូងនិងគ្រប់គ្រងសម្ពាធឈាម។ ការដើរពេលព្រឹកក៏អាចបន្ថយកម្រិតខ្លាញ់មិនល្អទ្រីគ្លីសេរីដ និងការពារការលើសឈាមផងដែរ។

៣. បង្កើនថាមពលរបស់អ្នក

ការសិក្សាបានបង្ហាញថា មនុស្សពេញវ័យដែលដើរ ២០នាទីនៅខាងក្រៅផ្ទះ មានភាពរឹងមាំនិងមានថាមពលច្រើនជាងអ្នកដែលដើរនៅក្នុងផ្ទះ។ ការដើរជារៀងរាល់ព្រឹកផ្តល់ឱ្យរាងកាយរបស់អ្នកនូវថាមពល ដែលវាត្រូវការដើម្បីទទួលបានពេញមួយថ្ងៃ។ វាជួយបង្កើនចរាចរឈាមនិងការផ្គត់ផ្គង់អុកស៊ីសែន និងធ្វើឱ្យអ្នកសកម្មនិងប្រុងប្រយ័ត្នពេញមួយថ្ងៃ៕