ADផ្ទាំងផ្សព្វផ្សាយពាណិជ្ជកម្ម

Picture

សម្តេចតេជោណែនាំឱ្យក្រសួងអប់រំ បើកសាលារៀននៅតំបន់ដែលមិនមានការឆ្លង និងឆ្លងតិចពីជំងឺកូវីដ

3 ខែ មុន
  • ភ្នំពេញ

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​បញ្ជាក់​ទៅ​កាន់​រដ្ឋមន្ត្រីក្រសួង​អប់រំ យុវជន និង​កីឡា ដើម្បី​បើក​ដំណើរការ​សាលារៀន​ឡើង​វិញ ពិសេស​នោះ​សាលារៀន​នៅ…

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​បញ្ជាក់​ទៅ​កាន់​រដ្ឋមន្ត្រីក្រសួង​អប់រំ យុវជន និង​កីឡា ដើម្បី​បើក​ដំណើរការ​សាលារៀន​ឡើង​វិញ ពិសេស​នោះ​សាលារៀន​នៅ ជនបទ​ដែល​ពុំ​មានការ​ឆ្លង​ជំងឺ​កូ​វី​ដ​១៩ ។

Picture

យោង​តាម​សារ​សំឡេង​របស់​សម្តេច​តេ​ជោ ប្រមាណ​ជាង​១៤​នាទី​ចេញផ្សាយ នៅ​ថ្ងៃ​ទី​៣១ ខែសីហា ឆ្នាំ​២០២១ សម្តេច​បាន​លើក​ឡើង​ថា កន្លង​មក​សម្តេច​បាន​ផ្តល់​មតិ​ខ្លះ​ជូន​ទៅ​រដ្ឋមន្ត្រីក្រសួង​អប់រំ ពាក់ព័ន្ធ​ការ​បើក​សាលារៀន​ឡើង​វិញ ដោយសារ​កន្លង​មក​យើង​បាន​បិទ​សាលារៀន​សំដៅ​ការពារ​ដល់​គ្រូបង្រៀន កុមា​រា កុមារី សិស្សានុសិស្ស នៅ​ក្រប​ខណ្ឌ​ទូ​ទាំង​ប្រទេស ។

Picture

សម្តេច​បញ្ជាក់​ថា ៖«​អាស្រ័យ​ដោយ​ពិនិត្យ​ឃើញ​ថា នៅ​ទូ​ទាំង​ប្រទេស​ជំងឺ​កូ​វី​ដ​បាន​ឆ្លង​ដាច់​ដោយ​ដុំ ហើយ​ប្រមូលផ្តុំ​នៅ​តាម​ទីប្រជុំជន ទីក្រុង ភាគី​ច្រើន ឯ​តំបន់​ជនបទ គឺ​ហាក់ដូចជា បាន​កើតឡើង​តិចតួច​ណាស់ ហើយ​ខេត្ត​ខ្លះ​ស្ទើរ​ពុំ​មាន​ទៀត​ផង តែ​យើង​ក៏​បាន​បិទ​សាលារៀន​នៅ​ទីនោះ​ដែរ ។ ដូច្នេះ​ខ្ញុំ​ស្នើ​សុំ​ឯកឧត្តម ហង់ ជួនណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា ធ្វើ​ពិភាក្សា​ជាមួយនឹង​បណ្តា​ខេត្ត​រាជធានី ដើម្បី​បើក​សាលារៀន​ទីតាំង​សាលារៀន​មួយ​ចំនួន​ដែល​ពុំ​មានការ​ឆ្លង​ជំងឺ​កូ​វី​ដ​» ។ សម្តេច​បាន​លើក​ឡើង​ថា ពេល​នេះ រាជរដ្ឋាភិបាល​បាន​កំពុងធ្វើការ​ចាក់​វ៉ាក់សាំង​ជូន​កុមារ និង​យុវវ័យ ចាប់ពី​អាត​យុ​ពី​១២​ដល់​១៨​ឆ្នាំ ។

