ឆក់យកជីវិតម្នាក់ទាំងព្រឹក ក្រោយឡានដឹកទំនិញបុ.កម៉ូតូផ្ទុបនឹងឡាន១គ្រឿងទៀត
- ភ្នំពេញ
រាជធានីភ្នំពេញ ៖ បុរសម្នាក់ ត្រូវរថយន្តម៉ាកហ៊ីយ៉ាន់ដាយដឹកទំនិញមួយគ្រឿង បើកបុ.កផ្ទប់ទៅនឹងរថយន្តម៉ាកស្តារិចមួយ
រាជធានីភ្នំពេញ ៖ បុរសម្នាក់ ត្រូវរថយន្តម៉ាកហ៊ីយ៉ាន់ដាយដឹកទំនិញមួយគ្រឿង បើកបុ.កផ្ទប់ទៅនឹងរថយន្តម៉ាកស្តារិចមួយ
រាជធានីភ្នំពេញ ៖ បុរសម្នាក់ ត្រូវរថយន្តម៉ាកហ៊ីយ៉ាន់ដាយដឹកទំនិញមួយគ្រឿង បើកបុ.កផ្ទប់ទៅនឹងរថយន្តម៉ាកស្តារិចមួយគ្រឿងទៀត យ៉ាងពេញទំហឹង បណ្តាលអោយស្លា.ប់នៅនឹងកន្លែង ខណៈពេលបុរសរងគ្រោះដែលជិះម៉ូតូម៉ាកTODAYមួយគ្រឿង កំពុងធ្វើដំណើរតាមផ្លូវ។
ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ៦និង៣០នាទីព្រឹកថ្ងៃទី១០ ខែកញ្ញា ឆ្នាំ ២០២១ នៅចំណុចមុខស្ថានីយប្រេងមួយកន្លែង តាមបណ្តោយផ្លូវសម្តេចជា ស៊ីម កែងផ្លូវលេខ២០១១ ស្ថិតក្នុងភូមិច្រេះ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
ជនរងគ្រោះដែលបាត់បង់ជីវិតខាងលើនេះត្រូវបាននគរបាលអោយដឹងថា ឈ្មោះណេត ចាន់បុត្រ ភេទប្រុស អាយុ២៦ឆ្នាំ ស្នាក់នៅសង្កាត់បឹងកក់២ ខណ្ឌទួលគោក រាជធានីភ្នំពេញ ជិះម៉ូតូមួយគ្រឿងម៉ាកធូដេ ពណ៌ខ្មៅ ពាក់ស្លាកលេខ ភ្នំពេញ ១IV-8488។ចំណែករថយន្តដឹកទំនិញ ម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3D-7872 បើកបរដោយបុរសម្នាក់ មិនស្គាល់អត្តសញ្ញាណ បានរត់គេចខ្លួនបាត់ស្រមោល។
តាមប្រភពពីសាក្សីបានអោយដឹងថា នៅមុនពេលកើតហេតុ គេឃើញរថយន្តដឹកទំនិញ១គ្រឿងខាងលើ បានធ្វើដំណើរតាមផ្លូវលេខ២០១១ ក្នុងទិសដីពីត្បូងទៅជើង ក្នុងល្បឿនលឿន និងបានបត់ស្តាំ ឡើងទៅផ្លូវសម្តេចជាស៊ីម ខណៈនោះ ដោយសារតែ ល្បឿនលឿន រថយន្តបង្កក៍បានជ្រុលចង្កូតទៅបុ.កម៉ូតូម៉ាកធូដេមួយគ្រឿង ដែលធ្វើដំណើរពីកើតទៅលិច ផ្ទប់ទៅនឹងរថយន្តមួយគ្រឿងទៀត ម៉ាកស្តារិច ពណ៌ទឹកប្រាក់ ពាក់ស្លាកលេខ ភ្នំពេញ ២BJ-1721 យ៉ាងពេញទំហឹង បណ្តាលអោយជនរងគ្រោះ ដែលជិះម៉ូតូស្លា.ប់នៅកន្លែងកើតហេតុតែម្តង ។
តាមប្រភពដដែលបានបន្តថា នៅក្នុងហេតុការណ៍ខាងលើនេះដែរ បណ្តាលអោយរថយន្តម៉ាកស្តារិច និងម៉ូតូរងការខូចខាតយ៉ាងធ្ងន់ធ្ងរ ចំណែករថយន្តបង្កក្រពិតផ្នែកខាងមុខផងដែរ ។ បន្ទាប់ពីបង្កគ្រោះថ្នាក់ អ្នកបើកបររថយន្តបង្កបានរត់គេចខ្លួនបាត់។
ក្រោយពេលកើតហេតុ នគរបាលខណ្ឌសែនសុខក៏បានចុះទៅសម្រួលចរាចរណ៍ និងបានទាក់ទងនគរបាលចរាចរណ៍ចុះទៅវាស់វែងបញ្ជូនទៅកាន់ការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញ ដើម្បីរង់ចាំធ្វើការដោះស្រាយនៅពេលក្រោយទៀត ។ ចំណែកស.ពជនរងគ្រោះត្រូវបាននគរបាលបញ្ជូន ទៅកាន់វត្តទឹកថ្លា ដើម្បីរង់ចាំបងប្អូនសាច់ញាតិមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