ម្ចាស់ឡានហាយឡែនឌ័រចាំងភ្នែកនឹងភ្លើងហ្វា១គ្រឿងទៀត ជួបគ្រោះធ្លា.ក់ចូលប្រឡាយ
- ភ្នំពេញ
រាជធានីភ្នំពេញ ៖ បុរសម្នាក់បើករថយន្តម៉ាកហាយឡែនឌ័រមួយគ្រឿង សង្ស័យចាំងភ្នែកនឹងភ្លើងហ្វារបស់រថយន្តមួយគ្រឿងផ្សេង
រាជធានីភ្នំពេញ ៖ បុរសម្នាក់បើករថយន្តម៉ាកហាយឡែនឌ័រមួយគ្រឿង សង្ស័យចាំងភ្នែកនឹងភ្លើងហ្វារបស់រថយន្តមួយគ្រឿងផ្សេង
រាជធានីភ្នំពេញ ៖ បុរសម្នាក់បើករថយន្តម៉ាកហាយឡែនឌ័រមួយគ្រឿង សង្ស័យចាំងភ្នែកនឹងភ្លើងហ្វារបស់រថយន្តមួយគ្រឿងផ្សេងទៀតដែលបើកបញ្ច្រាសទិសគ្នា ក៏កាច់ចង្កូតគេចពីរថយន្ដមួយគ្រឿងនោះ បណ្តាលឱ្យជ្រុលធ្លា.ក់ចូលប្រឡាយទឹកស្អុយ តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ ។
ហេតុការណ៍ខាងលើនេះបានកើតឡើងកាលពីវេលាម៉ោង៨និង៥០នាទីយប់ថ្ងៃទី២៦ ខែសីហា ឆ្នាំ២០២១ នៅចំណុចប្រឡាយមួយកន្លែង ក្បែរបុរីពិភពថ្មីឈូកវ៉ា២ តាមបណ្ដោយផ្លូវបេតុង ស្ថិតក្នុងសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។
រថយន្តជួបគ្រោះថ្នាក់មួយគ្រឿងខាងលើម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2AQ-8496 បើកបរដោយបុរសម្នាក់មិនស្គាល់អត្តសញ្ញាណ ។
តាមប្រភពព័ត៌មានពីសមត្ថកិច្ចមូលដ្ឋានបានឲ្យដឹងថា នៅមុនពេលកើតហេតុ គេឃើញបុរសម្នាក់បើកបររថយន្តមួយគ្រឿងម៉ាកហាយឡែនឌ័រ ធ្វើដំណើរតាមបណ្ដោយផ្លូវបេតុង ក្នុងទិសដៅពីកើតទៅលិច លុះដល់ចំណុចកើតហេតុដែលជាផ្លូវបំបែកជាបួន និងប្រសព្វជាមួយផ្លូវរថភ្លើង រថយន្ដនោះក៏បានបត់ស្ដាំឆ្លងកាត់ផ្លូវរថភ្លើង ស្របពេលនោះដែរស្រាប់តែមានរថយន្តមួយគ្រឿងទៀតមិនចាំម៉ាក បានបើកបញ្ច្រាសទិសគ្នា ខណៈពេលនោះអ្នកបើកបរររថយន្តម៉ាកហាយឡែនឌ័រ បានចាំងភ្នែកនិងភ្លើងហ្វារបស់រថយន្ដដែលបើកបញ្ច្រាសទិសគ្នា ធ្វើឲ្យអ្នកបើកបររថយន្តហាយឡែនឌ័រមើលផ្លូវមិនឃើញ ក៏ជ្រុលចង្កូតធ្លាក់ដាំដូងធ្លា.ក់ចូលប្រឡាយទឹកស្អុយតែម្តង ប៉ុន្តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ ។
ក្រោយពេលកើតហេតុ ក៏មានសមត្ថកិច្ចមូលដ្ឋាន និងសមត្ថកិច្ចជំនាញបានចុះមកដល់ទីតាំងកើតហេតុ ដើម្បីពិនិត្យ ដោយសាររថយន្តនោះមិនបង្កគ្រោះថ្នាក់ដល់អ្នកដ៏ទៃ និងមិនបង្កឲ្យរងការខូចខាតដល់ទ្រព្យសម្បត្តិសាធារណៈ ទើបសមត្ថកិច្ចអនុញ្ញាតឲ្យម្ចាស់រថយន្តម៉ាកហាយឡែនឌ័រ ស្ទូចយករថយន្តនោះទៅធ្វើការជួសជុលដោយខ្លួនឯង ៕
ចែករំលែកព័តមាននេះ