ប្រទេសចិន ៖ ទិន្នផលមាសប្រចាំឆ្នាំរបស់ចិនបានធ្លាក់ចុះជាលើកដំបូងក្នុងឆ្នាំ២០១៥ ដោយសារតែតម្លៃទីផ្សារមាសសកលបានធ្លាក់ចុះ។ នេះបើយោងតាមតួលេខឧស្សាហកម្ម ដែលបានរាយការណ៍កាលពីពេលកន្លងមក ។
យោងតាមសមាគមមាសចិនឲ្យដឹងថា កាលពីឆ្នាំមុន ចិនផលិតបានមាសចំនួន៤៥០តោន ពោលគឺធ្លាក់ចុះ០,៣៩% ។ តម្លៃមាសសកលបានធ្លាក់ចុះ៤០% គិតតាំងពីខែមេសា ឆ្នាំ២០១៣មក ។ ទោះជាយ៉ាងណា ចិននៅតែរក្សាតំណែងរបស់ខ្លួនក្នុងនាមជាប្រទេសដែលផលិតមាសធំជាងគេលើពិភពលោកក្នុងរយៈពេល៩ឆ្នាំជាប់ៗគ្នា ខណៈការប្រើប្រាស់មាសរបស់ចិនបានរើបឡើងវិញ ។ ចិនបានប្រើប្រាស់មាសចំនួន៩៨៦តោននៅឆ្នាំ២០១៥ ពោលគឺកើនឡើង៣,៧% បើធៀបនឹងឆ្នាំមុន និងធ្លាក់ចុះ២៤,៧% ធៀបនឹងឆ្នាំ២០១៤ ។
សមាគមមាសចិនបានចូលរួមចំណែកក្នុងការបង្កើនទីផ្សារមាស និងការលក់គ្រឿងអលង្ការធ្វើពីមាស ។ បើតាមការព្យាករឱ្យដឹងថា ចិននឹងអាចរក្សាតំណែងរបស់ខ្លួនក្នុងនាមជាប្រទេសដែលប្រើប្រាស់មាសធំជាងគេនៅលើពិភពលោក។ សមាគមឲ្យដឹងទៀតថា មាសដែលស្តុកទុកមានចំនួន១.៧៦២តោននៅដំណាច់ឆ្នាំ២០១៥ ៕
ចែករំលែកព័តមាននេះ