AFP ផ្សាយថា លោកអាប៊ុល បាចានដា ជនជាតិបង់ក្លាដេស អាយុ២៦ឆ្នាំ រស់នៅស្រុក Khulna ត្រូវគេហៅថា «មនុស្សដើមឈើ» ព្រោះមានឫស តូចៗដូចសម្បកឈើដុះតាមស្បែកបាតដៃ និងបាតជើងតាំងពី១០ឆ្នាំមុន ។
AFP ផ្សាយថា លោកអាប៊ុល បាចានដា ជនជាតិបង់ក្លាដេស អាយុ២៦ឆ្នាំ រស់នៅស្រុក Khulna ត្រូវគេហៅថា «មនុស្សដើមឈើ» ព្រោះមានឫស តូចៗដូចសម្បកឈើដុះតាមស្បែកបាតដៃ និងបាតជើងតាំងពី១០ឆ្នាំមុន ។
លោកអាប៊ុល បាចានដា ត្រៀមវះកាត់ឫសដែលដុះពីលើបាតដៃ និងបាតជើងមានទម្ងន់សរុប៥គីឡូក្រាម នោះចេញ ។ ដោយសារជំងឺចម្លែកនោះធ្វើឱ្យអាប៊ូ បាចាដា បាត់បង់អាជីពជាកម្មករអូសរទេះ ។
អាប៊ូ បាចាដា និយាយថា «តាំងពីដំបូងខ្ញុំគិតថា វាមិនគ្រោះថ្នាក់ទេ ប៉ុន្តែទីបំផុតខ្ញុំបានបាត់បង់ការងារ បច្ចុប្បន្នមានសាច់ដុះដូចឫសឈើនៅលើដៃសងខាង និងមានព្រុយឫស តូចៗ នៅលើជើង» ។
ក្រុមគ្រូពេទ្យនៅមន្ទីរពេទ្យ «DMCH»ស្ថិតនៅក្រុងដាក្កា កំពុងត្រៀមវះកាត់ ដោយបច្ចុប្បន្នត្រួតពិនិត្យដើម្បីឱ្យប្រាកដថា អាចវះកាត់បានដោយមិនប៉ះពាល់ដល់សុខភាពនៅពេលក្រោយ ។
ឫសជាច្រើនចាប់ផ្តើមដុះលើកដំបូងតាំងពីលោកអាប៊ុល បាចានដា នៅជាយុវវ័យ ក្រោយមកចាប់ផ្តើមរីករាលដាលក្នុងរយៈពេល៤ឆ្នាំ។ តាមការវិនិច្ឆ័យរបស់ក្រុមគ្រូពេទ្យឃើញថា លោកអាប៊ុល បាចានដា កើតជំងឺ «Epidermodysplasia Verruciformis» ជាជំងឺខុសប្រក្រតីនៅលើស្បែកដែលកើតមានតិចបំផុត គឺស្បែកនឹងផ្តល់ការរីករាលដាលខុសពីធម្មតា ។
លោកសាម៉ានតា ឡាលសេន នាយកមន្ទីរពេទ្យ DMCH បញ្ជាក់ថា «ជំងឺនេះត្រូវស្គាល់ជាទូទៅក្នុងឈ្មោះមនុស្សដើមឈើ បច្ចុប្បន្នមានអ្នកជំងឺប្រភេទនេះនៅទូទាំងពិភពលោកចំនួន៣នាក់ រួមទាំងលោកអាប៊ុល បាចានដាម្នាក់ដែរ។
ប្រភពដដែលបញ្ជាក់ថា កាលពីមុននេះមានជនជាតិឥណ្ឌូណេស៊ីម្នាក់មានឫសដុះនៅពេញរាងកាយនិងវះកាត់កាលពីឆ្នាំ២០០៨ ។ លោកអាប៊ុល បាចានដា ឱ្យដឹងថា គេព្យាយាមកាត់ឫសចេញនៅពេលវាដុះ ប៉ុន្តែឈឺចាប់ណាស់ ក្រោយមកទៅរកគ្រូឱសថបុរាណ តែថ្នាំនោះ បែរជាធ្វើឱ្យឫសដុះកាន់តែច្រើនឡើង។ ក្រៅពីនេះគេធ្លាប់ធ្វើដំណើរទៅពិគ្រោះជាមួយគ្រូពេទ្យនៅប្រទេសឥណ្ឌា ប៉ុន្តែរូបគេនិងក្រុមគ្រួសារមិនអាចរកប្រាក់ចំណាយលើការវះកាត់នៅទីនោះបាន ។ ចំពោះការវះកាត់លើកនេះចាត់ទុកថាជាសំណាងល្អដែលរដ្ឋាភិបាលជួយ៕
ចែករំលែកព័តមាននេះ