ស្រីស្អាតភេទទី៣ម្នាក់ ឱនចុចទូរស័ព្ទមួយភ្លែត បង្កគ្រោះខ្ទេច
- ភ្នំពេញ
រាជធានីភ្នំពេញ ៖ នារីជាភេទទីបីស្រស់ស្អាតម្នាក់ សង្ស័យបើករថយន្តរវល់តែចុចទូរស័ព្ទ មិនប្រយ័ត្ន ក៏រ៉េចង្កូតឡើងខឿនសួនច្បារ
រាជធានីភ្នំពេញ ៖ នារីជាភេទទីបីស្រស់ស្អាតម្នាក់ សង្ស័យបើករថយន្តរវល់តែចុចទូរស័ព្ទ មិនប្រយ័ត្ន ក៏រ៉េចង្កូតឡើងខឿនសួនច្បារ
រាជធានីភ្នំពេញ ៖ នារីជាភេទទីបីស្រស់ស្អាតម្នាក់ សង្ស័យបើករថយន្តរវល់តែចុចទូរស័ព្ទ មិនប្រយ័ត្ន ក៏រ៉េចង្កូតឡើងខឿនសួនច្បារពុះចែកទ្រូងផ្លូវ រួចទៅបុករះផើងផ្កាដាំលំអរសួន និងបង្គោលភ្លើងដែកមួយដើមបាក់ទ្រេតរងការខូចខាត ចំណែករថយន្តវិញវិលក្បាលត្រឡប់ក្រោយមួយជុំ រងការខូចខាតខ្ទេចមួយកំណាត់មុខ តែមិនមានបណ្តាលឱ្យមនុស្សណាម្នាក់រងរបួសនោះទេ ។
ហេតុការណ៍ខាងលើនេះបង្កការភ្ញាក់ផ្អើលកើតឡើងកាលពីវេលាម៉ោង១០និង៣០នាទីយប់ថ្ងៃទី២៩ ខែសីហា ឆ្នាំ២០២១ នៅចំណុចទល់មុខហាងលក់ទូរស័ព្ទដៃមួយកន្លែង តាមបណ្ដោយផ្លូវលេខ៦A ស្ថិតក្នុងសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ។
រថយន្តបង្កហេតុមួយគ្រឿងខាងលើម៉ាកព្រូស ពណ៌ស ស៊េរីឆ្នាំ២០១០ ពាក់ស្លាកលេខ ភ្នំពេញ 2BH-2412 បើកបរដោយនារីជាភេទទី៣ម្នាក់ មិនស្គាល់អត្តសញ្ញាណ ។
តាមប្រភពព័ត៌មានពីម្ចាស់រថយន្តបង្កជានារីភេទទី៣បានប្រាប់សមត្ថកិច្ចឲ្យដឹងថា មុនពេលកើតហេតុ រូបនាងបានបើករថយន្តមួយគ្រឿងខាងលើ ធ្វើដំណើរតាមបណ្ដោយផ្លូវជាតិលេខ6A ក្នុងទិសដៅពីជើងទៅត្បូង ក្នុងល្បឿនលឿន លុះមកដល់កន្លែងកើតហេតុខាងលើ ស្រាប់តែទូរស័ព្ទរបស់នាងរោទិ៍ ក៏ឱនចុចទូរស័ព្ទមួយភ្លែត មិនប្រយ័ត្នក៏រ៉េចង្កូតរថយន្តឡើងខឿនសួនច្បារពុះចែកទ្រូងផ្លូវ បុករះផើងផ្កាដាំលំអសួនច្បារ បណ្តាលអោយរងការខូចខាតអស់ចំនួន២ដើម និងបន្តទៅបុកផ្ទប់បង្គោលភ្លើងបំភ្លឺផ្លូវមួយដើមទៀតយ៉ាងពេញទំហឹង បណ្តាលឲ្យបង្គោលភ្លើងបាក់ទ្រេតរងការខូចខាតអស់មួយដើម ចំណែករថយន្តវិញវិលក្បាលត្រឡប់ក្រោយមួយជុំ រងការខូចខាតខ្ទេចមួយកំណាត់មុខ និងមួយចំហៀងខាងឆ្វេងបែកកង់ បាក់យ៉ាន់ និងក្រពិតរថយន្ដរងការខូចខាតយ៉ាងដំណំ ប៉ុន្តែមិនបានបង្កឱ្យមនុស្សណាម្នាក់រងរបួសឡើយ ។
ក្រោយកើតហេតុ ម្ចាស់រថយន្តបានត្រឹមសោកស្តាយចំពោះកំហុសរបស់ខ្លួន ចំណែករថយន្តត្រូវបានសមត្ថកិច្ចមូលដ្ឋានប្រគល់អោយសមត្ថកិច្ចជំនាញធ្វើការវាស់វែងរួចយកទៅរក្សាទុកបណ្តោះអាសន្ននៅការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយបន្តនៅពេលក្រោយទៀត ។
ជុំវិញហេតុការណ៍ខាងលើនេះដែរ សមត្ថកិច្ចបានថ្លែងថា វាគឺជាសារដាស់តឿនដល់អ្នកបើកបរទាំងឡាយ ត្រូវគោរពច្បាប់ចរាចរណ៍ មិនត្រូវចុច ឬនិយាយទូរស័ព្ទពេលបើកបរនោះទេ ៕
ចែករំលែកព័តមាននេះ