រាជធានីភ្នំពេញ ៖ តាមកម្មវិធីជំនុំជម្រះព្រហ្មទណ្ឌ នៃតុលាការកំពូល នៅព្រឹកថ្ងៃទី១៣ ខែសីហា ឆ្នាំ២០២១នេះ ត្រូវលើកយកសំណុំរឿងអតីតអភិបាលខេត្តតាកែវ លោក ឡាយ វណ្ណៈ ដែលបច្ចុប្បន្នកំពុងអនុវត្តទោសនៅក្នុងពន្ធនាគារ មកបើកសវនាការជំនុំជម្រះក្តី លើបណ្តឹងសាទុក្ខរបស់ជនជាប់ចោទ ។ ប៉ុន្តែអង្គសវនាការនេះ ត្រូវបានប្រកាសលើកពេលវិញទៀត ដោយសារមូលហេតុ រក្សាសុវត្ថិភាពជនជាប់ចោទ និងមន្ត្រីតុលាការ ក៏ដូចមន្ត្រីអនុវត្តច្បាប់ ខណៈទូទាំងប្រទេសកម្ពុជា បាននិងកំពុងប្រយុទ្ធ និងទប់ស្កាត់ការឆ្លងរីករាលដាល នៃជំងឺកូវីដ-១៩ ពិសេសវីរុសបំប្លែងថ្មី ដែលតា ។
បណ្តឹងសាទុក្ខ គ្រោងលើកយកមកជំនុំជម្រះនេះ បន្ទាប់ពីជនត្រូវចោទ មិនសុខចិត្តទទួលយកការសម្រេចរបស់លោក យន់ ណារ៉ុង ប្រធានក្រុមប្រឹក្សាជំនុំជម្រះ នៃសាលាឧទ្ធរណ៍ ដែលបានសម្រេចធ្វើការប្រកាសសាដីកា តម្កល់សាលក្រមសាលាដំបូងរាជធានីភ្នំពេញ ទុកជាបានការដដែល ។
ជនជាប់ចោទ រួមមាន ៖ ១. ឡាយ វណ្ណៈ មានមេធាវី លោកស្រី សេង វួចហ៊ុន ។ ២. ឡាយ ណារិទ្ធ មានមេធាវី លោក នី ចាន់ឌី លោកស្រី ដានី ច័ន្ទ្ររស្មីឈូករ័ត្ន និងលោក អ៊ន ហ៊ឹង ។ ៣. ជីម វុធ ហៅ ថូត មានមេធាវី លោកស្រី ស៊ូ សោភា លោក សេក សុវណ្ណា លោក សារី បុត្រចរិយា ។ ៤. ម៉េន សាម៉ៃ មានមេធាវី លោកស្រី ស៊ូ សោភា លោក សេក សុវណ្ណា លោក សារី បុត្រចរិយា ។
គួររម្លឹកថា តុលាការកំពូល គ្រោងបើកសវនាការជំនុំជម្រះលើបណ្តឹងសាទុក្ខ ឡាយ វណ្ណៈ នៅថ្ងៃទី១៣ ខែសីហា ឆ្នាំ២០២១ ៕
ចែករំលែកព័តមាននេះ