ថ្ងៃស្អែក តុលាការកំពូល បើកសវនាការជំនុំជម្រះលើបណ្តឹងសាទុក្ខ ឡាយ វណ្ណៈ
រាជធានីភ្នំពេញ ៖ បើសិនគ្មានអ្វីប្រែប្រួលទេ នៅថ្ងៃទី១៣ ខែសីហា ឆ្នាំ២០២១ ស្អែកនេះ តុលាការកំពូល គ្រោងបើកសវនាការជំនុំជម្រះលើបណ្ដឹងប្តឹងសាទុក្ខ របស់ជនជាប់ចោទ…
រាជធានីភ្នំពេញ ៖ បើសិនគ្មានអ្វីប្រែប្រួលទេ នៅថ្ងៃទី១៣ ខែសីហា ឆ្នាំ២០២១ ស្អែកនេះ តុលាការកំពូល គ្រោងបើកសវនាការជំនុំជម្រះលើបណ្ដឹងប្តឹងសាទុក្ខ របស់ជនជាប់ចោទ…
រាជធានីភ្នំពេញ ៖ បើសិនគ្មានអ្វីប្រែប្រួលទេ នៅថ្ងៃទី១៣ ខែសីហា ឆ្នាំ២០២១ ស្អែកនេះ តុលាការកំពូល គ្រោងបើកសវនាការជំនុំជម្រះលើបណ្ដឹងប្តឹងសាទុក្ខ របស់ជនជាប់ចោទ ឡាយ វណ្ណៈ អតីតចៅហ្វាយខេត្តតាកែវ និងជនជាប់ចោទ ឡាយ ណារិទ្ធ អតីតស្នងការរងខេត្តតាកែវ នេះបើយោងតាមកម្មវិធីជំនុំជម្រះព្រហ្មទណ្ឌរបស់តុលាការកំពូល ។
ជនជាប់ចោទ ១. ឡាយ វណ្ណៈ មានមេធាវី លោកស្រី សេង វួចហ៊ុន ។ ២. ឡាយ ណារិទ្ធ មានមេធាវី លោក នី ចាន់ឌី លោកស្រី ដានី ច័ន្ទ្ររស្មីឈូករ័ត្ន និងលោក អ៊ន ហ៊ឹង ។ ៣. ជីម វុធ ហៅ ថូត មានមេធាវី លោកស្រី ស៊ូ សោភា លោក សេក សុវណ្ណា លោក សារី បុត្រចរិយា ។ ៤. ម៉េន សាម៉ៃ មានមេធាវី លោកស្រី ស៊ូ សោភា លោក សេក សុវណ្ណា លោក សារី បុត្រចរិយា ។
សវនាការលើបណ្តឹងសាទុក្ខនេះ ដឹកនាំដោយលោក និល ណុន ជាប្រធានក្រុមប្រឹក្សាជំនុំជម្រះ និងមានលោក ឌុច គឹមសន ជាអគ្គព្រះរាជអាជ្ញា បន្ទាប់ពីជនត្រូវចោទ មិនសុខចិត្តទទួលយកការសុំម្រេចរបស់លោក យន់ ណារ៉ុង ប្រធានក្រុមប្រឹក្សាជំនុំជម្រះ នៃសាលាឧទ្ធរណ៍ ដែលបានសម្រេចធ្វើការប្រកាសសាដីកា តម្កល់សាលក្រមសាលាដំបូងរាជធានីភ្នំពេញ ទុកជាបានការដដែល ។
គួររម្លឹកឡើងថា តុលាការកំពូល កាលពីព្រឹកថ្ងៃទី២៥ ខែធ្នូ ឆ្នាំ២០២០ បានលើកយកសំណុំរឿងអតីតអភិបាលខេត្តតាកែវ លោក ឡាយ វណ្ណៈ ដែលបច្ចុប្បន្នកំពុងអនុវត្តទោស នៅក្នុងពន្ធនាគារ មកបើកសវនាការជំនុំជម្រះក្តី លើបណ្តឹងសាទុក្ខរបស់ជនជាប់ចោទ ។ ប៉ុន្តែអង្គសវនាការនេះ ត្រូវបានប្រកាសលើកពេលវិញ ដោយសារមូលហេតុជនជាប់ចោទមានសុខភាពមិនល្អ ចំណែកបងប្រុសឈ្មោះ ឡាយ ណារិទ្ធ បានមកចូលរួមសវនាការតាមការកំណត់ ប៉ុន្តែក៏ត្រូវបានក្រុមអនុរក្សពន្ធនាគារដឹកយកទៅឃុំខ្លួនវិញដែរ ។
សូមបញ្ជាក់ថា សំណុំរឿងជនជាប់ចោទ២នាក់បងប្អូន ឡាយ វណ្ណៈ និងឡាយ ណារិទ្ធ ពាក់ព័ន្ធនឹងករណីឃាតកម្មលើស្ត្រីមេម៉ាយកូន៣រូបស្រស់ ចេវ សុវឌ្ឍនា កាលពីព្រឹកថ្ងៃទី២ ខែកញ្ញា ឆ្នាំ២០១៩ ត្រូវបានលោក ហម ម៉េងសែ ប្រធានក្រុមប្រឹក្សាចៅក្រមជំនុំ ជម្រះសាលាដំបូងរាជធានីភ្នំពេញ ប្រកាសសាលក្រមផ្តទន្ទាទោសលើឈ្មោះ ឡាយ វណ្ណៈ ភេទប្រុស អាយុ៤៥ឆ្នាំ អតីតអភិបាលខេត្តតាកែវ ដាក់ពន្ធនាគារកំណត់រយៈ ពេល១៣ឆ្នាំ ពីបទ.ឃាតកម្ម តាមមាត្រា១៩៩នៃក្រមព្រហ្មទណ្ឌ ។