Picture

ស្ថានភាព​ចាក់​វ៉ាក់សាំង​មក​ដល់​ពេល​នេះ ក្នុង​ចំណោម​កុមារ​ដែល​មាន​អាយុ​ពី​១២ ដល់​១៨​ឆ្នាំ ដែល​មាន​ប្រមាណ​ជាង​២​លាន​នាក់​ពេល​នេះ​បាន​ចាក់​វ៉ាក់សាំង​ជាង​១​លាន​៥​សែន​នាក់​រួច​ហើយ ។

ដោយ​សង្កេត​ឃើញ​ថា នៅ​សាលា​រៀ​ជនបទ​ដែល​ពុំ​មានការ​ឆ្លង​ជំងឺ​កូ​វី​ដ​១៩ យើង​មាន​លទ្ធភាព ក្នុង​ការ​បើក​សាលារៀន​នោះ ដោយ​មិន​រង​ចាំ​ទូ​ទាំង​ប្រទេស ត្រូវ​តែ​បើក ឬ​ខេត្ត​មួយ​ត្រូវ​តែ​បើក ឬ​ស្រុក​មួយ​ត្រូវ​តែ​បើក​នោះ​ទេ ។

Picture

សម្តេច​បញ្ជាក់​ថា «​យើង​គួរ​ជ្រើសរើស​នៅ​តាម​ភូមិ​ឃុំ​ដែល​ពុំ​មានការ​កើត​នូវ​ជំងឺឆ្លង​នេះ ហើយ​កុមា​រា កុមារី របស់​យើង​ឲ្យ​ចូល​បាន​សិក្សា ដោយ​រក្សា​គម្លាត រក្សា​នូវ​វិធានការ​សុខាភិបាល និង​វិធានការ​ចាំបាច់​នានា ដើម្បី​ឲ្យ​កុមា​រា​កុមារី​បាន​ចូល​រៀន ។ យើង​កំពុង​ស្ថិត​ក្នុង​ស្ថានភាព​ពិតប្រាកដ ប្រសិនបើ​យើង​បន្ត​បិទ​សាលារៀន​ទៀត បើ​យើង​មិន​បាន​ញែក​កន្លែង​ឆ្លង និង​កន្លែង​មិន​ឆ្លង​នោះ​នឹង​អាច​ធ្វើ​ឲ្យ​សិស្ស​បោះបង់​ចោល​សាលារៀន ឬ​អាច​ឈាន​ដល់​សិស្ស​ភ្លេចអក្សរ​ជាដើម​» ។

Picture

ជាមួយ​គ្នា​នោះ​ដែរ សម្តេច​ក៏​បាន​លើក​ឡើង​ថា ទោះបីជា​មានការ​បង្កើត​ការ​រៀន​តាម​ប្រពន្ធ​អន​ឡាញ​ក្តី ប៉ុន្តែ​នៅ​តាម​ជនបទ​កុមារ​ក្រី​ក្រពុំ​មាន​លទ្ធភាព និង​ពុំ​មានអី​ធើ​រ​ណែ​តរៀន​តាម​អន​ឡាញ​នោះ​ទេ ។ ដូច្នេះ​ខ្ញុំ​ស្នើ​សុំ​ឲ្យ​ឯកឧត្តម​រដ្ឋមន្ត្រីក្រសួង​អប់រំ ពិភាក្សា​ជាមួយ​លោក លោក​ជំទាវ អភិបាល​រាជធានី ខេត្ត ធ្វើកា​ពិនិត្យ​ដើម្បី​ជ្រើសរើស​សាលារៀន​ដែល​ត្រូវ​បើក​ឲ្យ​រៀន​ទាំង​ថ្នាក់បឋមសិក្សា និង​មធ្យ​មិ​ស​ក្សា​ទាំង​កម្រិត​មួយ និង​កម្រិត​ពី ដោយ​អនុវត្ត​វិធានការ​សុខាភិបាល ។ សម្រាប់​នៅ​ទីប្រជុំ​ដែល​មាន​ឆ្លង​ជំងឺ​កូ​វី​ដ ឬ​ឆ្លង​តិច​យើង​ត្រូវ​បន្ត​ឲ្យ​រៀន​តាម​ប្រព័ន្ធ​អន​ឡាញ ឬ​រៀន​តាម​ស្ថានភាព​ផ្គួប​ផ្សំ​ដោយ​ផ្ទាល់​ដោយ​រក្សា​សុវត្ថិភាព និង​រៀន​តាម​បែប​ចំរុះ ។

