សហរដ្ឋអាមេរិក-ចិន ៖ ទើបមានសេចក្ដីរាយការណ៍ថា នាយសេនាធិការកងទ័ពអាមេរិកឧត្ដមសេនីយ៍ MARK MILLEY លើកពីការបារម្ភរបស់លោក ចំពោះស្ថានភាពសរសៃប្រសាទរបស់លោកដូណាល់ត្រាំ នាប៉ុន្មានថ្ងៃចុងក្រោយ នៃអាណត្តិរបស់លោកបញ្ជាឲ្យអាមេរិកវាយប្រហារចិន ហើយលោកបានរំឭកថា កាលណោះលោកបានចាត់ជាសម្ងាត់បណ្ដាវិធានការ ដើម្បីចៀសវាងសង្គ្រាមមួយជាមួយចិន។ នេះជាលើកឡើងក្នុងសៀវភៅថ្មីមួយ។
ក្នុងសៀវភៅរបស់ពួកគេមានចំណងជើងថា PERIL (គ្រោះមហន្តរាយ) ដែលត្រូវចេញផ្សាយប៉ុន្មានថ្ងៃទៀត អ្នកកាសែតរបស់កាសែតវ៉ាស៊ិនតោនប៉ុស្តិ៍ លោក BOB WOODWARD និងលោក ROBERT COSTA សរសេរថា នាយសេនាធិការកងទ័ពអាមេរិកបានទូរស័ព្ទទៅកាន់សមភាគីចិន ដើម្បីធានាថា សហរដ្ឋអាមេរិកនឹងមិនវាយប្រហារចិនឡើយ។
តាមខ្លឹមសារនៃការដកស្រង់ចេញពីសៀវភៅនោះ ផ្សាយដោយកាសែតវ៉ាស៊ិនតោនប៉ុស្តិ៍ និងទូរទស្សន៍ CNN ថា ឧត្ដមសេនីយ៍ MARK MILLEY ក៏បានសន្យាជាមួយបណ្ដាអ្នកក្រោមបង្គាប់លោក មិនឲ្យគោរពអនុវត្តតាមភ្លាមៗ បទបញ្ជាជ្រុលនិយមរបស់លោកត្រាំ ពិសេសលើការប្រើអាវុធនុយក្លេអ៊ែរ ក្រោយបរាជ័យក្នុងការបោះឆ្នោតរបស់ប្រធានាធិបតីនៃគណបក្សសាធារណរដ្ឋរូបនោះកាលពីថ្ងៃទី៣ វិច្ឆិកា។
ផ្នែកស៊ើបការណ៍អាមេរិកដែលបានសន្និដ្ឋានថា ចិនចាត់ទុកការវាយប្រហាររបស់អាមេរិកថា នឹងអាចកើតមានក្នុងពេលដ៏ឆាប់ ទើបនាយសេនាការកងទ័ពអាមេរិកអំពាវនាវ ដល់ឧត្ដមសេនីយ៍ LI ZUOCHENG នាយសេនាធិការកងទ័ពចិនដល់២លើក ១លើក នាថ្ងៃទី៣០ ខែតុលា មុនការបោះឆ្នោតបន្តិច និង១លើកទៀតនាថ្ងៃទី៨ ខែមករា ២ថ្ងៃក្រោយការលុកលុយរបស់ពួកអ្នកគាំទ្រលោកត្រាំចូលក្នុងវិមានកាពីតូល។ លោកបានប្រាប់ដល់ឧត្ថមសេនីយ៍ LI ZUOCHENG ថា ខ្ញុំចង់ធានាប្រាប់លោកថា រដ្ឋអាមេរិក មានស្ដេរភាពអ្វីៗប្រព្រឹត្តទៅដោយល្អប្រសើរ។ យើងនឹងមិនវាយប្រហារ ឬធ្វើប្រតិបត្តិការយោធាប្រឆាំងចិនឡើយ។
ម្យ៉ាងវិញទៀតតាមសៀវភៅនោះថា ឧត្ដមសេនីយ៍ MARK MILLEY បានរួមប្រជុំសេនាធិការកងទ័ពដើម្បីគូសបញ្ជាក់ថា ប្រសិនបើលោកត្រាំចេញបញ្ជា ឲ្យវាយប្រហារនុយក្លេអ៊ែរនោះលោកត្រាំត្រូវប្រាប់លោកមុនគេ។ លោកបានស្នើដល់គ្រប់់នាយទាហានដែលចូលរួមប្រជុំថា ពួកគេសុទ្ធតែយល់ច្បាស់អស់ហើយ។ លោកក៏បានស្នើផងដែរដល់នាយិកា CIA នៃសម័យកាលនោះលោកស្រី GINA HASPEL និងដល់ប្រមុខស៊ើបការណ៍យោធាឧត្ដមសេនីយ៍ PAUL NAKASOME ឲ្យតាមឃ្លាំមើលរាល់ឥរិយាបថខុសឆ្គងរបស់លោកត្រាំ។
ឧត្ដមសេនីយ៍ MARK MILLEY ក៏ដូចលោកស្រី GINA HASPEL ដែរ ខ្លាចក្រែងលោកត្រាំ ឲ្យវាយប្រហារចិន ឬអ៊ីរ៉ង់ ដើម្បីបង្កើតវិបត្តិមួយដែលបែបនេះ លោកប៉ុនប៉ងស្ថិតនៅកាន់អំណាចបន្ត៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