តម្លៃផ្ទះនៅសៀងហៃ-ចិនកើនឡើង៣១% ក្នុងឆ្នាំ២០១៥
សៀងហៃ ៖ អត្រាលក់ផ្ទះថ្មីបានកើនឡើង ១២,៨% ពោលគឺមានទំហំ២០,១លានម៉ែត្រការ៉េកាលពីឆ្នាំមុន ។ នេះបើយោងតាមការិយាល័យស្ថិតិជាតិសៀងហៃ ។…
សៀងហៃ ៖ អត្រាលក់ផ្ទះថ្មីបានកើនឡើង ១២,៨% ពោលគឺមានទំហំ២០,១លានម៉ែត្រការ៉េកាលពីឆ្នាំមុន ។ នេះបើយោងតាមការិយាល័យស្ថិតិជាតិសៀងហៃ ។
ចំណែកតម្លៃផ្ទះនៅឆ្នាំមុន ក៏បានកើនឡើងដែរក្នុងអត្រា៣១% ឬស្មើនឹង៣.២៧០ដុល្លារក្នុងមួយម៉ែត្រការ៉េ ។ ផ្ទះនៅតាមដងវិថី Ring Road បានកើនឡើងជាមធ្យមក្នុងអត្រា៣៤,៤% ស្មើនឹង៧២.០៦៦ម៉ែត្រការ៉េ បើធៀបនឹងរយៈពេលដូចគ្នាកាលពីឆ្នាំមុន ។ ចំណែកផ្ទះនៅតំបន់ផ្សេងបានកើនឡើង១៩,៦% ពោលគឺ១៦.០៦៥យន់ក្នុងមួយម៉ែត្រការ៉េ ។
ទោះជាយ៉ាងណា ផ្ទះថ្មីមិនទាន់លក់ ដែលមិនរាប់បញ្ចូលផ្ទះដែលផ្តល់ដោយរដ្ឋាភិបាលក្នុងតម្លៃទាប បានធ្លាក់ចុះដល់១៩% ស្មើនឹង១០,៧៥លានម៉ែត្រការ៉េនៅដំណាច់ឆ្នាំ២០១៥។ ចំពោះការវិនិយោគលើការអភិវឌ្ឍវិស័យអចលនទ្រព្យក្នុងឆ្នាំ២០១៥វិញ បានកើនឡើង៣៤៦ប៊ីលានយន់ពីមួយឆ្នាំទៅមួយឆ្នាំ និងកើនឡើង១៣,៧% នៃអត្រាប្រចាំឆ្នាំនៃឆ្នាំ២០១៤ ។
ទន្ទឹមនឹងនេះ ក្រុមអ្នកប្រឹក្សាអចលនទ្រព្យសៀងហៃ Centaline ឲ្យដឹងថា ការលក់ផ្ទះថ្មីបានបន្តកើនឡើងគួរឲ្យកត់សម្គាល់នៅខែមករា ។
ការលក់ផ្ទះថ្មីបានចាប់ផ្តើមកើនឡើងនៅឆ្នាំ២០១៦ ខណៈដែលអ្នកបញ្ជាទិញបានចុះកិច្ចសន្យាទិញតាំងពីមុនថ្ងៃចូលឆ្នាំចិនមកម្ល៉េះ ។ នេះបើយោងតាមប្រសាសន៍របស់អ្នកស្រាវជ្រាវជាន់ខ្ពស់នៃក្រុមហ៊ុនប្រឹក្សាអចលនទ្រព្យសៀងហៃ Centaline លោក Sun Li ។
លោក Sun Li បន្តថា ៖ « ពួកយើងរំពឹងថា ប្រតិបត្តិការនឹងធ្លាក់ចុះពី៣.០០០ខ្នង ទៅ ៣៥.០០០ខ្នងនៅខែនេះ ដោយសារតែមានពិធីបុណ្យចូលឆ្នាំចិន មានន័យថា អត្រាលក់ផ្ទះនៅក្នុងខែមករាបានកើនឡើង២,៤% និងកើនឡើង១៧% ស្មើនឹង២៧.១៥៦យន់ពីមួយឆ្នាំទៅមួយឆ្នាំ » ។
កំណើនដែលខ្លាំងបំផុតបានទៅលើស្រុក Fengxian ស្ថិតនៅក្រុងសៀងហៃ ដែលមានអត្រា២២% ស្មើនឹង១.២៤០ខ្នងផ្ទះ គិតចាប់ពីខែធ្នូមក ។
ទន្ទឹមនឹងនេះ សន្ទស្សន៍នៃការលក់ផ្ទះនៅក្នុងទីក្រុង ដែលរៀបចំឡើងដោយការិយាល័យសន្ទស្សន៍ផ្ទះសៀងហៃក្នុងខែមករាកន្លងមក អត្រាលក់បានកើនឡើង០,៩៥% ស្មើនឹង៣.២៥២ខ្នងផ្ទះ ធៀបនឹងខែធ្នូ គឺធ្លាក់ចុះ១,៩%។ តម្លៃផ្ទះជាមធ្យមបានកើនឡើងនៅតំបន់ចំនួន៩៩ ក្នុងចំណោមតំបន់ទាំង១៣០។ រីឯតំបន់១៣ទៀតបានធ្លាក់ចុះ ខណៈតំបន់១៨ទៀតមិនទាន់មានការប្រែប្រួល ៕
ចែករំលែកព័តមាននេះ