ឡានដឹកស្រាបៀរពន្លះជាមួយឡានក្រឡុកស៊ីម៉ង់ត៍ ក្រឡាប់ផ្អើ.លមហាវិថីឈ្នះឈ្នះ
- ភ្នំពេញ
រាជធានីភ្នំពេញ ៖ រថយន្តដឹកស្រាបៀរមួយគ្រឿង បានបើកបុ.ករថយន្តសណ្តោងស៊ីទែនក្រឡុកស៊ីម៉ង់ត៍មួយគ្រឿង ដែលបត់វាង
រាជធានីភ្នំពេញ ៖ រថយន្តដឹកស្រាបៀរមួយគ្រឿង បានបើកបុ.ករថយន្តសណ្តោងស៊ីទែនក្រឡុកស៊ីម៉ង់ត៍មួយគ្រឿង ដែលបត់វាងក្បាលសួនច្បារខណ្ឌចែកទ្រូងផ្លូវ បណ្តាលអោយរថយន្តដឹកស្រាបៀរក្រឡាប់ដេកស្តូកនៅលើដងផ្លូវ តែពុំបង្កអោយអ្នកបើកបររងរបួសធ្ងន់ធ្ងរនោះទេ ។
ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ១១និង៥០នាទីព្រឹកថ្ងៃទី៣១ ខែសីហា ឆ្នាំ២០២១ នៅតាមមហាវិថីឈ្នះឈ្នះ ស្ថិតក្នុងភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
រថយន្តសណ្តោងស៊ីទែនស៊ីម៉ង់ត៍ម៉ាកហ៊ីយ៉ាន់ដាយ ពណ៌ស ពាកស្លាកលេខ ភ្នំពេញ៣F.០៤៦៦ និងសណ្តោងកន្ទុយស៊ីទែនក្រឡុកស៊ីម៉ង់ត៍ ពាក់ស្លាកលេខ ភ្នំពេញ៤A.៧៦៤០ អ្នកបើកបរមិនស្គាល់អត្តសញ្ញាណ បានរត់គេចខ្លួនបាត់។
ចំណែករថយន្តដឹកស្រាបៀរ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ ៣C-៨០៦៥ បើកបរដោយឈ្មោះ ម៉ៅ សែត ភេទប្រុស អាយុ៣៧ឆ្នាំ រួមដំណើរជាមួយប្រពន្ធ និងកូនប្រុស អាយុ១៤ឆ្នាំ ស្នាក់នៅខេត្តកោះកុង ។
តាមសាក្សីបានអោយដឹងថា នៅមុនពេលកើតហេតុ គេឃើញរថយន្តដឹកស្រាបៀរបានធ្វើដំណើរតាមមហាវិថីឈ្នះ ឈ្នះ ក្នុងទិសដៅពីកើតទៅលិច លុះមកដល់កន្លែងកើតហេតុ ស្រាប់តែមានរថយន្តសណ្តោងស៊ីទែនក្រឡុកស៊ីម៉ង់ត៍មួយគ្រឿងបានបត់ វាងក្បាលសួនច្បារខណ្ឌចែកទ្រូងផ្លូវត្រឡប់ក្រោយវិញ ឆ្លងចូលចំណែកផ្លូវម្ខាង ក៍ត្រូវរថយន្តដឹកស្រាបៀរបុ.កយ៉ាងពេញទំហឹងចំកាប៊ីនខាងមុខ បណ្តាលអោយរថយន្តដឹកស្រាបៀរក្រឡាប់ដេកស្តូកនៅលើទ្រូងផ្លូវតែម្តង ។
តាមសាក្សីបានអោយដឹងទៀតថា បន្ទាប់ពីកើតហេតុ គេឃើញអ្នកបើកបររថយន្តដឹកស្រាបៀរ រួមទាំងប្រពន្ធ និងកូនក៍បានលូនចេញតាមកញ្ចក់មុខ ដែលបែកខ្ទាតចេញទាំងព្រលឹងចុងសក់ ។ នៅក្នុងគ្រោះថ្នាក់នោះដែរ ក៏បណ្តាលអោយប្តីប្រពន្ធនិងកូនបានរងរបួសស្រាលរលាត់ដៃជើង ដោយសារមុតកញ្ចក់ផងដែរ។
តាមប្រភពពីអ្នកបើកបររថយន្តដឹកស្រាបៀរបានអោយដឹងថា នៅមុនពេលកើតហេតុ គាត់បានរថយន្តដឹកស្រាបៀរប្រមាណជាង២ពាន់កេស ចេញពីក្រុមហ៊ុនក្នុងគោលបំណងទៅខេត្តកោះកុង នៅពេលបើកបរធ្វើដំណើរតាមផ្លូវសុខៗ ស្រាប់តែមានរថយន្តសណ្តោងស៊ីទែនក្រឡុកស៊ីម៉ង់ត៍បើកបត់កាត់ពីមុខ បង្កអោយកើតមានគ្រោះថ្នាក់កើតឡើងបែបនេះតែម្តង ។
បន្ទាប់ពីកើតហេតុ អ្នកបើកបររថយន្តសណ្តោងស៊ីទែនក្រឡុកស៊ីម៉ង់ត៍បានរត់គេចខ្លួនបាត់ ក្រោយមកគេឃើញមានតំណាងចេញមុខមកដោះស្រាយ ដោយធានាជួយជួសជុល និងចេញថ្លៃការខូចខាតទៅខាងរថយន្តដឹកស្រាបៀរ តែគេពុំដឹងថា សំណងដែលត្រូវសងនោះអស់ប៉ុន្មានឡើយ រង់ចាំសេងស្រាបៀរចេញពីក្នុងរថយន្តដែលក្រឡាប់នោះសិន ៕
ចែករំលែកព័តមាននេះ