* មិនចេះរាប់
ទូរទស្សន៍បញ្ចាំងការប្រកួតវាយកូនឃ្លីលើតុ (ប៉េងប៉ុង) យ៉ាងពុះកញ្ជ្រោលសូម្បីលោកយាយជីតូចក៏ចាប់អារម្មណ៍ទស្សនារហូតដល់ចប់ ការប្រកួតដែរ។ ទស្សនារួចគាត់និយាយ ៖
-អ្នកកីឡាទាំងនេះប្រកួត ល្អមើលមែនទាស់តែអ្នកធ្វើអត្ថាធិប្បាយអត់ទាន់ចេះរាប់លេខនិយាយ ផ្ដេសផ្ដាសគ្មានដឹងចំនួនពិតប្រាកដសោះ ។
ចៅប្រុសដែលអង្គុយមើល ជាមួយជីដូនដែរធ្វើភ្នែកឡឹងឡង់សួរ៖
ទូរទស្សន៍បញ្ចាំងការប្រកួតវាយកូនឃ្លីលើតុ (ប៉េងប៉ុង) យ៉ាងពុះកញ្ជ្រោលសូម្បីលោកយាយជីតូចក៏ចាប់អារម្មណ៍ទស្សនារហូតដល់ចប់ការប្រកួតដែរ។ ទស្សនារួចគាត់និយាយ ៖
-អ្នកកីឡាទាំងនេះប្រកួតល្អមើលមែនទាស់តែអ្នកធ្វើអត្ថាធិប្បាយអត់ទាន់ចេះរាប់លេខនិយាយផ្ដេសផ្ដាសគ្មានដឹងចំនួនពិតប្រាកដសោះ ។
ចៅប្រុសដែលអង្គុយមើលជាមួយជីដូនដែរធ្វើភ្នែកឡឹងឡង់សួរ៖
-គាត់មិនទាន់ចេះរាប់លេខយ៉ាងម៉េចលោកយាយ?
-ចៅឯងមិនឃើញទេឬ? គេប្រកួតពីរនាក់ដោយម្នាក់នៅជ្រុងម្ខាងស្រាប់តែអ្នកធ្វើអត្ថាធិប្បាយនិយាយថា ប្រកួតទោល ដល់គេប្រកួត៤នាក់ ឈរម្ខាង២នាក់បែរជាថាប្រកួតគូ ។ គាត់នោះនិយាយបាត់ចំនួនលេខពាក់កណ្ដាលហ្នឹងណា៎ ៕
បងស្រីសួរប្អូនប្រុស ៖
-ល្ខោនអូនឯងមើលយប់ម្សិលមិញល្អ មើលទេ?
-ល្អមើលណាស់, បង ។
-បើអ៊ីចឹងយប់នេះបងទៅមើលដែរ ។
-បងឯងទៅធ្វើអ្វី? ទាំងតួល្អទាំងតួអាក្រក់ស្លាប់យប់ម្សិលមិញអស់ហើយមានអីមើលទៀត ៕
ឪពុកសួរកូនប្រុសអាយុ៤ឆ្នាំ
-ធំឡើងកូនឯងចង់យកអ្នកណាធ្វើប្រពន្ធ?
-ក្នុងផ្ទះនេះលោកយាយស្រឡាញ់ខ្ញុំជាងគេ, ថ្ងៃក្រោយខ្ញុំយកលោកយាយធ្វើប្រពន្ធ។
-អាព្រហើន, ម៉េចចង់យកម្ដាយអញធ្វើប្រពន្ធ?
កុមារតូចខឹងស្រែកវិញ ៖
-ចុះម៉េចប៉ាឯងយកម៉ាក់ខ្ញុំធ្វើប្រពន្ធដែរ?
រថយន្ដមួយគ្រឿងកំពុងបើកបរឆ្លងកាត់ស្ពានយោលថ្មីដែលទើបស្ថាបនារួចបាន២ខែស្រាប់តែប៉ូលិសមួយក្រុមចេញស្ទាក់ជាប់រួច ហើយភ្នាក់ងារប៉ូលិសម្នាក់យកប៉ាន់ផ្កាយ៉ាងស្អាតមកជូនអ្នកបើកបរ។ បន្ទាប់ពីភ្នាក់ងារប៉ូលិសនោះថយក្រោយបន្ដិចលោកប្រធានក្រុមប៉ូលិសដើរចូលនិយាយ ៖
-ជម្រាបលោក, រថយន្ដលោកជារថយន្ដទីមួយលានដែលបើកលើស្ពានយោលនេះបន្ទាប់ពីវាបានសម្ពោធដាក់ឱ្យប្រើប្រាស់ជាសាធារណៈមក។ សូមជូនពរលោក! ទីក្រុងពួកយើងសូមជូនមូលប្បទានប័ត្រដែលមានទឹកប្រាក់៥.០០០ដុល្លារដល់លោក។ សូមលោក និងគ្រួសារបានទទួលការសប្បាយរីករាយ ។
ឮដូច្នេះអ្នកបើកបររថយន្ដស្រែកឡើងដោយអំណរ ៖
-ជយោ! តែប៉ុណ្ណេះខ្ញុំមានលុយដោះស្រាយយកប័ណ្ណបើកបរបានហើយ ។
នាងប្រពន្ធអ្នកបើកបរដែលអង្គុយនៅម្ខាងបុកពោះប៉ផ្អុកខ្លាចប៉ូលិសដឹងប្ដីបើកបរដោយគ្មានប័ណ្ណបើកបរក៏ប្រញាប់លូកមាត់ចូល ៖
-សូមបងៗកុំជឿពាក្យនេះ, គាត់កំពុងស្រវឹងខ្លាំងអត់ដឹងខ្លួននិយាយខុសទេ។
ភ្លាមនោះលោកយាយដែលអង្គុយនៅកៅអីក្រោយដោយធ្ងន់ត្រចៀកពុំដឹងគេនិយាយអីក៏លូកមាត់ចូលដែរ ៖
-ម៉ែប្រាប់ហើយថាឡានលួចគេមិនអាចជិះដើរលេងបានទេតែគ្មានអ្នកព្រមជឿម៉ែសោះ។ ឥឡូវត្រូវប៉ូលិសចាប់ហើយដោះ ស្រាយយ៉ាងម៉េចទៅ?
ស្ដេចកំណាចមួយអង្គឱ្យគេរកគ្រូទាយពូកែដើម្បីទាយមើលវាសនារបស់ព្រះអង្គ។ ពេលគេនាំគ្រូទាយមកដល់ព្រះអង្គសួរ ៖
-ឯងទាយមកមើល យើងអស់ព្រះជន្ម ពេលណា?
-ក្រាបទូលព្រះអង្គ, ព្រះអង្គត្រូវអស់ព្រះជន្មនៅថ្ងៃមានពិធីបុណ្យធំ ។
-ស្អី? ឯងហ៊ានអះអាងច្បាស់អ៊ីចឹង?
-ក្រាបទូលព្រះអង្គ, នេះជាការពិត។ ទោះព្រះអង្គសោយទិវង្គតថ្ងៃណាក៏ដោយ ថ្ងៃនោះមនុស្សទាំងនគរនឹងរៀបចំពិធីបុណ្យ ព្រះសពព្រះអង្គ ធ្វើឱ្យថ្ងៃនោះមានពិធីបុណ្យធំភ្លាម ៕
ចែករំលែកព័តមាននេះ