បុគ្គលិកក្រុមហ៊ុនកាត់តរូបភាពសរុប១៧នាក់ វិជ្ជមានកូវីដ នៅក្រុងស្វាយរៀង
- ស្វាយរៀង
ខេត្តស្វាយរៀង ៖ ក្រុមការងារស្រាវជ្រាវប្រយុទ្ធប្រឆាំងទប់ស្កាត់ជំងឺកូវីដ១៩ ក្រុងស្វាយរៀង សហការជាមួយអាជ្ញាធរ ចុះពិនិត្យយក
ខេត្តស្វាយរៀង ៖ ក្រុមការងារស្រាវជ្រាវប្រយុទ្ធប្រឆាំងទប់ស្កាត់ជំងឺកូវីដ១៩ ក្រុងស្វាយរៀង សហការជាមួយអាជ្ញាធរ ចុះពិនិត្យយក
ខេត្តស្វាយរៀង ៖ ក្រុមការងារស្រាវជ្រាវប្រយុទ្ធប្រឆាំងទប់ស្កាត់ជំងឺកូវីដ១៩ ក្រុងស្វាយរៀង សហការជាមួយអាជ្ញាធរ ចុះពិនិត្យយកសំណាកធ្វើតេស្តរហស័លើបុគ្គលិកក្រុមហ៊ុនកាត់តរូបភាព MM Production ចំនួន៦៣នាក់ រកឃើញករណីវិជ្ជមានកូវីដ-១៩ ចំនួន១៧នាក់ និងអ្នកផ្សេងទៀត ដែលអវិជ្ជមាន ត្រូវបានដាក់ឲ្យនៅដោយឡែក ដើម្បីធ្វើចត្តាឡីសក័ និងយកវត្ថុសំណាក ទៅពិនិត្យ (ធ្វើPCR) នៅមន្ទីរពិសោធន៍ ប៉ាស្ទ័រ រាជធានីភ្នំពេញ។
ការរកឃើញនេះបានធ្វើឡើងកាលពីវេលាម៉ោង១និង៤៥នាទីរសៀលថ្ងៃទី១៤ កញ្ញា ឆ្នាំ២០២១ នៅចំណុចផ្លូវលេខ២០៥ ស្ថិតក្នុងភូមិមេភ្លើង សង្កាត់ស្វាយរៀង ក្រុងស្វាយរៀង ខេត្តស្វាយរៀង ។
លោកស្រី អមរ៉ា ចៅសង្កាត់រងទី១ សង្កាត់ស្វាយរៀង បានឲ្យដឹងថា មុនពេលឈានដល់ចុះយកសំណាកលើបុគ្គលិកកាត់តរូបភាពនេះ គឺដោយសារមានស្ត្រីម្នាក់ឈ្មោះមាស ចន្ទ័វលក្ខ័ ដែលជាបុគ្គលិកកាត់តរូបភាព MM Production រស់នៅភូមិរូបគោ សង្កាត់ព្រៃឆ្លាក់ ក្រុងស្វាយរៀង ត្រូវបានក្រុមការងារចុះយកសំណាកពិនិត្យរកឃើញវិជ្ជមានកូវីដ-១៩ កាលពីថ្ងៃទី១៣ កញ្ញា ឆ្នាំ២០២១ ហើយបានយកសំណាកបុរសជាប្តីឈ្មោះកើត ណាត ជាបុគ្គលិកក្រុមហ៊ុន MM Production រស់នៅភូមិរូបគោ វិជ្ជមានកូវីដ-១៩ ហើយបន្តយកសំណាកស្ត្រីជាម្តាយឈ្មោះជេត វន្ថា អាយុ៥១ឆ្នាំ នៅផ្ទះជាមួយគ្នា ជាលទ្ធផលរកឃើញវិជ្ជមានកូវីដ-១៩ ។
លោកស្រីបន្តទៀតថា ក្រោយពីសាកសួរស្ត្រីឈ្មោះ មាសចន្ទ័វលក្ខ័ ដើម្បីរកអ្នកពាក់ពន្ធ័ផ្ទាល់ អស់រយៈពេល២៤ម៉ោង ទើបទទួលព័ត៌មានពីទីតាំងក្រុមហ៊ុនដែលសង្ស័យ ក៏សម្រេចចិត្តដឹកនាំកម្លាំងក្រុមការងាររួមជាមួយសមត្ថកិច្ចនគបាលក្រុងស្វាយរៀងចុះមកដល់ទីតាំងក្រុមហ៊ុនកាត់តរូបភាព