ឪពុកប្រៀនប្រដៅក្នុងគោលបំណងល្អ បែរជាកូនផ្ទុះកំហឹ.ងវា.យគ្មានប្រណី
- ភ្នំពេញ
រាជធានីភ្នំពេញ ៖ បុរសញៀ.នថ្នាំម្នាក់ ត្រូវបានបងប្អូននាំគ្នាចាប់ខ្លួនប្រគល់អោយនគរបាលប៉ុស្តិ៍ឬស្សីកែវ បន្ទាប់ពីឪពុកបង្កើត
រាជធានីភ្នំពេញ ៖ បុរសញៀ.នថ្នាំម្នាក់ ត្រូវបានបងប្អូននាំគ្នាចាប់ខ្លួនប្រគល់អោយនគរបាលប៉ុស្តិ៍ឬស្សីកែវ បន្ទាប់ពីឪពុកបង្កើត ប្រៀនប្រដៅ ហើយកូនរូបនោះផ្ទុះកំហឹ.ង ក៏បានយកឈើជ្រុងវា.យឪពុក បណ្តាលឱ្យរយះក្បាលឈា.មហូរពេញខ្លួន។
ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ៣និង៣០នាទីរសៀលថ្ងៃទី១៤ ខែកញ្ញា ឆ្នាំ២០២១ នៅចំណុចអតីត ផ្លូវរថភ្លើង ក្នុងក្រុមទី១០ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ជនសង្ស័យជាកូនដែលត្រូវឃាត់ខ្លួនខាងលើឈ្មោះ ង៉ែត ស៊ីនាត ហៅអាពេក ភេទប្រុស អាយុ២៦ឆ្នាំ មានទីលំនៅកន្លែងកើតហេតុខាងលើ បានប្រើប្រាស់សារធាតុញៀ.ន ។ ចំណែកជនរងគ្រោះជាឪពុកឈ្មោះង៉ែត ជួន អាយុ៦៦ឆ្នាំ មុខរបរនៅផ្ទះ បានរងរបួសធ្ងន់បែកក្បាល។
តាមប្រភពព័ត៌មានបានអោយដឹងថា នៅមុនពេលកើតហេតុ ឪពុកបានណែនាំប្រៀនប្រដៅកូនប្រុសរូបនោះ ក្នុងគោលបំណងអោយដើរផ្លូវល្អ ដោយសារតែកូនប្រុសញៀ.នថ្នាំ មិនបានស្តាប់តាមការណែនាំរបស់ឪពុកឡើយ ក៍កើតទៅជាទំនាស់ពាក្យសម្តីក្នុងគ្រួសារហើយ កូនរូបនោះ ក៍បានទាញឈើជ្រុងសំពងក្បាលឪពុក១ឈើជ្រុងយ៉ាងពេញទំហឹង បណ្តាលអោយរយះឈា.មហូរពេញខ្លួន រងរបួសធ្ងន់ធ្ងរ ។
បន្ទាប់មកបងប្អូនសាច់ញាតិក៍បាននាំគ្នាឃាត់ខ្លួនកូនប្រុសរូបនោះ ប្រគល់ឱ្យនគរបាលប៉ុស្តិ៍ឬស្សីកែវ ដើម្បីចាត់ការតាមច្បាប់ ។ ចំណែកឈើជ្រុង ត្រូវបានសមត្ថកិច្ចដកហូតជាភស្តុតាងផងដែរ ៕
ចែករំលែកព័តមាននេះ