កម្សត់ណាស់! ម៉ន សាម៉េត សុខចិត្តបែក១០ថ្នេរ ក្រោយជាកូវីដ មិនលើកដៃសំពះ
- ភ្នំពេញ
រាជធានីភ្នំពេញ ៖ កីឡាករ ម៉ន សាម៉េត និងគ្រួសារទើបតែជាកូវីដ១៩ ដោយមុនពេលឆ្លងកូវីដ១៩ កីឡាកររូបនេះក៏ត្រូវគេដាក់
រាជធានីភ្នំពេញ ៖ កីឡាករ ម៉ន សាម៉េត និងគ្រួសារទើបតែជាកូវីដ១៩ ដោយមុនពេលឆ្លងកូវីដ១៩ កីឡាកររូបនេះក៏ត្រូវគេដាក់អោយធ្វើចត្តាឡីស័ក្ត ដើម្បីសុវត្ថិភាព ។ រយៈពេលប្រមាណជាង១ខែមកនេះ លោកខ្វះខាតដល់ថ្នាក់គេរៃលុយជួយក្នុងពេលព្យាបាល តែលោកមិនផ្ដេកផ្ដួលទេ គឺគ្រាន់តែជាភ្លាមក៏ឡើងប្រកួតភ្លាម បណ្ដាលអោយបែក១០ថ្នេរ កាលពីថ្ងៃទី៥ កញ្ញា ២០២១។
ការឡើងប្រដាល់ ក្រោយជាកូវីដ១៩ កាលពីថ្ងៃអាទិត្យ ទី៥ កញ្ញា ២០២១ នៅសង្វៀនបាយ័ន បានធ្វើអោយកីឡាករ ម៉ន សាម៉េត រងរបួសយ៉ាងធ្ងន់ធ្ងរ ដោយបែកក្បាលរហូត១០ថ្នេរ។ មូលហេតុនៃការបែករយះដ៏ធ្ងន់ធ្ងរនៅក្នុងថ្ងៃនោះ គឺមកពីលោកមិនសូវបានហ្វឹកហាត់ ព្រោះតែកើតកូវីត១៩ ហើយទទួលប្រកួត។
លោក ចាន់ មករា ដែលជាអ្នកបង្កើតការប្រដាល់នៅក្នុងក្លិបប៉ែនកាក់គុនខ្មែរកាលពីពេលមុន និងជាបងធម៌របស់កីឡាកររូបនេះបានសរសេរសារបង្ហោះថា «ងើបពីជាជំងឺកូវីដ-19ភ្លាម ឡើងវាយភ្លាម បើមិនឡើងវាយដាច់បាយ ចឹងមានតែប្តូរវាយ ដើម្បីជីវភាព ។ សមមុខទៅ មកពីអាប្អូនម៉េតឯងអត់ចេះរអ៊ូ (10 ថ្នេរ) ។ ជូនពរឆាប់ជា»។
បន្ថែមពីលើការបង្ហោះសារខាងលើ កីឡាករ ម៉ន សាម៉េត បានបញ្ជាក់ថា ការពិត ក្រោយជាជំងឺកូវីត១៩ភ្លាមៗ លោកមិនត្រូវទទួលប្រកួតនោះទេ ដោយសារសុខភាពមិនទាន់មាំទាំ ហើយការហ្វឹកហាត់ក៏មិនទាន់បានច្រើន ប៉ុន្តែបណ្ដាលមកពីលោកខ្វះខាតពេក ទើបលោកចេះតែស្នើអោយគ្រូ និង អ្នកផ្គូរផ្គង ជួយផ្គូរផ្គងអោយលោកបានឡើងរេញ ដើម្បីដោះស្រាយជីវភាព។
លោកថា ស្ថានភាពកូវីត១៩ តាំងពីដំណាក់កាលតម្រូវអោយធ្វើចត្តាឡីស័ក រហូតបញ្ជូនទៅព្យាបាល និងចេញពីកន្លែងព្យាបាល គឺគ្រួសាររបស់លោកអត់មានចំណូលទាំងអស់ ស្ទើរតែគ្មានអ្នកណាជួយអ្នកណាបាន។ បើកុំតែអំឡុងពេលព្យាបាលលោកមិនទទួលបានការផ្ដល់លុយកាក់តិចច្រើនពីអ្នកអាណិតស្រលាញ់ ប្រហែលជាលោកដាច់ពោះស្លា.ប់ហើយ បើស្ថានភាពរកលុយមិនមានទាល់តែសោះក្នុងរយៈពេលចុងក្រោយបែបនេះ។
លោកថា ការពិតលោកក៏មិនត្រូវឡើងប្រកួតនៅថ្ងៃទី៥ កញ្ញា នោះដែរ ប៉ុន្តែដោយសារតែកីឡាករគូឯកម្នាក់មានបញ្ហាសុខភាព ហើយគាប់ជួនមានការទទូចសួរថា តើលោកអាចឡើងប្រកួតជំនួសបានទេ ស្របពេលដែលលោកក៏កំពុងខ្វះលុយផង ទើបលោកទទួលប្រកួតដើម្បីបានលុយដោះស្រាយ។ លោកថា លោកមិនហ៊ានលើកដៃសំពះសុំជំនួយនោះទេ ហើយការផ្ដល់លុយកាក់អោយលោកកន្លងមកក្នុងពេលព្យាបាល ក៏សុទ្ធតែជាបងៗ ដែលដឹងពីការលំបាករបស់លោក និងគ្រួសារតែប៉ុណ្ណោះ។ ដោយសារតែលោកចង់បានដំណោះស្រាយដោយមិនពឹងកម្លាំងអ្នកដទៃនោះហើយ ទើបលោកឡើងប្រកួតទាំងមិនច្បាស់ពីសមត្ថភាព ហើយចុងក្រោយគឺត្រូវតែប្រកួតប្ដូរដោយស៊ូបែកក្បាល១០ថ្នេរ តែមិនអោយគេរិះគន់ថា ចេះតែឡើងវ៉ៃដើម្បីលុយឡើយ។
លោកបានបន្តថា ទោះជាលុយដែលទទួលបាន គឺតម្រូវអោយលោកដេកឈឺ ដែលអាចនិយាយបានថាស៊ីមិនឆ្ងាញ់ តែលោកសប្បាយចិត្ត ព្រោះជីវភាពរបស់លោកកំពុងត្រូវការលុយ ដោយសារគ្មានចំណូលយូរមកហើយ។ លោកអះអាងបន្ថែមថា ជីវិតអ្នកក្រទើបយល់ តែលោកក៏មិនតូចចិត្តដែរ និងបានអះអាងថា ដរាបណាលោកនៅប្រកួតបាន គឺនឹងស៊ូឡើងរេញដល់ទីបំផុតយកលុយមកដោះស្រាយ គឺមិនលើកដៃសំពះសុំអ្នកណាម្នាក់តាមហ្វេសប៊ុក ធ្វើអោយមានការរិះគន់នោះឡើយ៕
ចែករំលែកព័តមាននេះ