រាជធានីភ្នំពេញ ៖ នាវេលាម៉ោង៩ព្រឹក ថ្ងៃទី១៥ ខែកញ្ញា ឆ្នាំ២០២១ ក្រុមគ្រូពេទ្យធីតាសហការជាមួយក្រុមអាជ្ញាធរសង្កាត់ស្ទឹងមានជ័យ១ បានចុះធ្វើសំណាកលើក្រុមពលរដ្ឋជាច្រើន រស់នៅក្រោយផ្សារស្ទឹងមានជ័យថ្មី ស្ថិតក្នុងសង្កាត់ស្ទឹងមានជ័យ១…
រាជធានីភ្នំពេញ ៖ នាវេលាម៉ោង៩ព្រឹក ថ្ងៃទី១៥ ខែកញ្ញា ឆ្នាំ២០២១ ក្រុមគ្រូពេទ្យធីតាសហការជាមួយក្រុមអាជ្ញាធរសង្កាត់ស្ទឹងមានជ័យ១ បានចុះធ្វើសំណាកលើក្រុមពលរដ្ឋជាច្រើន រស់នៅក្រោយផ្សារស្ទឹងមានជ័យថ្មី ស្ថិតក្នុងសង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ បន្ទាប់ពីក្រុមគ្រូពេទ្យរកឃើញមាន ពលរដ្ឋចំនួន៩នាក់ រស់នៅតំបន់នោះមានវិជ្ជមានកូវីដ១៩ ។
មន្ត្រីអាជ្ញាធរសង្កាត់ស្ទឹងមានជ័យ១ បានអោយដឹងថា ដំបូងឡើយ គឺក្រុមគ្រូពេទ្យបានរកឃើញនិស្សិតចំនួន៩នាក់ ក្នុងចំណោម១៥នាក់ដែលជួលផ្ទះស្នាក់នៅរួមគ្នាមានវិជ្ជមានកូវីដ១៩ កាលពីពេលថ្មីៗ។
ក្រោយការរកឃើញហើយនោះ ក្រុមគ្រូពេទ្យក៏បន្តចុះធ្វើសំណាកពលរដ្ឋរស់នៅក្បែរខាងដែលពាក់ព័ន្ធនៅព្រឹកថ្ងៃខែខាងលើតែម្តង ។
ជាលទ្ធិផល ក្រុមគ្រូពេទ្យបានតេស្តសំណាកលើពលរដ្ឋសរុប១១២នាក់ ស្រី៦០នាក់ គឺអវិជ្ជមានទាំងអស់ ។
យ៉ាងណាមិញ ទោះបីជាលទ្ធផលអវិជ្ជមានក៏ដោយក៏ពួកគេត្រូវបានក្រុមគ្រូពេទ្យណែនាំអោយធ្វើចត្តាឡីស័កដោយខ្លួនឯងនៅក្នុងលំនៅឋានរៀងៗខ្លួន ដើម្បីរងចាំលទ្ធផលសំណាកចេញពីម៉ាស៊ីនធំក្នុងរយៈពេល៧២ម៉ោងម្តងទៀត ដើម្បីប្រាកដប្រជាថា ពួកគេមានកើតជម្ងឺកូវីដ១៩ ឬក៏អត់ ។
សូមបញ្ជាក់ថា ក្រុមនិស្សិត៩នាក់ដែលរកឃើញមានវិជ្ជមានដំបូងគេនោះ ត្រូវបានក្រុមគ្រូពេទ្យយកទៅសម្រាកព្យាបាលអស់ហើយ នៅឡើយនិស្សិត៦នាក់ផ្សេងទៀត ដែលរស់នៅរួមជាមួយគ្នានោះ តម្រូវអោយធ្វើចត្តាឡីស័កក្នុងផ្ទះដោយមានការហ៊ុំព័ទ្ធខ្សែពីខាងក្រៅផងដែរ ៕
ចែករំលែកព័តមាននេះ