រាជធានីភ្នំពេញ ៖ ក្រសួងសុខាភិបាលកម្ពុជាបានបញ្ជាក់ នៅថ្ងៃទី១៥ ខែកញ្ញា ឆ្នាំ២០២១ថា បានរកឃើញអ្នកស្លា.ប់ដោយសារជំងឺកូវីដ១៩ថ្មីបន្ថែមចំនួន៩នាក់ និងអ្នកឆ្លងថ្មីបន្ថែមទៀតចំនួន៦៥៣នាក់ ។
ក្រសួងបានបន្ថែម ចំនួនអ្នកឆ្លងថ្មីភាគច្រើនជាករណីឆ្លងពីព្រឹត្តិការណ៍សហគមន៍២០ កុម្ភៈ ចំណែកចំនួនឆ្លងនាំចូលពីក្រៅប្រទេសវិញ មានជាង១០០នាក់ ។
ក្រសួងបានបញ្ជាក់យ៉ាងដូច្នេះថា ៖« រកឃើញអ្នកឆ្លងថ្មី ៦៥៣ នាក់ទៀត ជាសះស្បើយ ៤៦៣នាក់ និងស្លា.ប់ ៩នាក់ ក្នុងនោះមានករណីឆ្លងពីព្រឹត្តិការាណ៍សហគមន៍២០កុម្ភៈចំនួន ៥២៣នាក់ និង អ្នកដំណើរពីបរទេស ១៣០នាក់ » ។
ក្រសួងបានលើកឡើងថា នៅក្នុងប្រទេសកម្ពុជា គិតត្រឹមព្រឹក ថ្ងៃទី១៥ ខែកញ្ញា ឆ្នាំ២០២១ បានករឃើញអ្នកឆ្លងជំងឺកូវីដ១៩ នៅទូទាំងប្រទេសមានចំនួន១០១,៤៤៣ នាក់ និងបានព្យាបាលជាសះស្បើយចំនួន៩៥,៣៦៧ នាក់ ខណៈអ្នកស្លា.ប់មានចំនួន២,០៦៧ នាក់ ៕
ចែករំលែកព័តមាននេះ