សម្តេច​បញ្ជាក់​ទៀត​ថា ដោយសារ​នៅ​ទីប្រជុំជន និង​ទីក្រុង​មានអី​ធើ​ណេ​ត​អាច​រៀន​តាម​អន​ឡាញ​បាន​យើង​អាច​ផ្គួប​ផ្សំគ្នា​នៅ​កន្លែង​ឆ្លង​តិច​ក្នុង​ការ​បើក​ដំណើ​ការ សាលារៀន​បាន ។ ជាង​នេះ​នៅ​ពេល​មានការ​ចាក់​វ៉ាក់សាំង​ជូន​កុមារ យុវជន​បាន​គ្រប់​គ្នា​នោះ យើង​អាច​ឈាន​ដល់​ការ​បើក​ដំណើ​ការ​សាលារៀន​របស់​យើង​ឡើង​វិញ ។

សម្តេច​គូសបញ្ជាក់​ថា ៖«​យើង​ត្រូវ​តែ​ខិតខំ​ដោះស្រាយ​រឿង​នេះ​«​បើក​សាលារៀន​»​ហើយ​កន្លែង​ដែល​មានការ​ឆ្លង​ច្រើន គឺ​បន្ត​រៀន​តាម​អន​ឡាញ​រៀន​ពី​ចំងាយ ។ ខ្ញុំ​ស្នើ​ឲ្យ​រក​គ្រប់​វិធានការ ដើម្បី​ឲ្យ​សិស្ស​បាន​រៀន​ដោយ​មក​សាលា​ផ្ទាល់​សំដៅ​ឆ្ពោះទៅ​រក​ជនបទ​ដែល​ពុំ​មាន​ជំងឺឆ្លង និង​ការ​បើក​ការ​រៀន​លក្ខណៈ​ចំរុះ​ដែល​មាន ការ​ឆ្លង​តិច និង​ការ​ចាក់​វ៉ាក់សាំង​គ្រប់គ្រាន់​» ។

សម្តេច​ក៏​បាន​លើក​ឡើង​ថា ចំនួន​មនុស្ស​ដែល​ត្រូវ​ចាក់​វ៉ាក់សាំង​មាន​រហូត​ដល់​ជាង​១២​លាន​៦​សែន​៦​ម៉ឺន​១​ពាន់​៤​រយ​៩៧​នាក់​ដែល​ក្នុង​នោះ​បែងចែក​មនុស្ស​ចាប់ពី​អាយុ​១៨​ឆ្នាំ​ឡើង​ចំនួន​១៦៣១៥១២​នាក់ និង​កុមា​រា​កុមារី និង​យុវវ័យ​ជាង​២​នាក់ ។

ពេល​នេះ​កុមារ យុ​វ័យ​ដែល​បាន​ចាក់​វ៉ាក់សាំង​រួច​ហើយ​ជិត​១​លាន​កន្លះ​រួច​ហើយ​(​គិត​ត្រឹម​ថ្ងៃ​២៩​សីហា ១៤៥៣០២១​នាក់​ស្មើ​៧១.៥៨​នាក់​)​។ មិនយូរ​ប៉ុន្មាន​សិស្ស​នឹង​ទទួល​បាន​វ៉ាក់សាំង​ទាំង​ដូ​ស​ទី​១ និង​ដូ​ស​ទី​២ ហើយ​លោកគ្រូ​អ្នកគ្រូ​ក៏​ទទួល​បាន​វ៉ាក់សាំង​ដូ​ស​ទី​១​ទី​២ និង​ដូ​ស​ជំរុញ​ទៀត​ផង ។

