បើកយុទ្ធនាការចាក់វ៉ាក់សាំងការពារជំងឺដុំពកសត្វគោក្របី ក្នុងស្រុករលាប្អៀរ
- កំពង់ឆ្នាំង
ខេត្តកំពង់ឆ្នាំង ៖ ក្នុងឱកាសអញ្ជើញជាអធិបតីភាពក្នុងយុទ្ធនាការបើកការចាក់វ៉ាក់សាំងការពារជំងឺសត្វគោជូនប្រជាពលរដ្ឋ
ខេត្តកំពង់ឆ្នាំង ៖ ក្នុងឱកាសអញ្ជើញជាអធិបតីភាពក្នុងយុទ្ធនាការបើកការចាក់វ៉ាក់សាំងការពារជំងឺសត្វគោជូនប្រជាពលរដ្ឋ
ខេត្តកំពង់ឆ្នាំង ៖ ក្នុងឱកាសអញ្ជើញជាអធិបតីភាពក្នុងយុទ្ធនាការបើកការចាក់វ៉ាក់សាំងការពារជំងឺសត្វគោជូនប្រជាពលរដ្ឋក្នុងភូមិត្រពាំងតាសុខ ឃុំព្រៃមូល ស្រុករលាប្អៀរព្រឹកថ្ងៃទី13 ខែកញ្ញា ឆ្នាំ2021 លោកជំទាវ ប៊ន សុភី អភិបាលរងខេត្តកំពង់ឆ្នាំង បានមានប្រសាសន៍ថា ក្រៅពីយកចិត្តទុកដាក់ចាក់វ៉ាក់សាំងការពារជំងឺកូវីដ ជូនប្រជាពលរដ្ឋក្នុងខេត្តកំពង់ឆ្នាំង អាជ្ញាធរខេត្តក៏មិនភ្លេច យកចិត្តទុកដាក់ ចាក់វ៉ាក់សាំង ដល់សត្វគោក្របីជូនប្រជាពលរដ្ឋ ការពារពីជំងឺដុំពកដ៏កាចសាហាវនោះដែរ ព្រោះតែសត្វពាហនៈទាំងនោះជាកម្លាំងអូសទាញក្នុងរបរកសិកម្មដ៏សំខាន់។
លោកជំទាវអភិបាលរងខេត្តកំពង់ឆ្នាំងបានបន្តថា ថ្ងៃនេះក្រុមមន្ត្រីជំនាញផលិតកម្មនិងបសុព្យាបាល បានចុះមកចាក់វ៉ាក់សាំងការពារជំងឺដុំពក ដែលកើតឡើងលើសត្វគោរបស់បងប្អូនប្រជាពលរដ្ឋ ដើម្បីការពារជំងឺឆ្លងលើសត្វមួយនេះ ព្រោះថា បើយើងមិនយកចិត្តទុកដាក់ទេ វានឹងធ្វើឲ្យខាតបង់ ទ្រព្យសម្បត្តិរបស់បងប្អូនប្រជាពលរដ្ឋជាក់ជាមិនខានឡើយ ។ ជាមួយគ្នានេះសូមបងប្អូនយកចិត្តទុកដាក់ថែរក្សាការពារសត្វរបស់បងប្អូនតាមការណែនាំរបស់មន្ត្រីជំនាញ ដើម្បីកុំឱ្យកើតជំងឺដុំពកលើស្បែក សត្វគោក្របី ដែលកំពុងតែកើតឡើងនៅទូទាំងប្រទេសនឹងដោយឡែកខេត្តកំពង់ឆ្នាំងផងដែរ។ ជាមួយគ្នានេះ សូមបងប្អូនកុំភ្លេចថែរក្សាអនាម័យ ការពារជំងឺឆ្លងកូវីដ19 ដោយអនុវត្តនូវវិធានការរបស់ក្រសួងសុខាភិបាលគឺ 3កុំ និង3ការពារ។
នៅក្នុងឱកាសនោះដែរ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង បានបញ្ជាក់ថា គិតមកដល់ថ្ងៃនេះខេត្តកំពង់ឆ្នាំង មានសត្វគោ បានកើតជំងឺដុំពកចំនួនប្រមាណជាង4ពាន់ក្បាលហើយ ក្នុងនោះយើងបានព្យាបាលជាសះស្បើយប្រមាណជាង 2 ពាន់ក្បាលផងដែរ ។ ជាមួយគ្នានេះសូមបងប្អូនយកចិត្តទុកដាក់ប្រុងប្រយ័ត្នចំពោះសត្វដែលប្រឈម មានដូចជា គោផើមងាយនឹងរលូតហើយកូនគោ វាងាយនឹងងា.ប់ បើកើតជំងឺដុំពកលើស្បែកនេះ ។ កន្លងមកមន្ត្រីជំនាញ ធ្លាប់តែចាក់វ៉ាក់សាំងការពារជំងឺឆ្លងដូចជាអុតក្តាម ជំងឺសាទឹក និងជំងឺផ្សេងៗទៀត ប៉ុន្តែថ្ងៃនេះមន្ត្រីជំនាញបានចាក់វ៉ាក់សាំងការពារជំងឺដុំពក លើសត្វគោក្របី ជូនបងប្អូនប្រជាពលរដ្ឋ។
តាមការបញ្ជាក់របស់មន្ត្រីជំនាញផលិតកម្ម និងបសុព្យាបាលខេត្តបានបញ្ជាក់ថា ក្រោយពីចាក់វ៉ាក់សាំងដល់សត្វគោក្របីចំនួន២០០ក្បាល មន្ត្រីជំនាញនៅបានចែកថ្នាំសម្រាប់ព្យាបាលលើសត្វគោក្របី និងបាញ់ថ្នាំសម្លា.ប់មេរោគតាមក្រោលគោក្របីជូនបងប្អូនប្រជាពលរដ្ឋផងដែរ ៕
ចែករំលែកព័តមាននេះ