អត់ស្លាកយីហោមួយកន្លែង ធ្វើការសាកសួរអ្នកគ្រប់គ្រងតំណាងក្រុមហ៊ុនMM Production ទើបដឹងថា ឈ្មោះមាស ចន្ទ័វលក្ខ័ ធ្វើការនៅក្នុងក្រុមហ៊ុននេះ ទើបតែឈប់សម្រាកការងាររយៈពេល២ថ្ងៃ គឺថ្ងៃសុក្រ ទី១១ កញ្ញា ស្ត្រីនិងប្តីមានអាការៈមិនស្រួលខ្លួនចេញទៅផ្ទះ នៅថ្ងៃទី១២ កញ្ញា ឆ្នាំ២០២១ ដោយមានអាការៈមិនស្រួលខ្លួន បានសុំច្បាប់ឈប់សម្រាក ហើយត្រូវក្រុមការងារសង្ស័យពិនិត្យយកសំណាករកឃើញវិជ្ជមានកូវីដ-១៩នៅថ្ងៃទី១៣ កញ្ញា ២០២១ ។
លោកស្រីបានបន្តទៀតថា អ្វីដែលក្រុមការងារហួសចិត្តនោះ គឺស្ត្រីឈ្មោះ មាសចន្ទ័វលក្ខ័ និងប្តី ព្យាយាមលាក់បាំង មិនព្រមសហការ បែរជាប្រាប់ថា ខ្លួនឈប់ធ្វើការនៅកន្លែងកាត់តរូបភាពចំនួន១ឆ្នាំហើយ ក៏ប៉ុន្តែការស្រាវជ្រាវរបស់សមត្ថកិច្ចនិងក្រុមការងាររកឃើញថា ស្ត្រីរូបនេះនិងប្តី គឺនៅធ្វើការក្នុងក្រុមហ៊ុនកាត់តរូបភាពសព្វថ្ងៃ ទើបនៅរសៀលថ្ងៃទី១៤ កញ្ញានេះ ក្រុមការងារមកសាកសួរអ្នកគ្រប់គ្រងក្រុមហ៊ុនខាងលើ ហើយឈានដល់ការបិទខ្ទប់យកសំណាកបុគ្គលិកក្រុមហ៊ុនចំនួន៦៣នាក់ រកឃើញអ្នកវិជ្ជមាន១៧នាក់ ។
លោកស្រីចៅសង្កាត់រងបន្តទៀតថា ក្រុមការងារនិងចុះតាមដានស្រាវជ្រាវរកអ្នកប៉ះពាល់ផ្ទាល់និងប្រយោល បន្តគ្រប់គោលដៅតាមខ្នងផ្ទះដើម្បីទប់ស្កាត់ការឆ្លងរាលដាលបន្តទៅសហគមន៍ផ្សេងទៀត។ ទាក់ទិនករណីនេះដែរសមត្ថកិច្ចបង្ហើបឲ្យដឹងថា ក្រោយពីបិទខ្ទប់យកសំណាកបែកធ្លាយ ករណីក្រុមហ៊ុន កាត់តរូបភាព MM Production គ្មានអាជ្ញាបណ្ណ័ មានតែបណ្ណ័ប៉ាតង់ ដែលមានម្ចាស់ក្រុមហ៊ុន ឈ្មោះទេព សុខា ភេទប្រុស អាយុ៣៩ឆ្នាំ មានរស់នៅទីតាំងផ្ទះជួលនៃទីតាំងខាងលើ ទើបមិនលើកស្លាកយីហោ និយាយឲ្យស្រួលយល់គឺធ្វើអាជីវកម្មលួចលាក់ ដោយគ្មានសុំការអនុញ្ញាតិលើកស្លាកយីហោ និងសុំដំណើរការអាជីវកម្ម ពីអាជ្ញាធរ និងក្រសួងវប្បធម៌និងវិចិត្រសិល្បៈ ។
សមត្ថកិច្ចបានឲ្យដឹងទៀតថា ក្រុមហ៊ុនកាត់តរូបភាពនេះ មានបុគ្គលិកសរុប៦៥នាក់ បើកអាជីវកម្មនេះប្រមាណជា១០ឆ្នាំមកហើយ គឺគ្មានអាជ្ញាបណ្ណ័ទេ។
ចំពោះអ្នកវិជ្ជមានកូវីដ-១៩ ខាងលើ ត្រូវបញ្ជូនទៅព្យាបាលនៅមជ្ឈមណ្ឌលព្យាបាលកូវីដ-១៩ក្រុងបាវិត ៕
ចែករំលែកព័តមាននេះ