សាលក្រមក៏បានសម្រេចផ្តន្ទាទោសឈ្មោះ ឡាយ ណារិទ្ធ ភេទប្រុស អាយុ៤៦ឆ្នាំ អតីតស្នងការរងនគរបាលខេត្តតាកែវ និងជាបងប្រុសបង្កើតរបស់ ឡាយ វណ្ណៈ ដាក់ពន្ធនាគារកំណត់រយៈពេល១០ឆ្នាំ ពីបទសមគំនិតក្នុងអំពើឃាតកម្ម តាមមាត្រា១៩៩នៃក្រមព្រហ្មទណ្ឌ ។ផ្តន្ទាទោសជនជាប់ចោទឈ្មោះ ម៉េន សាម៉ៃ ភេទប្រុស អាយុ៣៦ឆ្នាំ អ្នកបើកបររថយន្តឲ្យ ឡាយ វណ្ណ: ដាក់ពន្ធនាគារកំណត់២ឆ្នាំ និងផ្តន្ទាទោសជនជាប់ចោទឈ្មោះ ជឹម វុធ ហៅថូត ភេទប្រុស អាយុ៤១ឆ្នាំ ជាអ្នកបម្រើនៅផ្ទះស្ត្រី ចេវ សុវឌ្ឍនា ដាក់ពន្ធនាគារកំណត់រយៈពេល២ឆ្នាំ ។
ទាំង២នាក់នេះ ត្រូវបានចោទពីបទលាក់បាំងតម្រុយក្នុងអំពើឃាតកម្ម ប្រព្រឹត្តកាលពីថ្ងៃទី២៦ ខែមករា ឆ្នាំ២០១៨ នៅចំណុចផ្ទះជួល ក្នុងភូមិផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ លើជនរងគ្រោះឈ្មោះ ចេវសុវឌ្ឍនា ដែលជាស្រីកំណាន់របស់ ឡាយ វណ្ណៈ យោងតាមមាត្រា៥៣២នៃក្រមព្រហ្មទណ្ឌ ។
ក្រោយពីការប្រកាសសាល ក្រមនេះភ្លាម ជនជាប់ចោទ ឡាយ វណ្ណៈ និងបងប្រុស ឡាយ ណារិទ្ធ បានបញ្ចេញប្រតិកម្មកើតទុក្ខមិនសុខចិត្តចំពោះការកាត់ក្តីនេះ ថាមិនមានភាពយុត្តិធម៌ ហើយជនជាប់ចោទទាំង២នាក់បងប្អូន បានប្រកាសប្តឺងទៅសាលាឧទ្ធរណ៍តាមកំណត់ច្បាប់ ។ ទាំង ឡាយ វណ្ណៈ និង ឡាយ ណារិទ្ធ ធ្លាប់បានបដិសេធថា ទាំង២នាក់បងប្អូនមិនបានសម្លាប់អ្នកស្រី ចេវ សុវឌ្ឍនា ទេ ហើយបើមានពាក់ព័ន្ធមែននោះ សូមឲ្យវត្ថុស័ក្តិសិទ្ធិបរាមុខឲ្យស្លាប់តៃហោងទាំងប្រពន្ធកូន និងធ្លាក់នរក៩ជាន់កុំចាប់ជាតិចុះ ។
ក្រោយមក សំណុំរឿងនេះសាលាឧទ្ធរណ៍បានលើកយកមកបើកសវនាការតាមបណ្តឹងរបស់ជនជាប់ចោទ និងបានប្រកាសសាលដីកា នៅរក្សាសាលក្រមរបស់សាលាដំបូងរាជធានីភ្នំពេញទុកជាបានការដដែល ។ ដោយឡែក ជនជាប់ចោទជាអ្នកបម្រើនិងអ្នកបើកបររថយន្ត ត្រូវបានដោះលែងឲ្យមានសេរីភាពវិញ នៅពេលអនុវត្តទោសគ្រប់តាមការកំណត់ ។ ចំណែកជនជាប់ចោទទាំង២នាក់បងប្អូន នៅពេលដឹងថាសាលាឧទ្ធរណ៍ នៅតែរក្សានិងតម្កល់ទុកសាលក្រមរបស់សាលាដំបូងនោះ ក៏កើតទុកមិនសុខចិត្ត និងបានពឹងពាក់មេធាវីការពារផ្លូវច្បាប់ប្តឹងសាទុកទៅតុលាការកំពូល ដើម្បីទាមទាររកយុត្តិធម៌ឡើងវិញទៀត ។
ហេតុនេះហើយ ទើបបានជានៅព្រឹកថ្ងៃទី២៥ ខែធ្នូ ឆ្នាំ២០២០ តុលាការកំពូលលើកយកសំណុំរឿងនេះមកបើកសវនាការជំនុំជម្រះក្តី ប៉ុន្តែដោយជនជាប់ចោទ ឡាយ វណ្ណៈ មានបញ្ហាសុខភាព សវនាការនោះក៏ត្រូវបានប្រកាសលើកពេលវិញ ។
មហាជននៅរង់ចាំអ៊ុតមើលអាប៉ោង ឡាយ វណ្ណៈ អតីតអភិបាលខេត្តតាកែវ និងបងប្រុសតើវាសនាទៅជាយ៉ាងណា ? ៕
ចែករំលែកព័តមាននេះ