សម្តេច​សង្កត់ធ្ងន់​ថា ៖«​ខ្ញំ​គិត​ថា សាលារៀន​នៅ​ជនបទ សូ​ម្បី​ក្មេង​មិន​ទាន់​ដល់​អាយុ​១២ ឆ្នាំ​ក៏​អាច​ចូល​រៀន​បាន​ដែរ ព្រោះ​នៅ​ទីនោះ​មិន​បាន​ឆ្លង​ជំងឺ​ទេ ។ ខ្ញុំ​ស្នើ​សុំ​ឲ្យ​មានការ​ពិភាក្សា​គិតគូរ​តាម​របៀប​បត់បែន ហើយ​អនុវត្ត​តាម​ខេត្ត​នីមួយ​ៗ កន្លែង​ណា​មាន​លទ្ធភាព​បើក គឺ​បើក កន្លែង​ណា​មិន​មាន​លទ្ធភាព​បើក​ឲ្យ​រៀន​តាម​អន​ឡាន កន្លែង​ណា​បើក​ឲ្យ​រៀន​ចំរុះ​ឲ្យ​រៀន ឬ​រៀន​ពី​ចំងាយ​ក៏​សុំ​ពិនិត្យ​» ។

សម្តេច​តេ​ជោ លើក​ឡើង​ទៀត បើសិន​មិន​មានការ​គិតគូរ​បើក​សាលារៀន​តាម​បែប​បត់បែន​នេះ​ទេ​នឹង​ធ្វើ​ឲ្យ​កម្ពុជា​ស្ថិត​ក្នុង​ស្ថានភាព​មួយ​បាត់បង់​កុមារ​យុវវ័យ និង​យុវជន​របស់​យើង ។ សម្តេច​ក៏​បាន​បន្ថែម​ថា ភាព​សាំ​នៃ​ការ​ចាក់​វ៉ាក់សាំង​កា​ពារ​ជំងឺ​កូ​វី​ដ​១៩​បាន​កំពុង​កើត​នៅ​រាជធានី​ភ្នំពេញ និង​ខេត្តកណ្តាល ។ ភ្នំ​ពេញការ​ឆ្លង​ជំងឺ​កូ​វី​ដ​១៩ មាន​ចំនួន​ធ្លាក់​ចុះ ហើយ​អ្នក​ដែល​បាន​ឆ្លង​ក៏​មិន​មាន​ភាព​ធ្ងន់ធ្ងរ​នោះ​ទេ ។ អត្រា​ស្លាប់​ក៏​មានការ​ថយ​ចុះ ដូច្នេះ​ចំណុច​នេះ​ជា​ចំណុច​វិជ្ជមាន​នូវ​សង្គម​សេដ្ឋកិច្ច​នៅ​ទូ​ទាំង​ប្រទេស​របស់​យើង​ក្នុង​នោះ​ក៏​មាន​វិស័យ​អប់រំ ដូច្នេះ​ស្នើ​សុំ​ឲ្យ​រដ្ឋមន្ត្រីក្រសួង​អប់រំ​ពិភាក្សា​លើ​បញ្ហា​នេះ​ឲ្យ​ម៉ត់​ចង់ ដើម្បី​ឲ្យ​មានការ​បើក​សាលារៀន​ឡើង​វិញ ។

ពិសេស​នោះ​នៅ​តំបន់​ជនបទ​ដែល​ជា តំបន់​ពុំ​មាន​ជំងឺឆ្លង ដើម្បី​ជៀសវាង​កុំ​ឲ្យ​កុមារ​ជនបទ​ក្លាយជា​ជន​រង​គ្រោះ​ដោយ​ជំងឺ​កូ​វី​ដ​ក្នុង​ពេល​ដែល​ជនបទ​ពុំ​មានការ​ឆ្លង​ជំងឺ​កូ​វី​ដ ៕