ខេត្តព្រះសីហនុ ៖ ដើម្បីរំដោះជំនន់ទឹកភ្លៀង ក្នុងខេត្តអភិបាលខេត្តព្រះសីហនុបានឲ្យមន្ទីរសាធារណការ និងដឹកជញ្ជូនខេត្តបន្តកាយស្តាអូរប្រឡាយទាំងអស់នៅក្នុងភូមិសាស្ត្រក្រុងព្រះសីហនុ ។ លោកគួច ចំរើន អភិបាលខេត្តព្រះសីហនុ នៅថ្ងៃទី១៥…
ខេត្តព្រះសីហនុ ៖ ដើម្បីរំដោះជំនន់ទឹកភ្លៀង ក្នុងខេត្តអភិបាលខេត្តព្រះសីហនុបានឲ្យមន្ទីរសាធារណការ និងដឹកជញ្ជូនខេត្តបន្តកាយស្តាអូរប្រឡាយទាំងអស់នៅក្នុងភូមិសាស្ត្រក្រុងព្រះសីហនុ ។
លោកគួច ចំរើន អភិបាលខេត្តព្រះសីហនុ នៅថ្ងៃទី១៥ ខែកញ្ញា ឆ្នាំ២០២១ បានអញ្ជើញចុះពិនិត្យប្រព័ន្ធលំហូរទឹកតាមអូរប្រឡាយសំខាន់ៗ ចាប់ពីស្ពានអូរ១ មកស្ពានអង្គការម្លប់តាប៉ាង និងបន្តមកស្ពានស្តេចមឹក ស្ថិតភូមិសាស្ត្រសង្កាត់លេខ៤ ក្រុងព្រះសីហនុ។
ក្នុងឱកាសនោះ លោកអភិបាលខេត្តក៏បានធ្វើការណែនាំឱ្យមន្ទីរសាធារណការ និងដឹកជញ្ជូនខេត្តបន្តកាយស្តារអូរប្រឡាយទាំងអស់ នៅក្នុងភូមិសាស្ត្រក្រុងព្រះសីហនុទៅតាមនិយាមកាឱ្យបានធំជ្រៅ ដើម្បីរំដោះជំនន់ទឹកភ្លៀងកុំឱ្យជន់លិចផ្ទះបងប្អូនប្រជាពលរដ្ឋ ។
ទន្ទឹមនោះ លោកក៏បានស្នើសុំបងប្អូនប្រជាពលរដ្ឋចូលរួមសហការជាមួយរដ្ឋបាលក្រុង ខេត្ត ធ្វើការវេចខ្ចប់ និងទុកដាក់សំរាមឱ្យបានត្រឹមត្រូវ មិនត្រូវបោះចោលពាសវាលពាសកាលនោះទេ ព្រោះនៅពេលភ្លៀងវាអាចហូរចូលតាមលូ អូរ ប្រឡាយធ្វើឱ្យស្ទះផ្លូវទឹក ប្រសិនបើយើងវេចខ្ចប់សំរាមបានល្អ ក្រោយពេលភ្លៀងរាំង ទឹកនឹងស្រកចុះវិញយ៉ាងលឿនផងដែរ ៕
ចែករំលែកព័តមាននេះ