សត្វគោបានកើតជំងឺចម្លែកបណ្តាលឱ្យឈឺងា.ប់ជាបន្តបន្ទាប់ ធ្វើឱ្យប្រជាពលរដ្ឋនៅក្នុងភូមិជាខ្លាំង ឃុំជាខ្លាង ស្រុកស្វាយអន្ទរ និងភូមិព្រៃព្នៅ ឃុំព្រៃព្នៅ ស្រុកពារាំង ខែត្តព្រៃវែង មានការព្រួយបារម្ភយ៉ាងខ្លាំង ហើយប្រជាពលរដ្ឋ ក៏បាន
ខេត្តព្រៃវែង ៖ សត្វគោបានកើតជំងឺចម្លែកបណ្តាលឱ្យឈឺងា.ប់ជាបន្តបន្ទាប់ ធ្វើឱ្យប្រជាពលរដ្ឋនៅក្នុងភូមិជាខ្លាំង ឃុំជាខ្លាង ស្រុកស្វាយអន្ទរ និងភូមិព្រៃព្នៅ ឃុំព្រៃព្នៅ ស្រុកពារាំង ខែត្តព្រៃវែង មានការព្រួយបារម្ភយ៉ាងខ្លាំង ហើយប្រជាពលរដ្ឋ ក៏បានសំណូមពរអោយមន្ត្រីជំនាញចុះពិនិត្យសុខភាពសត្វគោរបស់ពួកគាត់ដែលកុំកើតជំងឺចម្លែកនេះផង ។
បើតាមប្រជាពលរដ្ឋម្ចាស់គោបានរៀបរាប់ប្រាប់កាលពីរសៀលថ្ងៃទី១២ ខែសីហា ឆ្នាំ២០២១នេះថា សត្វគោរបស់ពួកគាត់បានកើតជំងឺចម្លែក ដោយមានចេញរោគសញ្ញាកន្ទួលពេញខ្លួន និងហើមជើង ដែលជំងឺចម្លែកមួយនេះ គឺមិនធ្លាប់បានជួបពីមុនមកឡើយ ធ្វើអោយសត្វគោរបស់ពួកគាត់មានអាការៈទន់ខ្សោយ លែងស៊ីស្មៅ ខ្លះដេកដើរមិនរួច រហូតដល់ងា.ប់ជាបន្តបន្ទាប់រយៈពេលប្រហែលដប់ថ្ងៃមកហើយ។
ពលរដ្ឋបានបញ្ជាក់បន្ថែមទៀតថា ចាប់តាំងពីសត្វគោមកឈឺ និងងាប់បន្តបន្ទាប់នាពេលកន្លងមកនេះ គឺពួកគាត់មិនទាន់បានជំរាបទៅអជ្ញាធ និងមន្ត្រីជំនាញនោះទេ។ ដោយខ្លះសុខចិត្តព្យាបាលដោយខ្លួនឯងតាមប្រព័ន្ធអនឡាញ ដោយរកថ្នាំខ្មែរអោយផឹកផង និងខ្លះទៀតបានហៅពេទ្យសត្វឯកជន និងពេទ្យសត្វស្រុកមកចាក់ថ្នាំព្យាបាលមួយថ្ងៃអស់ថវិកា៤០០០០រៀល (បួនម៉ឺនរៀល) ក៏នៅតែមិនបានធូរស្រាលដដែល ធ្វើអោយជំងឺមួយនេះឆ្លងរាលដាលពីសត្វគោមួយទៅសត្វគោមួយក្បាលទៀត រាតត្បាតរហូតស្ទើរពេញភូមិទៅហើយ។
ពលរដ្ឋម្ចាស់គោជាច្រើននាក់ សូមសំណូមពរដល់មន្ត្រីជំនាញបសុពេទ្យស្រុក និងខេត្ត មេត្តាជួយចុះមកពិនិត្យសត្វគោរបស់ពួកគាត់ដែលកំពុងកើតជំងឺចម្លែកនេះផង ព្រោះថា ពលរដ្ឋមានការព្រួយបារម្ភជាខ្លាំងខ្លាចជំងឺមួយនេះឆ្លងពីសត្វគោមកមនុស្ស ជាពិសេសសត្វគោដែលងា.ប់ គឺម្ចាស់គោលក់ទៅអោយឈ្មួញកាប់យកសាច់លក់ទៀត។
លោក ចិន វិសាល ប្រធានការិយាល័យ ផលិតកម្ម និងបសុព្យាបាល នៃមន្ទីរកសិកម្មខេត្តព្រៃវែង ក៏បានប្រាប់អោយដឹងតាមទូរស័ព្ទកាលរសៀលថ្ងៃទី១២ ខែសីហា ឆ្នាំ២០២១នេះដែរថា លោកបានចុះផ្ទាល់សឹងគ្រប់ស្រុក ជាក់ស្តែងថ្ងៃនេះមកពីស្រុកកំពង់ត្របែក ក៏កើតជំងឺនេះដូចគ្នាដែរ ហើយជំងឺដុំពកនេះ វាឆ្លងដោយសារវីរុសដែលមិនធ្លាប់មាន គឺឆ្លងលឿនណាស់ គ្មានថ្នាំព្យាបាលទេ ដូច្នេះសូមអោយម្ចាស់គោរាយការណ៍មកអាជ្ញាធរ ឬមន្ត្រីជំនាញអោយបានទាន់ពេលវេលា ជាពិសេសតាមរយៈអ្នកសារព័ត៌នេះហើយ។ ហើយក្នុងនាមជាមន្ត្រីជំនាញ សូមអោយពលរដ្ឋដែលជាម្ចាស់គោ ចូលរួមសម្អាតអនាម័យ ដាក់មុងអោយគោដេក កុំអោយចល័ត និងបំបែកជាដើម… ៕
ចែករំលែកព័តមាននេះ